ಟ್ರಾಯ್ ನಿಂದ ಜಿಯೋ ಬಳಕೆದಾರರಿಗೆ ಸಂತಸದ ಸುದ್ದಿ, ಇತರರಿಗೆ ಬೇಸರದ ಸುದ್ದಿ...!

ಟ್ರಾಯ್ ಮೈ ಸ್ಪೀಡ್ ಡೇಟಾ:

ಟೆಲಿಕಾಂ ಮಾರುಕಟ್ಟೆ ನಿಯಂತ್ರಣ ಪ್ರಾಧಿಕಾರ ಟ್ರಾಯ್, ಟೆಲಿಕಾಂ ಕಂಪನಿಗಳ ಡೇಟಾ ವೇಗವನ್ನು ಅಳೆಯುವ ಸಲುವಾಗಿ ಮೈ ಸ್ಟೀಡ್ ಡೇಟಾವನ್ನು ಬಳಕೆ ಮಾಡಿಕೊಳ್ಳುತ್ತಿದೆ ಎನ್ನಲಾಗಿದೆ. ಇದರಲ್ಲಿ ಜಿಯೋ ಹೆಚ್ಚಿನ ವೇಗದ ಸೇವೆಯನ್ನು ನೀಡುತ್ತಿದೆ.

ಜಿಯೋನೇ ನಂಬರ್ ಓನ್:

ಮಾರುಕಟ್ಟೆಯಲ್ಲಿ ಆರಂಭದಿಂದಲೂ ತನ್ನ ಪಾರಮ್ಯವನ್ನು ಸಾಧಿಸಿರುವ ಜಿಯೋ, ಟ್ರಾಯ್ ಬಿಡುಗಡೆ ಮಾಡಿರುವ ಮೇ ತಿಂಗಳ ವರದಿಯಲ್ಲಿ ಜಿಯೋ ಒಟ್ಟು 22.3 Mbps ವೇಗದಲ್ಲಿ ಕಾರ್ಯನಿರ್ವಹಿಸುತ್ತಿದ್ದು, ಬಳಕೆದಾರರಿಗ ಅತ್ಯಂತ ವೇಗದ ಸೇವೆಯನ್ನು ನೀಡುತ್ತಿದೆ. ಇದಾದ ನಂತರದಲ್ಲ ಕಾಣಿಸಿಕೊಂಡಿರುವ ಟೆಲಿಕಾಂ ಕಂಪನಿಗಳು ಇದರ ಅರ್ಧದಷ್ಟು ವೇಗದಲ್ಲಿ ಸೇವೆಯನ್ನು ನೀಡಲು ಶಕ್ತವಾಗಿಲ್ಲ.

ಏರ್‌ಟೆಲ್ ಎರಡನೇ ಸ್ಥಾನ:

ಜಿಯೋ ನಂತರದಲ್ಲಿ ಕಾಣಿಸಿಕೊಂಡಿರುವುದು ಏರ್‌ಟೆಲ್, ಮಾರುಕಟ್ಟೆಯಲ್ಲಿ ಜಿಯೋಗೆ ಸ್ಪರ್ಧೆಯನ್ನು ನೀಡುತ್ತಿರುವ ಮಾದರಿಯಲ್ಲಿಯೂ ಇಲ್ಲಿಯೂ ಕೊಂಚ ಮಟ್ಟದ ಪ್ರತಿರೋಧವನ್ನು ತೋರಿಸಿದೆ. ಏರ್‌ಟೆಲ್ 9.7Mbps ವೇಗದಲ್ಲಿ ಸೇವೆಯನ್ನು ನೀಡುತ್ತಿದೆ. ಮಾರುಕಟ್ಟೆಯಲ್ಲಿ ಬೇರೆ ಕಂಪನಿಗಳಿಗೆ ಹೋಲಿಕೆ ಮಾಡಿದರೆ ಇದೇ ಬೆಸ್ಟ್ ಎನ್ನಬಹುದಾಗಿದೆ.

ಮೂರನೇ ಸ್ಥಾನ:

ಮೂರನೇ ಸ್ಥಾನಕ್ಕೆ ವೊಡಾಫೋನ್ ತೃಪ್ತಿಪಟ್ಟುಕೊಂಡಿದ್ದು, 6.7Mbps ವೇಗದಲ್ಲಿ ಕಾರ್ಯನಿರ್ವಹಿಸುತ್ತಿದೆ. ಇದೇ ಮಾದರಿಯಲ್ಲಿ ನಾಲ್ಕನೇ ಸ್ಥಾನದಲ್ಲಿರುವ ಐಡಿಯಾ 6.1 Mbpsವೇಗದಲ್ಲಿ ಸೇವೆಯನ್ನು ನೀಡುತ್ತಿದೆ. ಈ ಮೂರು ಕಂಪನಿಗಳು ಸೇರಿದರೂ ಸಹ ಜಿಯೋ ವೇಗವನ್ನು ಸರಿಗಟ್ಟಲು ಸಾಧ್ಯವಾಗುತ್ತಿಲ್ಲ.

ಜಿಯೋ ನಂಬಿಕೆ:

ಇತರೆ ಟೆಲಿಕಾಂ ಕಂಪನಿಗಳಿಗೆ ಹೋಲಿಕೆ ಮಾಡಿಕೊಂಡರೆ ಜಿಯೋ ಬಳಕೆದಾರರಲ್ಲಿ ನಂಬಿಕೆಯನ್ನು ಉಳಿಸಿಕೊಂಡಿದೆ. ಏರ್‌ಟೆಲ್ - ವೊಡಾಫೋನ್ ಇನ್ನು ಸಾಮಾನ್ಯರಿಗೆ ಹಲವು ರೀತಿಯಲ್ಲಿ ವಂಚಿಸುವ ಪ್ಲಾನ್ ಅನ್ನೇ ನೀಡುತ್ತಿವೆ, ಇದಕ್ಕಾಗಿ ಹಲವು ಮಂದಿ ಜಿಯೋ ಕಡೆಗೆ ಮುಖ ಮಾಡಿರುವುದನ್ನು ನಾವು ಕಾಣಬಹುದಾಗಿದೆ.