ಜಿಯೋ ಏಟಿಗೆ ಏರ್‌ಟೆಲ್ ಸುಸ್ತು!..ದಾಖಲೆ ಸೃಷ್ಟಿಸಿದ ದೇಶದ ಮೊಬೈಲ್ ಮಾರುಕಟ್ಟೆ!!

ದೇಶದ ಒಟ್ಟು ಫೋನ್ ಚಂದಾದಾರರು?

2018 ನವೆಂಬರ್ ತಿಂಗಳ ಅಂತ್ಯದ ವೇಳೆಗೆ ಭಾರತದಲ್ಲಿ ಒಟ್ಟು 118.36ಕೋಟಿ ಮೊಬೈಲ್ ಫೋನ್ ಚಂದಾದಾರರು ಇದ್ದಾರೆ ಎಂದು ಟ್ರಾಯ್ ರಿಪೋರ್ಟ್ ತಿಳಿಸಿದೆ. ಇದರಲ್ಲಿ 17.39 ಲಕ್ಷ ಹೊಸ ಗ್ರಾಹಕರ ಸೇರ್ಪಡೆಯಾಗಿದೆ. ಇನ್ನು ಖಾಸಗಿ ಟೆಲಿಕಾಂ ಕಂಪೆನಿಗಳು ಶೇಕಡ 89.99 ಮಾರುಕಟ್ಟೆ ಪಾಲನ್ನು ಹೊಂದಿದ್ದರೆ, ಸರ್ಕಾರಿ ಕಂಪೆನಿಗಳ ಪಾಲು ಶೇಕಡಾ 10.01 ರಷ್ಟು ಮಾತ್ರ.

ಜಿಯೋ ನಾಗಾಲೋಟ!

ಭಾರತದ 4G ಆಟಗಾರ ಟೆಲಿಕಾಂ ಕಂಪೆನಿ ರಿಲಯನ್ಸ್ ಜಿಯೋ ಕಳೆದ ವರ್ಷವೂ ತನ್ನ ನಾಗಾಲೋಟವನ್ನು ಮುಂದುವರೆಸಿದೆ. ಕಳೆದ ವರ್ಷದ ಚಂದಾದಾರಿಕೆ ರೇಸ್‌ನಲ್ಲಿ ನೇತೃತ್ವ ವಹಿಸಿರುವ ಜಿಯೋ ದೇಶದಾದ್ಯಂತ ಸುಮಾರು 88.01 ಲಕ್ಷ ಹೊಸ ಗ್ರಾಹಕರನ್ನು ಸೇರಿಸಿಕೊಂಡಿದೆ, ಫೆಬ್ರವರಿ ಅತಂತ್ಯದ ವೇಳೆಗೆ ಜಿಯೊ ಚಂದಾದಾರರ ಸಂಖ್ಯೆ 30 ಕೋಟಿ ದಾಟಿದೆ.

ಎರಡನೇ ಸ್ಥಾನ BSNLಗೆ!

ಇತ್ತೀಚಿಗಷ್ಟೇ ಜಿಯೋಗಿಂತಲೂ ಮೂರು ಪಟ್ಟು ಡೇಟಾ ನೀಡಿ ಆಶ್ಚರ್ಯ ಮೂಡಿಸಿದ್ದ ಸರಕಾರಿ ಸ್ವಾಮ್ಯದ ಭಾರತ್ ಸಂಚಾರ್ ನಿಗಮ್ ಲಿಮಿಟೆಡ್ (ಬಿಎಸ್ಎನ್ಎಲ್) ಸಂಸ್ಥೆ ಚಂದಾರರನ್ನು ಸೆಳೆಯುವಲ್ಲಿ ಎರಡನೇ ಸ್ಥಾನವನ್ನು ಪಡೆದುಕೊಂಡಿದೆ. ಫೆಬ್ರವರಿ ವೇಳೆಗೆ ಬಿಎಸ್‌ಎನ್‌ಎಲ್ ಸಂಸ್ಥೆ 9 ಲಕ್ಷ ಚಂದಾದಾರರನ್ನು ಸೇರಿಸಿ ಟೆಲಿಕಾಂನಲ್ಲಿ ಎರಡನೇ ಸ್ಥಾನ ಪಡೆದಿದೆ.

ಕನಿಷ್ಠಕ್ಕೆ ಇಳಿದ ಏರ್‌ಟೆಲ್!

ಭಾರತ ಟೆಲಿಕಾಂನಲ್ಲಿ ಹಲವು ವರ್ಷಗಳ ಕಾಲ ರಾಜನಂತೆ ಮೆರೆದಿದ್ದ ಏರ್‌ಟೆಲ್ ನವೆಂಬರ್ ತಿಂಗಳಿನಲ್ಲಿ ಮಣ್ಣುಮುಕ್ಕಿದೆ. ನವೆಂಬರ್ 30ರ ವೇಳೆಗೆ ಏರ್‌ಟೆಲ್ ಕೇವಲ 1.02 ಲಕ್ಷ ಹೊಸ ಗ್ರಾಹಕರನ್ನು ಸೇರಿಸಿಕೊಂಡಿತ್ತು. ಫೆಬ್ರವರಿಯಲ್ಲೂ ಸ್ವಲ್ಪ ಗ್ರಾಹಕರನ್ನು ಸೆಳೆದಿರುವ ಏರ್‌ಟೆಲ್‌ನ ಚಂದಾದಾರರು 35 ಕೋಟಿಯಷ್ಟು ಇದ್ದಾರೆ ಎಂದು ಟ್ರಾಯ್ ರಿಪೋರ್ಟ್ ತಿಳಿಸಿದೆ.

ವೊಡಾಫೋನ್ ಐಡಿಯಾಗೆ ಸಂಕಷ್ಟ!

ದೇಶದ ಅತಿ ದೊಡ್ಡ ಟೆಲಿಕಾಂ ಆಗಿ ಹೊರಹೊಮ್ಮಿರುವ ವೊಡಾಫೋನ್ ಐಡಿಯಾಗೆ ಸಂಕಷ್ಟವನ್ನು ತಂದುಕೊಂಡಿದೆ. ಪ್ರಸ್ತುತ ಅತಿದೊಡ್ಡ ಟೆಲಿಕಾಂಸೇವಾ ಪೂರೈಕೆದಾರ ವೊಡಾಫೋನ್ ಐಡಿಯಾ ನವೆಂಬರ್‌ನಲ್ಲಿ 65.26 ಲಕ್ಷ ಮತ್ತು ಫೆಬ್ರವರಿಯಲ್ಲಿ 57 ಲಕ್ಷ ಚಂದಾದಾರರನ್ನು ಕಳೆದುಕೊಂಡಿದೆ. ಪ್ರಸ್ತುತ ವೊಡಾಫೋನ್ ಐಡಿಯಾ ಚಂದಾದಾರಿಕೆ 42 ಕೋಟಿ ಗಳಷ್ಟಿದೆ.