ಭಾರತದ ಟೆಲಿಕಾಂ ಜಗತ್ತಿಗೆ ಹೊಸ ದಿಕ್ಕು ತೋರಿಸಿದ ಜಿಯೋ..!

1. ಇಂಟರ್‌ನೆಟ್‌ ಬಳಕೆಯಲ್ಲಿ ಏರಿಕೆ

ಭಾರತದಲ್ಲಿ ಡೇಟಾ ಬಳಕೆಯ ಪ್ರಮಾಣ ಈ ಮೊದಲು ತಿಂಗಳಿಗೆ 20 ಕೋಟಿ GB ತಲುಪುತ್ತಿತ್ತು. ಆದರೆ, ಈಗ ತಿಂಗಳಿಗೆ 37 ಕೋಟಿ GB ಡೇಟಾ ಬಳಕೆಯಾಗುತ್ತಿದೆ ಎಂದರೆ ಜಿಯೋ ಪ್ರಭಾವವನ್ನು ನೀವು ಅಂದಾಜಿಸಬಹುದು.

2. ಅಗ್ಗದ ದರ

ನಾವೇಲ್ಲಾ ಮೊದಲು 1GB ಡೇಟಾಗೆ 250 ರೂ.ಗಿಂತ ಹೆಚ್ಚು ಹಣವನ್ನು ವ್ಯಯಿಸುತ್ತಿದ್ದೇವು. ಆದರೆ, ಈಗ ಅದೇ 1GB ಡೇಟಾವನ್ನು 15 ರೂ.ಗಿಂತ ಕಡಿಮೆ ದುಡ್ಡಿನಲ್ಲಿ ಬಳಸುತ್ತಿದ್ದೇವೆ.

3. ಭಾರತ ನಂ.1

ಇಂಟರ್‌ನೆಟ್‌ ಡೇಟಾ ಬಳಕೆಯಲ್ಲಿ ಭಾರತ ಜಿಯೋ ಲಾಂಚ್ ಆಗುವುದಕ್ಕಿಂತ ಮುಂಚೆ 155ನೇ ಸ್ಥಾನವನ್ನು ಹೊಂದಿತ್ತು. ಆದರೆ, ಈಗ ಭಾರತ ಡೇಟಾ ಬಳಕೆಯಲ್ಲಿ ನಂ.1 ಸ್ಥಾನವನ್ನು ಅಲಂಕರಿಸಿದೆ. ಇದಕ್ಕೆಲ್ಲ ಕಾರಣ ಜಿಯೋ ಅಲ್ಲದೇ ಮತ್ತೇನು ಯೋಚಿಸಿ.

4. ಸಾಮಾಜಿಕ ಜಾಲತಾಣಗಳ ಬಳಕೆ ಹೆಚ್ಚಳ

ಜಿಯೋ ಬರುವುದಕ್ಕಿಂತಲೂ ಮುಂಚೆ ಭಾರತದಲ್ಲಿ ಸಾಮಾಜಿಕ ಜಾಲತಾಣಗಳ ಬಳಕೆ ಇದ್ದರೂ ಸಹ ಹೆಚ್ಚಿನ ಡೇಟಾ ದರದಿಂದ ಅಷ್ಟೊಂದು ಪ್ರಭಾವ ಬೀರಿದ್ದಿಲ್ಲ. ಆದರೆ, 2016ರಲ್ಲಿ ಜಿಯೋ ಲಾಂಚ್ ಆದ ಮೊದಲ ವರ್ಷದಲ್ಲಿ 70 ಮಿಲಿಯನ್‌ ಬಳಕೆದಾರರು ಸಾಮಾಜಿಕ ಜಾಲತಾಣಕ್ಕೆ ಸೇರಿದ್ದಾರೆ.

5. ಮೂರಕ್ಕಿಳಿದ ಸ್ಪರ್ಧೆ

ಭಾರತೀಯ ಟೆಲಿಕಾಂ ಕ್ಷೇತ್ರದಲ್ಲಿ ಲೆಕ್ಕವಿರದಷ್ಟು ಟೆಲಿಕಾಂ ಆಪರೇಟರ್‌ಗಳು ಇದ್ದರು. ಯುನಿನಾರ್, ವರ್ಜಿನ್‌ನಂತಹ ಕಂಪನಿಗಳು ಸಹ ಭಾರತದಲ್ಲಿ ನೆಲೆ ಕಂಡಿದ್ದವು. ಆದರೆ, ಜಿಯೋ ಲಾಂಚ್ ಆದ ನಂತರ ಈ ಸ್ಪರ್ಧೆ ಏರ್‌ಟೆಲ್‌, ವೊಡಾಫೋನ್‌-ಐಡಿಯಾ, ಜಿಯೋಗೆ ಮಾತ್ರ ಸೀಮಿತವಾಯಿತು. ಬಿಎಸ್‌ಎನ್‌ಎಲ್‌ ಮತ್ತು ಟಾಟಾ ಸಹ ಸ್ಪರ್ಧೆಯಿಂದ ಹಿಂದುಳಿಯುವಂತೆ ಜಿಯೋ ಮಾಡಿತು.

6. ಡೇಟಾ ಮತ್ತು ಕರೆ ಬಳಕೆಯಲ್ಲಿ ಹೆಚ್ಚಳ

ಜಿಯೋ ಬಂದ ನಂತರ ಒಬ್ಬ ಬಳಕೆದಾರ ತಿಂಗಳಿಗೆ ಸಾಮಾನ್ಯವಾಗಿ 10.6 GB ಡೇಟಾವನ್ನು ಬಳಸುತ್ತಿದ್ದಾರೆ. ಈ ಪ್ರಮಾಣ ಮೊದಲು ಗಣನೀಯ ಪ್ರಮಾಣದಲ್ಲಿ ಕಡಿಮೆಯಿತ್ತು. ಗ್ರಾಹಕ ತಿಂಗಳಿಗೆ 744 ನಿಮಿಷಗಳನ್ನು ಕರೆಗಳಿಗಾಗಿ ಬಳಸುತ್ತಿದ್ದಾನೆ.

7. 4G-VoLTE ಬೆಂಬಲಿತ ಸ್ಮಾರ್ಟ್‌ಫೋನ್‌ಗಳು

ಜಿಯೋ ಬರುವುದಕ್ಕಿಂತ ಮುಂಚೆ ಭಾರತದಲ್ಲಿ 4G-VoLTE ಅಷ್ಟೇನು ಹೆಚ್ಚು ಬಳಕೆಯಲ್ಲಿದ್ದಿಲ್ಲ. 2016ರಲ್ಲಿ ಜಿಯೋ ಲಾಂಚ್ ಆದ ನಂತರ ಭಾರತದಲ್ಲಿ ಬಿಡುಗಡೆಯಾಗುವ ಸ್ಮಾರ್ಟ್‌ಫೋನ್‌ಗಳೆಲ್ಲ 4G-VoLTE ಬೆಂಬಲಿಸುವ ಫೀಚರ್‌ಗಳನ್ನು ಹೊಂದಿ ಬಿಡುಗಡೆಯಾಗಿವೆ.

8. 215 ಮಿಲಿಯನ್ ಬಳಕೆದಾರರು

ಕೇವಲ 2 ವರ್ಷದಲ್ಲಿ ಜಿಯೋ ದೊಡ್ಡ ಸಾಧನೆಯನ್ನೇ ಮಾಡಿದೆ. ಈ ವರ್ಷದ ಜೂನ್‌ ಅಂತ್ಯಕ್ಕೆ ಜಿಯೋ 215 ಮಿಲಿಯನ್‌ ಗ್ರಾಹಕರನ್ನು ಹೊಂದಿದ್ದು, ಗ್ರಾಹಕರ ಪ್ರಮಾಣದಲ್ಲಿ ಭಾರತದಲ್ಲಿ ಮೂರನೇ ಸ್ಥಾನ ಕಾಯ್ದುಕೊಂಡಿದೆ.