ಜಿಯೋ ಫೋನ್ ಅಸಲಿ ಬೆಲೆ ಬಯಲು: ಅಂಬಾನಿ ಈ ರೀತಿ ಮಾಡಿದ್ದೇಕೆ?

ಜಿಯೋ ಫೋನ್ ಅಸಲಿ ಬೆಲೆ?

ಈಗಾಗಲೇ ಜಿಯೋ ಮೂಲಕ ಭಾರತೀಯ ಮಾರುಕಟ್ಟೆಯಲ್ಲಿ ಮತ್ತು ಭಾರತೀಯರಲ್ಲಿ ಒಂದು ನಂಬಿಕೆಯನ್ನು ಹುಟ್ಟಿಹಾಕಿರುವ ಅಂಬಾನಿ, ಅದನ್ನು ಉಳಿಸಿಕೊಳ್ಳುವ ಸಲುವಾಗಿ ಉತ್ತಮ ಫೋನ್ ಅನ್ನು ಭಾರತೀಯರ ಕೈಗೆ ನೀಡಿದ್ದಾರೆ. ಮೂಲಗಳ ಪ್ರಕಾರ ಜಿಯೋ ಫೋನಿನ ಬೆಲೆ ರೂ.2.500ಕ್ಕಿಂತಲೂ ಹೆಚ್ಚಾಗಿದೆ ಎನ್ನಲಾಗಿದೆ.

ಹೊರೆ ಹೊತ್ತ ಅಂಬಾನಿ:

ಜಿಯೋ ಫೋನಿನ ಹೆಚ್ಚುವರಿ ಬೆಲೆಯನ್ನು ಜಿಯೋ ಬರಿಸಿದ್ದು, ಜನರಿಗೆ ಹೊರೆಯನ್ನು ಹೊರಿಸಿಲ್ಲ. ಮತ್ತು ಮೂರು ವರ್ಷದ ಬಳಿಕ ಈ ಫೋನ್ ಇಷ್ಟವಾಗದೇ ಹೊದರೆ ಹಣವನ್ನು ಹಿಂತಿರುಗಿಸಲಿದೆ ಸಹ. ಒಟ್ಟಿನಲ್ಲಿ ಉಚಿತ ಫೋನ್ ಎಂದೆ ಹೇಳಬಹುದು. ಮೂಲಗಳ ಪ್ರಕಾರ ಈ ಫೋನ್ ಉತ್ಪಾದನ ಬೆಲೆಯೂ ರೂ. 3000ದ ವರೆಗೂ ಆಗಿದ್ದು, ಜಿಯೋ ಶೇ. 50% ರಷ್ಟು ಹಣವನ್ನು ಪಾವತಿ ಮಾಡುತ್ತಿದೆ.

300 ಮಿಲಿಯನ್ ಬಳಕೆದಾರರ ಗುರಿ:

ಅತೀ ಕಡಿಮೆ ಅವಧಿಯಲ್ಲಿಯೇ 100 ಮಿಲಿಯನ್ ಗಿಂತಲೂ ಹೆಚ್ಚಿನ ಬಳಕೆದಾರರನ್ನು ತನ್ನ ಕುಟುಂಬಕ್ಕೆ ಸೇರಿಸಿಕೊಂಡಿದ್ದ ಜಿಯೋ ಮುಂದಿನ ಮೂರು ತಿಂಗಳಿನಲ್ಲಿ 300 ಮಿಲಿಯನ್ ಮಂದಿ ಬಳಕೆದಾರರನ್ನು ಹೊಂದುವ ಯೋಜನೆಯನ್ನು ರೂಪಿಸಿದೆ. ಈ ಹಿನ್ನಲೆಯಲ್ಲಿ ಈ ಫೋನ್ ಅನ್ನು ಕಡಿಮೆ ಬೆಲೆಗೆ ನೀಡುವ ಪ್ರಯತ್ನವನ್ನು ಮಾಡುತ್ತಿದೆ.

ಮಾರುಕಟ್ಟೆಯಲ್ಲಿ ಹೊಸ ಭಾಷ್ಯ:

ಈಗಾಗಲೇ ಮೊದಲ ಹಂತವಾಗಿ ಜಿಯೋ 60 ಲಕ್ಷ ಫೋನ್ ಗಳನ್ನು ಭಾರತೀಯ ಮಾರುಕಟ್ಟೆಗೆ ಬಿಡುಗಡೆ ಮಾಡುತ್ತಿದ್ದು, ಇದೇ ಮೊದಲ ಬಾರಿಗೆ ಭಾರತೀಯ ಮಾರುಕಟ್ಟೆಯಲ್ಲಿ ಒಂದೇ ಫೋನ್ ಇಷ್ಟು ಪ್ರಮಾಣದಲ್ಲಿ ಮಾರಾಟವಾಗುತ್ತಿರುವುದು ಎನ್ನಲಾಗಿದೆ. ಈ ಪೋನ್ ಗಳೇಲ್ಲವು ಈಗಾಗಲೇ ಬುಕ್ ಆಗಿರುವವರಿಗೆ ಮಾತ್ರವೇ ದೊರೆಯಲಿದೆ.