ಟೆಲಿಕಾಂ ಮಾರುಕಟ್ಟೆಯಲ್ಲಿ ಜಿಯೋಗೆ ಎರಡನೇ ಸ್ಥಾನ: ಮೊದಲು ಬಂದರು ಏರ್ ಟೆಲ್ ಗೆ ನಷ್ಟ..!

ಆದಾಯದ ವಿಚಾರದಲ್ಲಿ:

ಜಿಯೋ ಎರಡನೇ ಸ್ಥಾನವನ್ನು ಪಡೆದುಕೊಂಡಿರುವುದು ಆದಾಯದ ವಿಚಾರದಲ್ಲಿ, ಬಳಕೆದಾರರ ವಿಭಾಗದಲ್ಲಿ ಇನ್ನು ಕೆಳಗೆ ಇರುವ ಜಿಯೋ, ಹೆಚ್ಚಿನ ಪ್ರಮಾಣದ ಆದಾಯವನ್ನು ಪಡೆದುಕೊಂಡಿದ್ದು, ಒಟ್ಟು ರೂ.6217.64 ಕೋಟಿ ಪಡೆದುಕೊಂಡಿದೆ. ಈ ಮೂಲಕ ದೇಶಿಯ ಮಾರುಕಟ್ಟೆಯಲ್ಲಿ ತನ್ನ ಪಾರಮ್ಯವನ್ನು ಮೆರೆದಿದೆ.

ಏರ್ ಟೆಲ್ ಮೊದಲ ಸ್ಥಾನ:

ಬಳಕೆದಾರರ ಸಂಖ್ಯೆಯಲ್ಲಿ ಮತ್ತು ಆದಾಯದ ವಿಭಾಗದಲ್ಲಿ ಎರಡರಲ್ಲಿಯೂ ಏರ್ ಟೆಲ್ ಮೊದಲ ಸ್ಥಾನವನ್ನು ಪಡೆದುಕೊಂಡಿದೆ. ಈ ವರ್ಷ ಒಟ್ಟು 7086.49 ಕೋಟಿ ಆದಾಯವನ್ನು ಪಡೆದುಕೊಳ್ಳುವ ಮೂಲಕ ಏರ್ ಟೆಲ್ ಮೊದಲ ಸ್ಥಾನದಲ್ಲಿ ಕಾಣಿಸಿಕೊಂಡಿದೆ.

ಏರ್ ಟೆಲ್ ಗೆ ನಷ್ಟ:

ಏರ್ ಟೆಲ್ ಮೊದಲ ಸ್ಥಾನದಲ್ಲಿ ಕಾಣಿಸಿಕೊಂಡಿದ್ದರು ಸಹ ಆದಾಯದ ಗಳಿಕೆಯಲ್ಲಿ ಕಳೆದ ಬಾರಿಗಿಂತಲೂ ಶೇ.10%ರಷ್ಟು ಇಳಿಕೆಯನ್ನು ಕಂಡಿದೆ ಎನ್ನಲಾಗಿದೆ. ಇದೇ ಸಂದರ್ಭದಲ್ಲಿ ಜಿಯೋ ಯನ್ನ ಆದಾಯದ ಏರಿಕೆಯಲ್ಲಿ ಬೆಳವಣಿಗೆಯನ್ನು ಸಾಧಿಸಿದೆ ಎನ್ನಲಾಗಿದೆ.

ಮೂರನೇ ಸ್ಥಾನದಲ್ಲಿ ವೊಡಾಫೋನ್:

ಇದೇ ಮಾದರಿಯಲ್ಲಿ ಎರಡನೇ ಸ್ಥಾನದಿಂದ ಮೂರನೇ ಸ್ಥಾನಕ್ಕೆ ಕುಸಿದಿರುವ ವೊಡಾಫೋನ್ ಒಟ್ಟು 4934 ಕೋಟಿಯನ್ನು ಪಡೆಯುವ ಮೂಲಕ ಜಿಯೋಗೆ ತನ್ನ ಸ್ಥಾನವನ್ನು ಬಿಟ್ಟುಕೊಟ್ಟು, ಕಡಿಮೆ ಆದಾಯವನ್ನು ಪಡೆದುಕೊಂಡಿದೆ ಎನ್ನಲಾಗಿದೆ.

ನಾಲ್ಕರಲ್ಲಿ ಐಡಿಯಾ:

ಜಿಯೋದಿಂದ ಸಾಕಷ್ಟು ಹೊಡೆತವನ್ನು ತಿಂದಿರುವ ಐಡಿಯಾ ನಾಲ್ಕನೇ ಸ್ಥಾನದಲ್ಲಿ ಕಾಣಿಸಿಕೊಂಡಿದ್ದು, ರೂ.4033 ಕೋಟಿ ಆದಾಯವನ್ನು ಪಡೆದುಕೊಂಡಿದೆ. ಇದು ಅಷ್ಟೆನು ಜಾಸ್ತಿ ಎನ್ನುವಂತಿಲ್ಲ. ಮುಂದಿನ ದಿನಗಳ್ಲಿ ಐಡಿಯಾ ಮತ್ತು ವೊಡಾ ಒಂದಾಗುವ ಸಾಧ್ಯತೆ ಇದೆ.