ಎಲ್ಲದರಲ್ಲೂ ಇವೆ ₹ 100 ಒಳಗಿನ ಪ್ಲಾನ್ಸ್‌..! ಯಾವುದು ಬೆಸ್ಟ್‌ ನೀವೆ ಆಯ್ದುಕೊಳ್ಳಿ..?

ರಿಲಯನ್ಸ್ ಜಿಯೋ ರೂ.98 ಪ್ಲಾನ್:

ರಿಲಯನ್ಸ್ ನ 100 ರುಪಾಯಿ ಒಳಗಿನ ಪ್ರೀಪೇಯ್ಡ್ ಪ್ಲಾನ್ ಇದು. ಈ ರೆಗ್ಯುಲರ್ ಪ್ಲಾನ್ ನಲ್ಲಿ ನಿಮಗೆ 2ಜಿಬಿ 4ಜಿ ಡಾಟಾ, 300ಎಸ್ಎಂಎಸ್ ಮತ್ತು ಅನಿಯಮಿತ ವಾಯ್ಸ್ ಕರೆಗಳು ಎಫ್ ಯುಪಿ ರಹಿತವಾಗಿ 28 ದಿನಗಳ ಅವಧಿಗೆ ಲಭ್ಯವಾಗುತ್ತದೆ. ಜಿಯೂ ಸ್ಯೂಟ್ ಆಪ್ ಗಳಿಗೆ ಉಚಿತ ಚಂದಾದಾರಿಕೆ ಲಭ್ಯವಾಗುತ್ತದೆ.

ವೊಡಾಫೋನ್‌ ರೂ.99 ಪ್ಲಾನ್:

ಇತ್ತೀಚೆಗಷ್ಟೇ ವೊಡಾಫೋನ್‌ ಈ ಪ್ಲಾನ್ ನ್ನು ಪರಿಚಯಿಸಿದೆ. ಈ 99 ರೂಪಾಯಿ ಪ್ರೀಪೇಯ್ಡ್ ಪ್ಲಾನ್ ಉಚಿತ ವಾಯ್ಸ್ ಕರೆಗಳನ್ನು 250 ನಿಮಿಷ ಪ್ರತಿದಿನ ನೀಡುತ್ತದೆ ಅಂದರೆ ನಿಮಗೆ ಒಂದು ವಾರಕ್ಕೆ 1000 ನಿಮಿಷ ಉಚಿತ ವಾಯ್ಸ್ ಕರೆಗಳಿಗೆ ಇದರಲ್ಲಿ ಅವಕಾಶವಿದೆ. ಇದರ ವ್ಯಾಲಿಡಿಟಿ ಕೂಡ 28 ದಿನಗಳು. ಆದರೆ ಇದರಲ್ಲಿ ಯಾವುದೇ ಡಾಟಾ ಮತ್ತು ಎಸ್ಎಂಎಸ್ ಲಾಭಗಳು ಇರುವುದಿಲ್ಲ.

ಏರ್ ಟೆಲ್ ರೂ.99 ಪ್ಲಾನ್:

ಏರ್ ಟೆಲ್ ನ 99 ರುಪಾಯಿಯ ಪ್ರೀಪೇಯ್ಡ್ ಪ್ಲಾನ್ ಜಿಯೋ ಪ್ಲಾನ್ ನಂತೆಯೇ ಇದೆ. ಇದು ಒಟ್ಟು 2 ಜಿಬಿ 3ಜಿ/4ಜಿ ಡಾಟಾ, ಅನಿಯಮಿತ ವಾಯ್ಸ್ ಕರೆಗಳು(ಅದಕ್ಕೆ ಯಾವುದೇ ಲಿಮಿಟ್ ಇಲ್ಲ) , 100 ಎಸ್ಎಂಎಸ್ ಪ್ರತಿದಿನ ಉಚಿತವಾಗಿ 28 ದಿನಗಳ ಅವಧಿಗೆ ಲಭ್ಯವಾಗುತ್ತದೆ. ಕೆಲವು ಸರ್ಕಲ್ ನಲ್ಲಿರುವ ಚಂದಾದಾರರಿಗೆ 2ಜಿಬಿ ಡಾಟಾ ಮತ್ತು ಇನ್ನು ಕೆಲವರಿಗೆ 1ಜಿಬಿ ಡಾಟಾ ಲಭ್ಯವಾಗುತ್ತದೆ. ಇತರೆ ಎಲ್ಲಾ ವಿಚಾರವೂ ಎಲ್ಲಾ ಚಂದಾದಾರರಲ್ಲೂ ಒಂದೇ ಆಗಿರುತ್ತದೆ. ಇನ್ನು 97 ರೂಪಾಯಿ ಪ್ರೀಪೇಯ್ಡ್ ಪ್ಲಾನ್ ಕೂಡ ಲಭ್ಯವಿದೆ. ಇದರಲ್ಲಿ ನೀವು ಕೋಂಬೋ ರೀಚಾರ್ಜ್ ಪ್ಲಾನ್ ನ್ನು ಪರೀಕ್ಷಿಸಿ.

ಬಿಎಸ್ಎನ್ಎಲ್ ರೂ.99 ಪ್ಲಾನ್:

ಬಿಎಸ್ಎನ್ಎಲ್ ಕೂಡ ಇತ್ತೀಚೆಗೆ ತನ್ನ ಚಂದಾದಾರರಿಗೆ ಉತ್ತಮ ಆಫರ್ ಗಳನ್ನು ನೀಡಲು ಚಿಂತನೆ ನಡೆಸುತ್ತಿದೆ. ದೆಹಲಿ ಮತ್ತು ಮುಂಬೈ ಗ್ರಾಹಕರನ್ನು ಹೊರತು ಪಡಿಸಿ ಇತರೆ ರಾಜ್ಯಗಳ ಚಂದಾದಾರರು ಬಿಎಸ್ಎನ್ಎಲ್ ನ ರೂ.99 ಪ್ಲಾನ್ ನ್ನು ಪಡೆಯಬಹುದು. ಇದು 26 ದಿನಗಳ ಅವಧಿಯನ್ನು ಹೊಂದಿದೆ ಮತ್ತು ಯಾವುದೇ ಡಾಟಾ ಅಥವಾ ಎಸ್ಎಂಎಸ್ ಲಾಭಗಳನ್ನು ಹೊಂದಿರುವುದಿಲ್ಲ.

ಯಾವುದು ಬೆಸ್ಟ್?

ಇಲ್ಲಿ ನಮ್ಮ ಹೋಲಿಕೆಯಲ್ಲಿ ರಿಲಯನ್ಸ್ ಜಿಯೋ 99 ಪ್ಲಾನ್ ಅಧ್ಬುತ ಪ್ಲಾನ್ ಎನ್ನಿಸಿಕೊಳ್ಳುತ್ತದೆ. ಅನಿಯಮಿತ ಕರೆಯ ಜೊತೆಗೆ ಡಾಟಾ,ಎಸ್ಎಂಎಸ್ ಮತ್ತು ಜಿಯೋ ಆಪ್ ಗಳಿಗೂ ಅವಕಾಶ ನೀಡುವ ಈ ಪ್ಲಾನ್ ನಿಜಕ್ಕೂ ಗ್ರಾಹಕರ ದುಡ್ಡಿಗೆ ತಕ್ಕ ಸೌಲಭ್ಯವನ್ನು ಒದಗಿಸುವ ಪ್ಲಾನ್ ಆಗಿದೆ.