ಜಿಯೋಫೋನ್ ಡ್ಯುಯಲ್ ಸಿಮ್ ಅಕ್ಟೋಬರ್ ನಿಂದ ಲಭ್ಯ

ಜನರ ಕುತೂಹಲವನ್ನು ಕೆರಳಿಸಿರುವ ಜಿಯೋಫೋನ್ ಆಗಸ್ಟ್ 24ರಿಂದ ಪ್ರಿ-ಬುಕಿಂಗ್ ಗೆ ಲಭ್ಯವಿದ್ದು ಕೆಲವೇ ತಿಂಗಳುಗಳಲ್ಲಿ ಜನರ ಕೈ ಸೇರಲಿದೆ.

ಕೆಲವೊಂದು ಪತ್ರಿಕಾ ವರದಿಗಳ ಅನುಸಾರ ಭಾರತೀಯ ಮೊಬೈಲ್ ಕಂಪೆನಿಗಳಾದ ಮೈಕ್ರೋಮ್ಯಾಕ್ಸ್ ಮತ್ತು ಇಂಟೆಕ್ಸ್ ಜಿಯೋಫೋನ್ ಅನ್ನು ತಯಾರಿಸಲಿದೆ.ರಿಲಯೆನ್ಸ್ ಈ ಕಂಪೆನಿಗಳೊಂದಿಗೆ ಜಿಯೋಫೋನ್ ತಯಾರಿಯ ಕುರಿತು ಮುಂದುವರೆದ ಮಾತುಕತೆಗಳಲ್ಲಿ ತೊಡಗಿದೆ.

ಜಿಯೋಫೋನ್ ಎಂಬ ಸ್ಮಾರ್ಟ್ ಫೀಚರ್ ಫೋನಿನ ಬೆಲೆ ಕೇವಲ ರೂ 0!! ಹೌದು..ನೀವು ರೂ 1500 ಸೆಕ್ಯೂರಿಟಿ ಡಿಪಾಸಿಟ್ ಇಟ್ಟು ಜಿಯೋಫೋನ್ ಅನ್ನು ಖರೀದಿಸಬಹುದು. 36 ತಿಂಗಳುಗಳ ನಂತರ ಈ ಮೊತ್ತವನ್ನು ಸಂಪೂರ್ಣವಾಗಿ ಹಿಂಪಡೆಯಬಹುದು.ಸಧ್ಯಕ್ಕೆ ಜಿಯೋಫೋನ್ ಸಿಂಗಲ್ ಸಿಮ್ ಫೀಚರ್ ಫೋನ್ ಆಗಿದ್ದು ಶೀಘ್ರದಲ್ಲಿಯೇ ಇದರ ಡ್ಯುಯಲ್ ಸಿಮ್ ಆವೃತ್ತಿಯೂ ಲಭ್ಯವಾಗಲಿದೆ.

'ದಿ ಮೊಬೈಲ್ ಇಂಡಿಯನ್' ನ ವರದಿಯೊಂದರ ಪ್ರಕಾರ ರಿಲಯೆನ್ಸ್ ಕಂಪೆನಿಯು ಜಿಯೋಫೋನ್ ನ ಡ್ಯುಯಲ್ ಸಿಮ್ ಆವೃತ್ತಿಯನ್ನು ಅಕ್ಟೋಬರ್ ನಲ್ಲಿ ಬಿಡುಗಡೆ ಮಾಡಲಿದೆ.

ಜಿಯೋಫೋನ್ ಡ್ಯುಯಲ್ ಸಿಮ್ ನ ಮೊದಲ ಸಿಮ್ ಕಾರ್ಡ್ ಸ್ಲಾಟ್ ಜಿಯೋ 4ಜಿ ಸಿಮ್ ಗೆ ಮಾತ್ರ ಮೀಸಲು. ಎರಡನೆಯ ಸಿಮ್ ಕಾರ್ಡ್ ಸ್ಲಾಟ್ ನಲ್ಲಿ ಯಾವುದೇ ಆಪರೇಟರ್ ನ 2ಜಿ ಸಿಮ್ ಬಳಸಬಹುದು.ನಿಮಗೆ ಜಿಯೋಫೋನ್ ನ ಕುರಿತು ಏನೇ ಸಂಶಯಗಳಿದ್ದರೂ ಜಿಯೋಫೋನ್ FAQ ಮೂಲಕ ಅದನ್ನು ಪರಿಹರಿಸಿಕೊಳ್ಳಬಹುದು.

ಜಿಯೋಫೋನ್ ಒಂದು ಫೀಚರ್ ಫೋನ್ ಆಗಿದ್ದರೂ ಕೂಡ ಅದರ ಕೆಲವು ವಿಶೇಷತೆಗಳು ಸ್ಮಾರ್ಟ್ ಫೋನ್ಗಳಿಗಿಂತ ಕಡಿಮೆ ಇಲ್ಲ. ಜಿಯೋಫೋನ್ ನ ವಾಯ್ಸ್ ಅಸಿಸ್ಟೆಂಟ್ ಫೀಚರ್ ಬಳಕೆದಾರರಿಗೆ ಮೊಬೈಲ್ ನೊಂದಿಗೆ ಸುಲಭವಾಗಿ ಇಂಟರ್ಯಾಕ್ಟ್ ಮಾಡಲು ಸಹಕಾರಿಯಾಗಿದೆ. ಅಲ್ಲದೆ ಸ್ಕ್ರೀನ್ ಮಿರರಿಂಗ್ ರೀತಿಯ ಫೀಚರ್ನೊಂದಿಗೆ ಕೇವಲ ರೂ 309ಕ್ಕೆ ಟಿವಿಯನ್ನು ಮೊಬೈಲ್ನೊಂದಿಗೆ ಕನೆಕ್ಟ್ ಮಾಡಿ ಕೇಬಲ್ ಟಿವಿ ವೀಕ್ಷಿಸಬಹುದು.