ಇನ್ಮುಂದೆ ಆನ್‌ಲೈನ್‌ನಲ್ಲಿ ಔಷಧ ಖರೀದಿ ಸುಲಭವಲ್ಲ...ವ್ಯವಹಾರ ಹೀಗಿರಲಿದೆ!!

‘ಇ–ಫಾರ್ಮಸಿ’ಗೆ ಹೊಸ ಹೆಸರು!

ಆನ್‌ಲೈನಿನಲ್ಲಿ ಔಷಧ ಮಾರಾಟ ಮಾಡುವ ವಿಧಾನಕ್ಕೆ ಹೊಸ ವ್ಯಾಖ್ಯಾನವನ್ನು ನೀಡಲಾಗಿದೆ. ಆನ್‌ಲೈನ್, ವೆಬ್‌ ಪೋರ್ಟಲ್ ಅಥವಾ ಇನ್ನಿತರ ಎಲೆಕ್ಟ್ರಾನಿಕ್‌ ವ್ಯವಸ್ಥೆಯ ಮೂಲಕ ಔಷಧ ಮಾರಾಟ, ವಿತರಣೆ, ಸಂಗ್ರಹ, ಸರಬರಾಜು ವಹಿವಾಟು ನಡೆಸುವ ತಾಣ' ಎಂದು ಇ-ಫಾರ್ಮಸಿಯನ್ನು ಹೊಸದಾಗಿ ವ್ಯಾಖ್ಯಾನಿಸಲಾಗಿದೆ.

ಕಳಪೆಗೆ ಶಿಕ್ಷೆ ಮತ್ತು ಪರಿಹಾರ!

ಆನ್‌ಲೈನಿನಲ್ಲಿ ಔಷಧ ಮಾರಾಟಕ್ಕಿರುವ ಬಹುದೊಡ್ಡ ಸಮಸ್ಯೆ ಕಳಪೆ ದರ್ಜೆ ಅಥವಾ ಕಲಬೆರಕೆ ಔಷಧಗಳನ್ನು ತಡೆಯಲು ಆರೋಗ್ಯ ಸಚಿವಾಲಯ ಮುಂದಾಗಿದೆ. ಒಂದು ವೇಳೆ ಆನ್‌ಲೈನ್‌ ವೆಬ್‌ಸೈಟ್‌ಗಳು ಕಳಪೆ ದರ್ಜೆ ಅಥವಾ ಕಲಬೆರಕೆ ಔಷಧಗಳನ್ನು ಮಾರಾಟ ಮಾಡಿದರೆ, ರಾಜ್ಯ ಔಷಧ ನಿಯಂತ್ರಣ ಅಧಿಕಾರಿಗಳಿಗೆ ದೂರು ಸಲ್ಲಿಸಿ, ಪರಿಹಾರ ಪಡೆಯಬಹುದಾಗಿದೆ.

ಮಾದಕ ಔಷಧಗಳು ಬ್ಯಾನ್.

ಆನ್‌ಲೈನಿನಲ್ಲಿ ಫಾರ್ಮಸಿಯಲ್ಲಿ ಮಾದಕ ಮತ್ತು ಮನೋರೋಗಕ್ಕೆ ಸಂಬಂಧಿಸಿದ ಔಷಧಗಳ ಮಾರಾಟಕ್ಕೆ ಅವಕಾಶ ಇಲ್ಲ ಎಂದು ಸ್ಪಷ್ಟವಾಗಿ ತಿಳಿಸಲಾಗಿದೆ. ಶೆಡ್ಯೂಲ್‌ 10 ಪಟ್ಟಿಯಲ್ಲಿ ಸೂಚಿಸಲಾಗಿರುವ ಉಪಶಮನಕಾರಿ, ನಿದ್ರೆ, ಉದ್ವೇಗ, ಉದ್ರೇಕ, ಖಿನ್ನತೆ ಮತ್ತು ಒತ್ತಡ ನಿವಾರಿಸುವ ಮಾತ್ರೆಗಳ ಮಾರಾಟಕ್ಕೆ ನಿರ್ಬಂಧ ಹೇರಲಾಗಿದೆ.

ವೈದ್ಯರ ಸಲಹೆ ಇಲ್ಲದೆ ಮಾತ್ರೆ ಇಲ್ಲ!

ಆನ್‌ಲೈನಿನಲ್ಲಿಯೂ ಕೂಡ ವೈದ್ಯರ ಸಲಹೆ ಇಲ್ಲದೆ ಔಷಧ ಮಾರಾಟ ಮಾಡುವಂತಿಲ್ಲ ಎಂದು ತಿಳಿಸಲಾಗಿದೆ. ವೈದ್ಯರ ಸಲಹಾ ಚೀಟಿಯನ್ನು ದಾಖಲೆಯಂತೆ ಕಾಪಾಡುವುದು ಕಡ್ಡಾಯ ಎಂದು ಆರೋಗ್ಯ ಸಚಿವಾಲಯ ತಿಳಿಸಿದೆ. ವೈದ್ಯರು ಮತ್ತು ರೋಗಿಯ ಮಾಹಿತಿಗಳನ್ನು ಪರಿಶೀಲಿಸುವ ಹೊಣೆ ಆನ್‌ಲೈನ್‌ ಔಷಧ ಮಾರಾಟ ಸಂಸ್ಥೆಗಳದ್ದಾಗಿರುತ್ತದೆ.

ಸಮಗ್ರ ಮಾಹಿತಿ ಸಿಗಬೇಕು.!

ಭಾರತದಲ್ಲಿ ಈಗಷ್ಟೇ ಅಭಿವೃದ್ದಿಯಾಗುತ್ತಿರುವ ಇ-ಫಾರ್ಮಸಿ ವ್ಯವಸ್ಥೆಯನ್ನು ಸಾರ್ವಜನಿಕರಿಗೆ ಮತ್ತು ಸರ್ಕಾರಕ್ಕೆ ತೆರದಿಡುವಂತೆ ಸೂಚಿಸಲಾಗಿದೆ. ಔಷಧ ಮಾರಾಟದ ಸಮಗ್ರ ಮಾಹಿತಿಯನ್ನು ಇ-ಫಾರ್ಮಸಿ ಪೋರ್ಟಲ್‌ನಲ್ಲಿ ಅಪ್‌ಲೋಡ್‌ ಮಾಡುವುದು ಕಡ್ಡಾಯ ಎಂದು ಸೂಚಿಸಲಾಗಿದೆ.