ಸ್ಯಾಮ್‌ಸಂಗ್ ಪ್ರಚಾರ ಮಾಡುತ್ತಿರುವ ಹೊಸ 'ಆಂಟಿ-ಥೆಫ್ಟ್' ವೈಶಿಷ್ಟ್ಯವೇನು?

ಟೆಕ್ ದೈತ್ಯ ಸ್ಯಾಮ್‌ಸಂಗ್ ತನ್ನ ಯುಕೆ (ಯುನೈಟೆಡ್ ಕಿಂಗ್‌ಡಂಮ್) ಬಳಕೆದಾರರಿಗೆ ಹೊಸ ಆಂಟಿ-ಥೆಫ್ಟ್ (anti-theft) ಫೀಚರ್‌ಗಳನ್ನು ಸಕ್ರಿಯಗೊಳಿಸಲು ಮತ್ತು ಅಪ್‌ಡೇಟ್ ಮಾಡಲು ಕರೆ ನೀಡಿದೆ. ಇದು ಬಳಕೆದಾರರ ಸುರಕ್ಷತೆಯನ್ನು ಹೆಚ್ಚಿಸುವ ಒಂದು ದೊಡ್ಡ ಅಭಿಯಾನದ ಭಾಗವಾಗಿದ್ದು, ಈ ಕುರಿತು ಸ್ಯಾಮ್‌ಸಂಗ್ ವ್ಯಾಪಕ ಜಾಗೃತಿ ಮೂಡಿಸಲು ಸಾಮಾಜಿಕ ಮಾಧ್ಯಮ ಮತ್ತು ಬೃಹತ್ ಮಾರ್ಕೆಟಿಂಗ್ ಹೂಡಿಕೆಗಳ ಮೂಲಕ ಈ ಸುಧಾರಿತ ಗೌಪ್ಯತೆ ಪರಿಕರಗಳನ್ನು ಪ್ರಚಾರ ಮಾಡುತ್ತಿದೆ. ಹಾಗಾದರೆ, ಏನಿದು ಸ್ಯಾಮ್‌ಸಂಗ್ ಪ್ರಚಾರ ನೀಡುತ್ತಿರುವ ಹೊಸ ಆಂಟಿ-ಥೆಫ್ಟ್ ಫೀಚರ್ ಎಂಬುದನ್ನು ನೋಡೋಣ ಬನ್ನಿ.

ಸ್ಯಾಮ್‌ಸಂಗ್ ತನ್ನ ಒನ್ ಯುಐ 7 (One UI 7) ಬಿಡುಗಡೆಯೊಂದಿಗೆ ಹೊಸ ಭದ್ರತಾ ನವೀಕರಣಗಳನ್ನು ಪರಿಚಯಿಸಿದೆ. ಇದು ಫೆಬ್ರವರಿಯಲ್ಲಿ ಗ್ಯಾಲಕ್ಸಿ ಎಸ್25 ಸರಣಿಯೊಂದಿಗೆ ಪ್ರಾರಂಭಗೊಂಡಿದ್ದು, ಈಗ ವರ್ಷವಿಡೀ ವ್ಯಾಪಕ ಶ್ರೇಣಿಯ ಗ್ಯಾಲಕ್ಸಿ ಸ್ಮಾರ್ಟ್‌ಫೋನ್‌ಗಳಿಗೆ ವಿಸ್ತರಿಸುತ್ತಿದೆ. ಒನ್ ಯುಐ 7 ನೊಂದಿಗೆ ವರ್ಧಿತ ಭದ್ರತಾ ವೈಶಿಷ್ಟ್ಯಗಳಲ್ಲಿ, ಸ್ಯಾಮ್‌ಸಂಗ್ ಗ್ಯಾಲಕ್ಸಿ ಬಳಕೆದಾರರು ಈಗ ಅತ್ಯಾಧುನಿಕ ಕಳ್ಳತನದ ಸನ್ನಿವೇಶಗಳ ವಿರುದ್ಧ ರಕ್ಷಿಸಲು ವಿನ್ಯಾಸಗೊಳಿಸಲಾದ ಐಡೆಂಟಿಟಿ ಚೆಕ್ (Identity Check) ನಂತಹ ಹೊಸ ಮತ್ತು ಸುಧಾರಿತ ರಕ್ಷಣಾ ಕ್ರಮಗಳ ಪ್ರಯೋಜನ ಪಡೆಯಬಹುದು. ಈ ವೈಶಿಷ್ಟ್ಯಗಳು ಅನುಮಾನಾಸ್ಪದ ಚಟುವಟಿಕೆಯನ್ನು ಪತ್ತೆಹಚ್ಚಲು ಮತ್ತು ಬಳಕೆದಾರರ ವೈಯಕ್ತಿಕ ಡೇಟಾವನ್ನು ಅಗತ್ಯವಿದ್ದಾಗ ರಕ್ಷಿಸಲು ಸ್ವಯಂಚಾಲಿತವಾಗಿ ಮತ್ತು ಬುದ್ಧಿವಂತಿಕೆಯಿಂದ ಕಾರ್ಯನಿರ್ವಹಿಸುತ್ತವೆ. ಸ್ಯಾಮ್‌ಸಂಗ್ ಪರಿಚಯಿಸಿರುವ ಆಂಟಿ-ಥೆಫ್ಟ್ ಫೀಚರ್ ಈ ಕೆಳಗಿನ ವೈಶಿಷ್ಟ್ಯಗಳನ್ನು ಒಳಗೊಂಡಿವೆ.

ಕಳ್ಳತನ ಪತ್ತೆ ಲಾಕ್ (Theft Detection Lock): ಇದು ಕಸಿದುಕೊಳ್ಳುವಿಕೆ (snatching) ಯಂತಹ ಕಳ್ಳತನಕ್ಕೆ ಸಂಬಂಧಿಸಿದ ಚಲನೆಗಳನ್ನು ಗುರುತಿಸಲು ಯಂತ್ರ ಕಲಿಕೆಯನ್ನು ಬಳಸುತ್ತದೆ ಮತ್ತು ಅನಧಿಕೃತ ಪ್ರವೇಶವನ್ನು ತಡೆಯಲು ಸಾಧನವನ್ನು ತಕ್ಷಣವೇ ಲಾಕ್ ಮಾಡುತ್ತದೆ.
ಆಫ್‌ಲೈನ್ ಸಾಧನ ಲಾಕ್ (Offline Device Lock): ಫೋನ್ ದೀರ್ಘಕಾಲದವರೆಗೆ ನೆಟ್‌ವರ್ಕ್‌ನಿಂದ ಸಂಪರ್ಕ ಕಡಿತಗೊಂಡಿದ್ದರೆ, ಅದು ಸ್ವಯಂಚಾಲಿತವಾಗಿ ಸುರಕ್ಷಿತಗೊಳ್ಳುತ್ತದೆ. ಇದು ಸಾಧನ ಆಫ್‌ಲೈನ್‌ನಲ್ಲಿರುವಾಗಲೂ ರಕ್ಷಣೆ ನೀಡುತ್ತದೆ.
ರಿಮೋಟ್ ಲಾಕ್ (Remote Lock): ಕದ್ದ ಫೋನ್ ಅನ್ನು ದೂರದಿಂದಲೇ ಲಾಕ್ ಮಾಡಲು ಬಳಕೆದಾರರಿಗೆ ತಮ್ಮ ಫೋನ್ ಸಂಖ್ಯೆ ಮತ್ತು ತ್ವರಿತ ಪರಿಶೀಲನೆ ಹಂತವನ್ನು ಬಳಸಲು ಅನುಮತಿಸುತ್ತದೆ. ಈ ವೈಶಿಷ್ಟ್ಯವು ಬಳಕೆದಾರರು ಖಾತೆ ನಿಯಂತ್ರಣವನ್ನು ಮರಳಿ ಪಡೆಯಲು ಮತ್ತು ಹೆಚ್ಚಿನ ಮರುಪಡೆಯುವಿಕೆ ಆಯ್ಕೆಗಳನ್ನು ಪ್ರವೇಶಿಸಲು ಸಹಾಯ ಮಾಡುತ್ತದೆ. ಇಷ್ಟೇ ಅಲ್ಲದೆ, ಇತ್ತೀಚಿಗೆ ಒನ್ ಯುಐ 7 ನೊಂದಿಗೆ ಹೊಸ ದರೋಡೆ ವಿರೋಧಿ ವೈಶಿಷ್ಟ್ಯವನ್ನು ಸಹ ಪರಿಚಯಿಸಲಾಗಿದೆ.

ಒನ್ ಯುಐ 7 ನೊಂದಿಗೆ ಪರಿಚಯಿಸಲಾದ ಹೊಸ ದರೋಡೆ ವಿರೋಧಿ ವೈಶಿಷ್ಟ್ಯವೆಂದರೆ, ಭದ್ರತಾ ವಿಳಂಬ (Security Delay): ಅಂದರೆ, ಬಯೋಮೆಟ್ರಿಕ್ ರುಜುವಾತುಗಳನ್ನು ಮರುಹೊಂದಿಸಲು ಪ್ರಯತ್ನಿಸಿದರೆ, ಬದಲಾವಣೆಗಳು ಜಾರಿಗೆ ಬರುವ ಮೊದಲು ಒಂದು ಗಂಟೆ ವಿಳಂಬವನ್ನು ಪ್ರಚೋದಿಸಲಾಗುತ್ತದೆ. ಇದು ಬಳಕೆದಾರರಿಗೆ ಮತ್ತೊಂದು ಸ್ಯಾಮ್‌ಸಂಗ್ ಸಾಧನ ಅಥವಾ PC ಬಳಸಿ ತಮ್ಮ ಸಾಧನವನ್ನು ದೂರದಿಂದಲೇ ಲಾಕ್ ಮಾಡಲು ನಿರ್ಣಾಯಕ ಸಮಯವನ್ನು ಒದಗಿಸುತ್ತದೆ. ಇದರಿಂದ ಸ್ಮಾರ್ಟ್‌ಫೋನನ್ನು ದರೋಡೆ ಮಾಡಲು ಮಾಡುವವರು ಅದನ್ನು ಪ್ರವೇಶಿಸಲು ಸಾಧ್ಯವಾಗುವುದಿಲ್ಲ.

ಈ ಆಂಟಿ-ಥೆಫ್ಟ್ ರಕ್ಷಣಾ ಪರಿಕರಗಳು ಈಗ ಸ್ಯಾಮ್‌ಸಂಗ್ ಗ್ಯಾಲಕ್ಸಿ ಎಸ್24 ಸರಣಿ, ಗ್ಯಾಲಕ್ಸಿ Z ಫೋಲ್ಡ್ 6, Z ಫ್ಲಿಪ್ 6, Z ಫೋಲ್ಡ್ 5, Z ಫ್ಲಿಪ್ 5, ಹಾಗೂ ಎಸ್23 ಮತ್ತು ಎಸ್22 ಸರಣಿಗಳನ್ನು ಒಳಗೊಂಡಂತೆ ಹಿಂದಿನ ಪ್ರಮುಖ ಸಾಧನಗಳಿಗೆ ಹೊರತರಲಾಗುತ್ತಿದೆ. ವರ್ಷವಿಡೀ ಹೆಚ್ಚಿನ ಸಾಧನ ನವೀಕರಣಗಳನ್ನು ಬಿಡುಗಡೆ ಮಾಡಲು ಸ್ಯಾಮ್‌ಸಂಗ್ ನಿರ್ಧರಿಸಿದೆ. ಈ ಹೊಸ ವೈಶಿಷ್ಟ್ಯಗಳು ನಿಮ್ಮ ಗ್ಯಾಲಕ್ಸಿ ಸಾಧನವನ್ನು ಇನ್ನಷ್ಟು ಸುರಕ್ಷಿತವಾಗಿರಿಸಲು ಸಹಾಯ ಮಾಡುತ್ತವೆ. ಈ ಕುರಿತಂತೆ ನಿಮ್ಮ ಅನಿಸಿಕೆ ಏನು ಎಂಬುದನ್ನು ಈ ಕೆಳಗೆ ಕಾಮೆಂಟ್ ಮಾಡಿ ತಿಳಿಸಿ.