ಸ್ಯಾಮ್‌ಸಂಗ್ ಎ ಸರಣಿಯ ಮೊದಲ 5ಜಿ ಫೋನ್ ''ಗ್ಯಾಲಕ್ಸಿ ಎ 90 5ಜಿ'' ಬಿಡುಗಡೆ!

|

ವಿಶ್ವ 5G ಸ್ಮಾರ್ಟ್‌ಫೋನ್ ಮಾರುಕಟ್ಟೆ ವಿಸ್ತರಣೆಯ ಆರಂಭದಲ್ಲಿರುವಾಗಲೇ ಮತ್ತೊಂದು ಹೊಸ 5ಜಿ ಸ್ಮಾರ್ಟ್‌ಪೋನ್ ಅನ್ನು ಪರಿಚಯಿಸಿ ಮಾರುಕಟ್ಟೆಯಲ್ಲಿ ಸ್ಯಾಮ್‌ಸಂಗ್ ಸದ್ದು ಮಾಡಿದೆ. ದಕ್ಷಿಣ ಕೊರಿಯಾದಲ್ಲಿ ಮಂಗಳವಾರ ನಡೆದ ಮೊಬೈಲ್ ಬಿಡುಗಡೆ ಕಾರ್ಯಕ್ರಮದಲ್ಲಿ ಸ್ಯಾಮ್‌ಸಂಗ್ ಎ ಸರಣಿಯ ಮೊದಲ 5ಜಿ 'ಸ್ಮಾರ್ಟ್‌ಫೋನ್ ''ಗ್ಯಾಲಕ್ಸಿ ಎ 90 5ಜಿ'' ಬಿಡುಗಡೆಕಂಡಿದೆ. ಇದು ಕೇವಲ 5ಜಿ ಮಾತ್ರವಲ್ಲದೇ, DeX ಅನ್ನು ಸಹ ಬೆಂಬಲಿಸಿದ ಮೊದಲನೆ ಸ್ಮಾರ್ಟ್‌ಪೋನ್ ಎಂಬ ಕೀರ್ತಿಗೆ ಪಾತ್ರವಾಗಿದೆ.

48 MP ತ್ರಿವಳಿ ಕ್ಯಾಮರಾ

48 MP ತ್ರಿವಳಿ ಕ್ಯಾಮರಾ, ಸ್ನ್ಯಾಪ್‌ಡ್ರ್ಯಾಗನ್ 855 ಪ್ರೊಸೆಸರ್ ಸೇರಿದಂತೆ ಹಲವು ವಿಶೇಷ ಫೀಚರ್ಸ್‌ಗನ್ನು ಹೊತ್ತು "ಗ್ಯಾಲಕ್ಸಿ ಎ 90 5ಜಿ'' ಎಂಟ್ರಿ ನೀಡಿದ್ದು, ದಕ್ಷಿಣ ಕೊರಿಯಾದ ಸುದ್ದಿ ಸಂಸ್ಥೆ ಯೋನ್‌ಹಾಪ್ ಪ್ರಕಾರ ಸ್ಯಾಮ್‌ಸಂಗ್ ಗ್ಯಾಲಕ್ಸಿ ಎ 90 5ಜಿ'' ಕಂಪನಿಯ ಗೃಹ ಮಾರುಕಟ್ಟೆಯಲ್ಲಿ ಕೆಆರ್‌ಡಬ್ಲ್ಯೂ 900,000 (ಸರಿಸುಮಾರು 53,100 ರೂ.) ಆರಂಭಿಕ ಬೆಲೆಯನ್ನು ಹೊಂದಿದೆ. ದಕ್ಷಿಣ ಕೊರಿಯಾ ಮಾರುಕಟ್ಟೆಯಲ್ಲಿ ನಾಳೆಯಿಂದಲೇ ಗ್ಯಾಲಕ್ಸಿ ಎ 90 5ಜಿ ಫೋನ್ ಮಾರಾಟವನ್ನು ಖಚಿತಪಡಿಸಿದೆ.

ಮೂರನೇ 5ಜಿ ಫೋನ್

ಸ್ಯಾಮ್‌ಸಂಗ್ ಗ್ಯಾಲಕ್ಸಿ ಎಸ್ 10, ಸ್ಯಾಮ್‌ಸಂಗ್ ಗ್ಯಾಲಕ್ಸಿ ನೋಟ್ 10 ನಂತರ ಇದು ದಕ್ಷಿಣ ಕೊರಿಯಾದಲ್ಲಿ ಕಂಪನಿಯ ಮೂರನೇ 5ಜಿ ಫೋನ್ ಆಗಿದ್ದು, ಮುಂಬರುವ ವಾರಗಳಲ್ಲಿ ಈ ಫೋನ್ ಇತರ ಮಾರುಕಟ್ಟೆಗಳಿಗೆ ವಿಸ್ತರಿಸಲಿದೆ ಎಂದು ಸ್ಯಾಮ್‌ಸಂಗ್ ಹೇಳಿದೆ. ಹಾಗಾದರೆ, ಸ್ಯಾಮ್‌ಸಂಗ್ ಎ ಸರಣಿಯ ಮೊದಲ 5ಜಿ 'ಸ್ಮಾರ್ಟ್‌ಫೋನ್ ''ಗ್ಯಾಲಕ್ಸಿ ಎ 90 5ಜಿ'' ಫೋನ್ ಹೇಗಿದೆ?, ಡಿಎಕ್ಸ್ ಅನ್ನು ಬೆಂಬಲಿಸಿದ ಮೊದಲನೆ ಸ್ಮಾರ್ಟ್‌ಪೋನಿನ ವಿಶೇಷತೆಗಳು ಯಾವುವು ಎಂಬುದನ್ನು ಮುಂದೆ ಓದಿ ತಿಳಿಯಿರಿ.

ಹೇಗಿದೆ ಗ್ಯಾಲಕ್ಸಿ ಎ 90 5ಜಿ?

ಗ್ಯಾಲಕ್ಸಿ ಎ 90 5ಜಿ ಫೋನ್ ಅತ್ಯುತ್ತಮ ವಿನ್ಯಾಸವನ್ನು ಹೊಂದಿದ್ದು, ಗ್ರೇಡಿಯಂಟ್ ಫಿನಿಶ್ ಹೊಂದಿರುವ ಅರ್ಧಭಾಗದಲ್ಲಿ ಸಾಮಾನ್ಯ ಬಣ್ಣ ಮತ್ತು ಕಪ್ಪು ಆವೃತ್ತಿಯಲ್ಲಿ ಬಂದಿದೆ. 6.7-ಇಂಚಿನ ಪೂರ್ಣ-ಹೆಚ್‌ಡಿ + (1080x2400 ಪಿಕ್ಸೆಲ್‌) ಸೂಪರ್ ಅಮೋಲೆಡ್ ಡಿಸ್ಪ್ಲೇಯು ವಾಟರ್‌ಡ್ರಾಪ್ ಶೈಲಿಯ ನೋಚ್ ಮತ್ತು ಇನ್-ಡಿಸ್ಪ್ಲೇ ಫಿಂಗರ್‌ಪ್ರಿಂಟ್ ಸೆನ್ಸಾರ್ ಫೀಚರ್ ಅನ್ನು ಹೊಂದಿದೆ.

ಪ್ರೊಸೆಸರ್ ಮತ್ತು RAM

ಗ್ಯಾಲಕ್ಸಿ A90 5G ಫೋನ್ ಕ್ವಾಲ್ಕಾಮ್‌ನ ಸ್ನಾಪ್‌ಡ್ರಾಗನ್ 855 SoC ಯಿಂದ ನಿಯಂತ್ರಿಸಲ್ಪಡುತ್ತದೆ ಮತ್ತು ಆಂಡ್ರಾಯ್ಡ್ 9 ಪೈನಲ್ಲಿ ಕಾರ್ಯನಿರ್ವಹಿಸುತ್ತದೆ ಎಂದು ತಿಳಿದುಬಂದಿದೆ. 6 GB ಮತ್ತು 8 GB RAM ಆಯ್ಕೆಗಳಲ್ಲಿ ಬಿಡುಗಡೆಗೊಂಡಿರುವ ಫೋನಿನಲ್ಲಿ 128 GB ಸ್ಟೋರೇಜ್ ಲಭ್ಯವಿದ್ದು, ಎಸ್‌ಡಿ ಕಾರ್ಡ್ ಮೂಲಕ 512GBವರೆಗೆ ಮೆಮೊರಿಯನ್ನು ವಿಸ್ತರಿಸಬಹುದಾಗಿದೆ.

ಕ್ಯಾಮೆರಾ ಸಾಮರ್ಥ್ಯ

ಗ್ಯಾಲಕ್ಸಿ ಎ 90 5 ಜಿ ಫೋನಿನಲ್ಲಿ ಟ್ರಿಪಲ್ ರಿಯರ್ ಕ್ಯಾಮೆರಾ ಸೆಟಪ್ ಅನ್ನು ನೀಡಲಾಗಿದೆ. ಇದರಲ್ಲಿ 48 ಮೆಗಾಪಿಕ್ಸೆಲ್ ಎಫ್/2.0 ಮುಖ್ಯ ಕ್ಯಾಮೆರಾ, ಎಫ್/2.2 ಅಪರ್ಚರ್ ಹೊಂದಿರುವ 8 ಮೆಗಾಪಿಕ್ಸೆಲ್ ಅಲ್ಟ್ರಾ-ವೈಡ್-ಆಂಗಲ್ ಕ್ಯಾಮೆರಾ ಮತ್ತು 5 ಮೆಗಾಪಿಕ್ಸೆಲ್ ಆಳದ ಸಂವೇದಕವಿದೆ. ಎಫ್/2.0 ಅಪರ್ಚರ್ ಹೊಂದಿರುವ 32 ಮೆಗಾಪಿಕ್ಸೆಲ್ ಸೆಲ್ಫಿ ಕ್ಯಾಮೆರಾವನ್ನು ನೀಡಲಾಗಿದೆ.

ಬ್ಯಾಟರಿ ಮತ್ತು ಇತರೆ ಫೀಚರ್ಸ್

ಗ್ಯಾಲಕ್ಸಿ ಎ 90 5 ಜಿ ಫೋನಿನಲ್ಲಿ 25W ಫಾಸ್ಟ್ ಚಾರ್ಜಿಂಗ್‌ಗೆ ಬೆಂಬಲದ 4,500mAh ಬ್ಯಾಟರಿ ಅಳವಡಿಸಲಾಗಿದೆ. ಮೈಕ್ರೊ ಎಸ್ಡಿ ಕಾರ್ಡ್ ಸ್ಲಾಟ್ 6 ಜಿಬಿ ರ್ಯಾಮ್ ರೂಪಾಂತರದಲ್ಲಿ ಮಾತ್ರ ಲಭ್ಯವಿರುತ್ತದೆ, ಆಂದರೆ 8 ಜಿಬಿ ರ್ಯಾಮ್ ಮಾದರಿಯಲ್ಲಿ ಅಲ್ಲ. ಇನ್ನು ಫೋನ್ 164.8x76.4x8.4mm ದಪ್ಪವಿದ್ದು ಮತ್ತು 206 ಗ್ರಾಂ ತೂಕ ಹೊಂದಿದೆ ಎಂದು ಕಂಪೆನಿ ತಿಳಿಸಿದೆ.

DeX ಫೀಚರ್

ಗ್ಯಾಲಕ್ಸಿ ಎ 90 5 ಜಿ ಫೋನ್ DeX ಅನ್ನು ಸಹ ಬೆಂಬಲಿಸಿದ ಮೊದಲನೆ ಸ್ಮಾರ್ಟ್‌ಪೋನ್ ಎಂಬ ಕೀರ್ತಿಗೆ ಪಾತ್ರವಾಗಿದೆ. ಸ್ಯಾಮ್‌ಸಂಗ್ ಬಳಕೆದಾರರು ತಮ್ಮ ಫೋನ್ ಅನ್ನು ಪಿಸಿ ಮಾನಿಟರ್ ಅಥವಾ ಟಿವಿಗೆ ಸಂಪರ್ಕಿಸಲು ಈ ಫೀಚರ್ ಅನುಮತಿಸುತ್ತದೆ. ಸುಲಭವಾಗಿ ಫೋನಿನ ಅನುಭವವನ್ನು ದೊಡ್ಡ ಪರದೆಯತ್ತ ವಿಸ್ತರಿಸಲು ಈ ಫೀಚರ್ ಸಹಾಯ ಮಾಡುತ್ತದೆ.

Best Mobiles in India

English summary
Samsung Galaxy A90 5G is official. Samsung on Tuesday unveiled the new 5G smartphone ahead of rumoured debut of Samsung Galaxy Fold in South Korea. to know more visit to kannada.gizbot.com

ಉತ್ತಮ ಫೋನ್‌ಗಳು

ತಾಜಾ ಸುದ್ದಿ ತಕ್ಷಣ ಪಡೆಯಿರಿ
Enable
x
Notification Settings X
Time Settings
Done
Clear Notification X
Do you want to clear all the notifications from your inbox?
Settings X