ಸ್ಯಾಮ್‌ಸಂಗ್ ಎ ಸರಣಿಯ ಮೊದಲ 5ಜಿ ಫೋನ್ ''ಗ್ಯಾಲಕ್ಸಿ ಎ 90 5ಜಿ'' ಬಿಡುಗಡೆ!

48 MP ತ್ರಿವಳಿ ಕ್ಯಾಮರಾ, ಸ್ನ್ಯಾಪ್‌ಡ್ರ್ಯಾಗನ್ 855 ಪ್ರೊಸೆಸರ್ ಸೇರಿದಂತೆ ಹಲವು ವಿಶೇಷ ಫೀಚರ್ಸ್‌ಗನ್ನು ಹೊತ್ತು "ಗ್ಯಾಲಕ್ಸಿ ಎ 90 5ಜಿ'' ಎಂಟ್ರಿ ನೀಡಿದ್ದು, ದಕ್ಷಿಣ ಕೊರಿಯಾದ ಸುದ್ದಿ ಸಂಸ್ಥೆ ಯೋನ್‌ಹಾಪ್ ಪ್ರಕಾರ ಸ್ಯಾಮ್‌ಸಂಗ್ ಗ್ಯಾಲಕ್ಸಿ ಎ 90 5ಜಿ'' ಕಂಪನಿಯ ಗೃಹ ಮಾರುಕಟ್ಟೆಯಲ್ಲಿ ಕೆಆರ್‌ಡಬ್ಲ್ಯೂ 900,000 (ಸರಿಸುಮಾರು 53,100 ರೂ.) ಆರಂಭಿಕ ಬೆಲೆಯನ್ನು ಹೊಂದಿದೆ. ದಕ್ಷಿಣ ಕೊರಿಯಾ ಮಾರುಕಟ್ಟೆಯಲ್ಲಿ ನಾಳೆಯಿಂದಲೇ ಗ್ಯಾಲಕ್ಸಿ ಎ 90 5ಜಿ ಫೋನ್ ಮಾರಾಟವನ್ನು ಖಚಿತಪಡಿಸಿದೆ.

ಸ್ಯಾಮ್‌ಸಂಗ್ ಗ್ಯಾಲಕ್ಸಿ ಎಸ್ 10, ಸ್ಯಾಮ್‌ಸಂಗ್ ಗ್ಯಾಲಕ್ಸಿ ನೋಟ್ 10 ನಂತರ ಇದು ದಕ್ಷಿಣ ಕೊರಿಯಾದಲ್ಲಿ ಕಂಪನಿಯ ಮೂರನೇ 5ಜಿ ಫೋನ್ ಆಗಿದ್ದು, ಮುಂಬರುವ ವಾರಗಳಲ್ಲಿ ಈ ಫೋನ್ ಇತರ ಮಾರುಕಟ್ಟೆಗಳಿಗೆ ವಿಸ್ತರಿಸಲಿದೆ ಎಂದು ಸ್ಯಾಮ್‌ಸಂಗ್ ಹೇಳಿದೆ. ಹಾಗಾದರೆ, ಸ್ಯಾಮ್‌ಸಂಗ್ ಎ ಸರಣಿಯ ಮೊದಲ 5ಜಿ 'ಸ್ಮಾರ್ಟ್‌ಫೋನ್ ''ಗ್ಯಾಲಕ್ಸಿ ಎ 90 5ಜಿ'' ಫೋನ್ ಹೇಗಿದೆ?, ಡಿಎಕ್ಸ್ ಅನ್ನು ಬೆಂಬಲಿಸಿದ ಮೊದಲನೆ ಸ್ಮಾರ್ಟ್‌ಪೋನಿನ ವಿಶೇಷತೆಗಳು ಯಾವುವು ಎಂಬುದನ್ನು ಮುಂದೆ ಓದಿ ತಿಳಿಯಿರಿ.

ಗ್ಯಾಲಕ್ಸಿ ಎ 90 5ಜಿ ಫೋನ್ ಅತ್ಯುತ್ತಮ ವಿನ್ಯಾಸವನ್ನು ಹೊಂದಿದ್ದು, ಗ್ರೇಡಿಯಂಟ್ ಫಿನಿಶ್ ಹೊಂದಿರುವ ಅರ್ಧಭಾಗದಲ್ಲಿ ಸಾಮಾನ್ಯ ಬಣ್ಣ ಮತ್ತು ಕಪ್ಪು ಆವೃತ್ತಿಯಲ್ಲಿ ಬಂದಿದೆ. 6.7-ಇಂಚಿನ ಪೂರ್ಣ-ಹೆಚ್‌ಡಿ + (1080x2400 ಪಿಕ್ಸೆಲ್‌) ಸೂಪರ್ ಅಮೋಲೆಡ್ ಡಿಸ್ಪ್ಲೇಯು ವಾಟರ್‌ಡ್ರಾಪ್ ಶೈಲಿಯ ನೋಚ್ ಮತ್ತು ಇನ್-ಡಿಸ್ಪ್ಲೇ ಫಿಂಗರ್‌ಪ್ರಿಂಟ್ ಸೆನ್ಸಾರ್ ಫೀಚರ್ ಅನ್ನು ಹೊಂದಿದೆ.

ಗ್ಯಾಲಕ್ಸಿ A90 5G ಫೋನ್ ಕ್ವಾಲ್ಕಾಮ್‌ನ ಸ್ನಾಪ್‌ಡ್ರಾಗನ್ 855 SoC ಯಿಂದ ನಿಯಂತ್ರಿಸಲ್ಪಡುತ್ತದೆ ಮತ್ತು ಆಂಡ್ರಾಯ್ಡ್ 9 ಪೈನಲ್ಲಿ ಕಾರ್ಯನಿರ್ವಹಿಸುತ್ತದೆ ಎಂದು ತಿಳಿದುಬಂದಿದೆ. 6 GB ಮತ್ತು 8 GB RAM ಆಯ್ಕೆಗಳಲ್ಲಿ ಬಿಡುಗಡೆಗೊಂಡಿರುವ ಫೋನಿನಲ್ಲಿ 128 GB ಸ್ಟೋರೇಜ್ ಲಭ್ಯವಿದ್ದು, ಎಸ್‌ಡಿ ಕಾರ್ಡ್ ಮೂಲಕ 512GBವರೆಗೆ ಮೆಮೊರಿಯನ್ನು ವಿಸ್ತರಿಸಬಹುದಾಗಿದೆ.

ಗ್ಯಾಲಕ್ಸಿ ಎ 90 5 ಜಿ ಫೋನಿನಲ್ಲಿ ಟ್ರಿಪಲ್ ರಿಯರ್ ಕ್ಯಾಮೆರಾ ಸೆಟಪ್ ಅನ್ನು ನೀಡಲಾಗಿದೆ. ಇದರಲ್ಲಿ 48 ಮೆಗಾಪಿಕ್ಸೆಲ್ ಎಫ್/2.0 ಮುಖ್ಯ ಕ್ಯಾಮೆರಾ, ಎಫ್/2.2 ಅಪರ್ಚರ್ ಹೊಂದಿರುವ 8 ಮೆಗಾಪಿಕ್ಸೆಲ್ ಅಲ್ಟ್ರಾ-ವೈಡ್-ಆಂಗಲ್ ಕ್ಯಾಮೆರಾ ಮತ್ತು 5 ಮೆಗಾಪಿಕ್ಸೆಲ್ ಆಳದ ಸಂವೇದಕವಿದೆ. ಎಫ್/2.0 ಅಪರ್ಚರ್ ಹೊಂದಿರುವ 32 ಮೆಗಾಪಿಕ್ಸೆಲ್ ಸೆಲ್ಫಿ ಕ್ಯಾಮೆರಾವನ್ನು ನೀಡಲಾಗಿದೆ.

ಗ್ಯಾಲಕ್ಸಿ ಎ 90 5 ಜಿ ಫೋನಿನಲ್ಲಿ 25W ಫಾಸ್ಟ್ ಚಾರ್ಜಿಂಗ್‌ಗೆ ಬೆಂಬಲದ 4,500mAh ಬ್ಯಾಟರಿ ಅಳವಡಿಸಲಾಗಿದೆ. ಮೈಕ್ರೊ ಎಸ್ಡಿ ಕಾರ್ಡ್ ಸ್ಲಾಟ್ 6 ಜಿಬಿ ರ್ಯಾಮ್ ರೂಪಾಂತರದಲ್ಲಿ ಮಾತ್ರ ಲಭ್ಯವಿರುತ್ತದೆ, ಆಂದರೆ 8 ಜಿಬಿ ರ್ಯಾಮ್ ಮಾದರಿಯಲ್ಲಿ ಅಲ್ಲ. ಇನ್ನು ಫೋನ್ 164.8x76.4x8.4mm ದಪ್ಪವಿದ್ದು ಮತ್ತು 206 ಗ್ರಾಂ ತೂಕ ಹೊಂದಿದೆ ಎಂದು ಕಂಪೆನಿ ತಿಳಿಸಿದೆ.

ಗ್ಯಾಲಕ್ಸಿ ಎ 90 5 ಜಿ ಫೋನ್ DeX ಅನ್ನು ಸಹ ಬೆಂಬಲಿಸಿದ ಮೊದಲನೆ ಸ್ಮಾರ್ಟ್‌ಪೋನ್ ಎಂಬ ಕೀರ್ತಿಗೆ ಪಾತ್ರವಾಗಿದೆ. ಸ್ಯಾಮ್‌ಸಂಗ್ ಬಳಕೆದಾರರು ತಮ್ಮ ಫೋನ್ ಅನ್ನು ಪಿಸಿ ಮಾನಿಟರ್ ಅಥವಾ ಟಿವಿಗೆ ಸಂಪರ್ಕಿಸಲು ಈ ಫೀಚರ್ ಅನುಮತಿಸುತ್ತದೆ. ಸುಲಭವಾಗಿ ಫೋನಿನ ಅನುಭವವನ್ನು ದೊಡ್ಡ ಪರದೆಯತ್ತ ವಿಸ್ತರಿಸಲು ಈ ಫೀಚರ್ ಸಹಾಯ ಮಾಡುತ್ತದೆ.