ಒಂದೇ ಸೆಕೆಂಡ್‌ನಲ್ಲಿ ಸಿನಿಮಾ ಡೌನ್‌ಲೋಡ್

By Ashwath

Updated: Tuesday, May 14, 2013, 11:07 [IST]

ಇನ್ನು ಮುಂದೆ ಮೊಬೈಲ್‌ನಲ್ಲಿ ಒಂದೇ ಸೆಕೆಂಡ್‌ಗೆ ಚಲನಚಿತ್ರವನ್ನು ಡೌನ್‌ಲೋಡ್‌ ಮಾಡಬಹುದು.ಸ್ಯಾಮ್‌ಸಂಗ್‌ ಕಂಪೆನಿ ಐದನೇ ತಲೆಮಾರಿನ ಸೂಪರ್‌ ಫಾಸ್ಟ್‌ ವೈರ್‌ಲೆಸ್‌ ತಂತ್ರಜ್ಞಾನ 5 ಜಿಯನ್ನು ಯಶಸ್ವಿಯಾಗಿ ಪರೀಕ್ಷಿಸಿದೆ.

2 ಕಿಲೋ ಮೀಟರ್ ದೂರದಿಂದ ಸೆಕೆಂಡ್ ಗೆ ಒಂದು ಗಿಗಾಬೈಟ್ ಮಾಹಿತಿ ಸಂವಹನವನ್ನು ಪರೀಕ್ಷಿಸಲಾಗಿದ್ದು, ಈ ನೆಟ್‌ವರ್ಕ್ 4 ಜಿ ಸಂಪರ್ಕ ಜಾಲಗಳಿಗಿಂತ ನೂರು ಪಟ್ಟು ವೇಗದಲ್ಲಿ ಸೇವೆ ನೀಡುವ ಸಾಮರ್ಥ್ಯವನ್ನು ಹೊಂದಿದೆ ಸ್ಯಾಮ್‌ಸಂಗ್‌ ತನ್ನ ಪ್ರಕಟಣೆಯಲ್ಲಿ ತಿಳಿಸಿದೆ.

ಡಿಜಿಜಟ್ ಗುಣಮಟ್ಟದ ಚಲನಚಿತ್ರಗಳು, ದೊಡ್ಡ ಪ್ರಮಾಣದಲ್ಲಿ ಮಾಹಿತಿ ಕಡತಗಳು, 3ಡಿ ಚಲನಚಿತ್ರಗಳು ಮತ್ತು ಆಟಗಳು ಸೇರಿದಂತೆ ಅತ್ಯುನ್ನತ ಗುಣಮಟ್ಟದ ಮಾಹಿತಿಗಳನ್ನು ಕ್ಷಣಮಾತ್ರದಲ್ಲಿ 5 ಜಿಯಲ್ಲಿ ಡೌನ್‌ಲೋಡ್‌ ಮಾಡಿಕೊಳ್ಳಬಹುದು.

ವಿಶ್ವದಲ್ಲಿಯೇ ಅತ್ಯಂತ ಹೆಚ್ಚು ವೈರ್ ಲೆಸ್ ಸಂಪರ್ಕ ಹೊಂದಿರುವ ರಾಷ್ಟ್ರಗಳಲ್ಲಿ ಒಂದಾಗಿರುವ ದಕ್ಷಿಣ ಕೊರಿಯಾ ಪ್ರಸ್ತುತ ಸುಮಾರು 2 ಕೋಟಿಯಷ್ಟು 4ಜಿ ಬಳಕೆದಾರರನ್ನು ಹೊಂದಿದೆ.ಸ್ಯಾಮ್‌ಸಂಗ್‌ ಈ ಸೇವೆ ಸದ್ಯಕ್ಕೆ ಬಿಡುಗಡೆ ಮಾಡದಿದ್ದರೂ 2020ರ ನಂತರ ಈ ತಂತ್ರಜ್ಞಾನವನ್ನು ಮಾರುಕಟ್ಟೆಗೆ ಬಿಡುವ ಸಾಧ್ಯತೆಯಿದೆ.

ಈ ಹಿನ್ನೆಲೆಯಲ್ಲಿ ಸ್ಯಾಮ್‌ಸಂಗ್‌ನ ಭವಿಷ್ಯದ ಮೊಬೈಲ್‌ಗಳು ಹೇಗಿರುತ್ತದೆ ಎನ್ನುವ ನಿಮ್ಮ ಕುತೂಹಲಕ್ಕಾಗಿ ಗಿಜ್ಬಾಟ್‌ ಇಲ್ಲಿ ಕೆಲವು ಸ್ಮಾರ್ಟ್‌ಫೋನ್‌,ಟ್ಯಾಬ್ಲೆಟ್‌ಗಳ ಚಿತ್ರವನ್ನು ತಂದಿದೆ.ಒಂದೊಂದೆ ಪುಟವನ್ನು ತಿರುಗಿಸಿ ನೋಡಿಕೊಂಡು ಹೋಗಿ.

ಇದನ್ನೂ ಓದಿ : ಸ್ಯಾಮ್‌ಸಂಗ್‌ ಗೆಲಾಕ್ಸಿ ಎಸ್4ನಲ್ಲಿ ಅಂಥ ವಿಶೇಷತೆ ಏನಿದೆ ?