ಸ್ಯಾಮ್‌ಸಂಗ್‌ನಿಂದ ಸಂಗೀತಾ ಪ್ರೇಮಿಗಳಿಗಾಗಿ ಹೊಸ ಸೇವೆ

ಆಪಲ್‌ನ ಐಟ್ಯೂನ್‌ಗೆ ಪ್ರತಿಯಾಗಿ ಸ್ಯಾಮ್‌ಸಂಗ್‌ ಅಮೆರಿಕದಲ್ಲಿ ತನ್ನ ಮ್ಯೂಸಿಕ್‌ ಸೇವೆಯನ್ನು ಆರಂಭಿಸಿದೆ. ಸ್ಯಾಮ್‌ಸಂಗ್‌ 'ಮಿಲ್ಕ್‌ ಮ್ಯೂಸಿಕ್‌' ಹೆಸರಿನ ಹೊಸ ಸೇವೆಯನ್ನು ಆರಂಭಿಸಿದ್ದು ಅಮೆರಿಕದ 200 ರೇಡಿಯೋಗಳನ್ನು ಮಿಲ್ಕ್‌ ಮ್ಯೂಸಿಕ್‌ನಲ್ಲಿ ಉಚಿತವಾಗಿ ಕೇಳಬಹುದು.

1.3 ಕೋಟಿ ಹಾಡುಗಳು ಈಗಾಗಲೇ ಮಿಲ್ಕ್‌ ಮ್ಯೂಸಿಕ್‌ನಲ್ಲಿದ್ದು ಗೆಲಾಕ್ಸಿ ಸಾಧನಗಳನ್ನು ಖರೀದಿಸಿದ ಗ್ರಾಹಕರು ಈ ಸೇವೆಯನ್ನು ಬಳಸಬಹುದು ಎಂದು ಸ್ಯಾಮ್‌ಸಂಗ್‌ ತಿಳಿಸಿದೆ.

ಸ್ಯಾಮ್‌ಸಂಗ್‌ ಈ ಸೇವೆಗಾಗಿ ಆಂಡ್ರಾಯ್ಡ್‌‌ ಆಪ್‌ ಬಿಡುಗಡೆ ಮಾಡಿದ್ದು ಗೂಗಲ್‌ ಪ್ಲೇ ಸ್ಟೋರ್‌ನಲ್ಲಿ ಲಭ್ಯವಿದೆ.ಈ ಆಪ್‌ ಸ್ಯಾಮ್‌ಸಂಗ್ ಗೆಲಾಕ್ಸಿ ಸಾಧನಗಳಿಗೆ ಮಾತ್ರ ಬೆಂಬಲ ನೀಡುತ್ತದೆ. ಅಮೆರಿಕದಲ್ಲಿ ಈಗಾಗಲೇ ಮಿಲ್ಕ್‌ ಮ್ಯೂಸಿಕ್‌ನಂತೆ Pandora, Spotify,ಐಟ್ಯೂನ್‌ಗಳು ಸಂಗೀತಾ ಸೇವೆಗಳನ್ನು ನೀಡುತ್ತಿದೆ.