ಬರಲಿದೆ ಸ್ಯಾಮ್‌ಸಂಗ್‌ ಗ್ಯಾಲಕ್ಸಿ ಹೋಮ್‌ ಮಿನಿ ಸ್ಮಾರ್ಟ್‌ ಸ್ಪೀಕರ್‌ !

ಹೌದು, ಸ್ಯಾಮ್‌ಸಂಗ್‌ ಬಿಕ್ಸ್‌ಬಿ-ಚಾಲಿತ ಗ್ಯಾಲಕ್ಸಿ ಹೋಮ್ ಸ್ಮಾರ್ಟ್ ಸ್ಪೀಕರ್ ಬಿಡುಗಡೆ ಮಾಡುವುದಾಗಿ ಎರಡು ವರ್ಷಗಳ ಹಿಂದೆಯೆ ಹೇಳಿತ್ತ, ಆದರೆ ಇದು ಸಾಧ್ಯವಾಗಿರಲಿಲ್ಲ. ಇದೀಗ ದಕ್ಷಿಣ ಕೊರಿಯಾದಲ್ಲಿ ಸಾರ್ವಜನಿಕ ಬೀಟಾ ಪರೀಕ್ಷೆಯ ಮೂಲಕ ಗ್ಯಾಲಕ್ಸಿ ಹೋಮ್ ಮಿನಿ ಸ್ಮಾರ್ಟ್‌ ಸ್ಪೀಕರ್‌ ಬಿಡುಗಡೆಯ ಬಗ್ಗೆ ಘೋಷಿಸಿದೆ. ಗ್ಯಾಲಕ್ಸಿ ಹೋಮ್ ಮಿನಿ ಸ್ಮಾರ್ಟ್‌ ಸ್ಪೀಕರ್‌ ಸ್ಯಾಮ್‌ಸಂಗ್‌ನ ಸ್ಮಾರ್ಟ್‌ ಟಿಂಗ್ಸ್ ಪ್ಲಾಟ್‌ಫಾರ್ಮ್ ಮೂಲಕ ಐಒಟಿ ಸಾಧನಗಳನ್ನು ನಿಯಂತ್ರಿಸಲು ಸ್ಯಾಮ್‌ಸಂಗ್‌ನ ಬಿಕ್ಸ್‌ಬಿ ಸಹಾಯವನ್ನು ಬಳಸುತ್ತದೆ.

ಅಲ್ಲದೆ ಸ್ಯಾಮ್‌ಸಂಗ್‌ನ ಎಕೆಜಿ ಆಡಿಯೊ ಬ್ರಾಂಡ್‌ನಿಂದ ಧ್ವನಿ ತಂತ್ರಜ್ಞಾನವನ್ನು ಬಳಸಿಕೊಂಡು ಹೋಮ್ ಸ್ಪೀಕರ್ ಆಗಿ ಕಾರ್ಯನಿರ್ವಹಿಸುತ್ತದೆ. ಆದರೆ ಸ್ಯಾಮ್‌ಸಂಗ್‌ನ ಗುರಿ ಆಪಲ್‌ನ ಸಿರಿ ಮತ್ತು ಅಲೆಕ್ಸಾದಂತಹ ಉತ್ಪನ್ನಗಳ ಪ್ರಮುಖ ಭಾಗವಾಗಿ ಮಾರ್ಪಟ್ಟಿರುವ ಸಂವಾದಾತ್ಮಕ ಸಹಾಯಕ ಅಂಶಗಳನ್ನು ಅನುಕರಿಸಲು ಮತ್ತು ಧ್ವನಿ ಆಜ್ಞೆಗಳನ್ನು ಉತ್ತಮವಾಗಿ ಕಾರ್ಯಗತಗೊಳಿಸುವ ಸಹಾಯಕನನ್ನು ರಚಿಸುವತ್ತ ಗಮನಹರಿಸುವುದು ಆಗಿರೊದ್ರಿಂದ ಈ ಸ್ಮಾರ್ಟ್‌ ಸ್ಪೀಕರ್‌ ಬಿಡುಗಡೆಯಾಗಲು ಸಾಧ್ಯವಾಗಿಲ್ಲ ಎನ್ನಲಾಗ್ತಿದೆ.

ಈಗಾಗ್ಲೆ ಅಮೆಜಾನ್‌ನ ಅಲೆಕ್ಸಾ ಮತ್ತು ಗೂಗಲ್ ಅಸಿಸ್ಟೆಂಟ್ ತಮ್ಮ ಅಸ್ತಿತ್ವವನ್ನು ಬೃಹತ್ ಪ್ರಮಾಣದಲ್ಲಿ ಹೆಚ್ಚಿಸಿಕೊಂಡಿದ್ದಾರೆ, ಪ್ರತಿಯೊಂದೂ ಹೊಸ ಹಾರ್ಡ್‌ವೇರ್ ಪೀಳಿಗೆಯ ಸ್ಮಾರ್ಟ್ ಸ್ಪೀಕರ್‌ಗಳು ಮತ್ತು ಡಿಸ್‌ಪ್ಲೇಗಳನ್ನು ಹೊಂದಿದ್ದು, ಸ್ಯಾಮ್‌ಸಂಗ್ ಸ್ಪೀಕರ್ ಯಾವ ರೀತಿಯಲ್ಲಿ ಮಾರುಕಟ್ಟೆಯಲ್ಲಿ ಕಮಾಲ್‌ ಮಾಡಲಿದೆ ಅನ್ನೊದು ಸ್ಮಾರ್ಟ್ ಪ್ರಾಡಕ್ಟ್‌ ಪ್ರೀಯರ ನಿರೀಕ್ಷೆ ಹೆಚ್ಚಾಗುವಂತೆ ಮಾಡಿದೆ.

ಆದರೆ ಎರಡು ವರ್ಷಗಳ ಹಿಂದೆ ಘೊಷಣೆಯಾಗಿದ್ದ, ಪ್ರಾಡಕ್ಟ್‌ ಇಲ್ಲಿಯವರೆಗೆ ಬಿಡುಗಡೆಯಾಗದಿರೋದು ಗ್ರಾಹಕರಲ್ಲಿ ಈ ಹೆಸರಿನ ಪ್ರಾಡಕ್ಟ್‌ ಅನ್ನ ಮರೆತು ಹೋಗುವಂತೆ ಮಾಡಿದೆ. ಅಲ್ಲದೆ ಇದೇ ಜಾಗದಲ್ಲಿ ಬೇರೆ ಕಂಪೆನಿಗಳ ಸ್ಮಾರ್ಟ್‌ ಸ್ಪೀಕರ್‌ಗಳು ಬಂದು ಭರ್ಜರಿಯಾಗಿಯೇ ಸೇಲ್‌ ಆಗ್ತಿವೆ. ಇದೆಲ್ಲವನ್ನ ಮೀರಿ ನಿಲ್ಲುವಂತಹ ಫೀಚರ್ಸ್‌ಗಳನ್ನ ಸ್ಯಾಮ್‌ಸಂಗ್‌ ಹೋಮ್‌ ಮಿನಿ ಸ್ಮಾರ್ಟ್‌ ಸ್ಪೀಕರ್‌ನಲ್ಲಿ ಕಾಣಬಹುದಾ ಅನ್ನೊದು ಯಕ್ಷ ಪ್ರಶ್ನೆಯಾಗಿದೆ.

ಇನ್ನು ಗ್ಯಾಲಕ್ಸಿ ಹೋಮ್ ಬಿಕ್ಸ್‌ಬಿ ಸ್ಪೀಕರ್‌ಗಳನ್ನು ಬಿಡುಗಡೆ ಮಾಡಿದರೂ ಸಹ, ಈಗಾಗಲೇ ಮಾರುಕಟ್ಟೆಯಲ್ಲಿರುವ ಸ್ಮಾರ್ಟ್‌ ಸ್ಪೀಕರ್‌ಗಳ ಮಧ್ಯೆ ಸ್ಯಾಂಮ್ ಸಂಗ್‌ ಸ್ಮಾರ್ಟ್‌ ಸ್ಪೀಕರ್‌ ಪೈಪೋಟಿ ನೀಡುವುದಕ್ಕೆ ಸಾಧ್ಯನಾ? ಇಲ್ಲ ಎರಡು ವರ್ಷಗಳಿಂದ ಬಿಡುಗಡೆ ಯಾಗದಿರುವ ಸ್ಮಾರ್ಟ್‌ ಸ್ಪೀಕರ್‌ ಈ ವರ್ಷವೂ ಬಿಡುಗಡೆಯಾಗದೇ ಉಳಿದು ಬಿಡುತ್ತಾ, ಅನ್ನೊದು ಟೆಕ್‌ ಮಾರುಕಟ್ಟೆಯಲ್ಲಿನ ಸುದ್ದಿಯಾಗಿದೆ.