ಸೋಲಾರ್ ಪವರ್‌ ಸಿಮೆಂಟ್‌ನಿಂದ ರೋಡ್‌; ರಾತ್ರಿ ವೇಳೆ ಮಿನುಗುತ್ತೆ ರಸ್ತೆ

1

ಬೀದಿ ದೀಪಗಳ ಮೂಲಕ ರಸ್ತೆಗೆ ಬೆಳಕು ನೀಡುವುದು ಹೆಚ್ಚು ವೆಚ್ಚದಾಯಕ ಮತ್ತು ಹೆಚ್ಚು ವಿದ್ಯುತ್‌ ಅಗತ್ಯವಿರುತ್ತದೆ. ಆದ್ದರಿಂದ ಮೆಕ್ಸಿಕೋದಲ್ಲಿನ ಮೈಕೋವಕಾನ್ನ'ದಲ್ಲಿನ 'ಸ್ಯಾನ್‌ ನಿಕೋಲಸ್‌ ಹಿಡಾಲ್ಗೊ' ವಿಶ್ವವಿದ್ಯಾನಿಲಯದ ವಿಜ್ಞಾನಿಗಳು ಇದಕ್ಕೊಂದು ಹೊಸ ಪರಿಹಾರವನ್ನು ಕಂಡುಹಿಡಿದಿದ್ದಾರೆ.

2

'ಸ್ಯಾನ್‌ ನಿಕೋಲಸ್‌ ಹಿಡಾಲ್ಗೊ' ವಿಶ್ವವಿದ್ಯಾನಿಲಯದ ವಿಜ್ಞಾನಿಗಳು ಬೆಳಕನ್ನು ನೀಡುವ ಸಿಮೆಂಟ್‌ ಅನ್ನು ಸಂಶೋಧನೆ ಮಾಡಿದ್ದು, ಸಿಮೆಂಟ್ ಸೌರ ಶಕ್ತಿಯನ್ನು ಹಗಲಿನ ವೇಳೆ ಹೀರಿಕೊಂಡು ರಾತ್ರಿ ವೇಳೆಯ ವಾತಾವರಣಕ್ಕೆ ತಕ್ಕಂತೆ ರಸ್ತೆಗಳಲ್ಲಿ ಬೆಳಕನ್ನು ನೀಡುತ್ತದೆ.

3

"ಫ್ಲೋರೆಸೆಂಟ್‌ ಎಂಬ ಮೆಟೀರಿಯಲ್‌ ಬಳಸಿ ಪ್ಲಾಸ್ಟಿಕ್‌ ಅನ್ನು ಕಳೆದ 3 ವರ್ಷಗಳಿಂದ ಮಾಡಲಾಗುತ್ತಿದೆ. ಈ ಸಿಮೆಂಟ್‌ 100 ವರ್ಷಗಳ ಕಾಲ ಬಾಳಿಕೆ ಬರುತ್ತದೆ. ಬೆಳಿಕಿನ ತೀವ್ರತೆ ನಿಯಂತ್ರಣ ಇರುವುದರಿಂದ ವಾಹನ ಚಲಿಸುವವರಿಗೆ ಯಾವುದೇ ತೊಂದರೆ ಆಗುವುದಿಲ್ಲ ಎಂದಿದ್ದಾರೆ. ಸಿಮೆಂಟ್‌ ಹಸಿರು ಮತ್ತು ನೀಲಿ ಬಣ್ಣದ ಬೆಳಕು ನೀಡುತ್ತದೆ " ಎಂದು ಸಂಶೋಧಕರು ಹೇಳಿದ್ದಾರೆ.

4

'9 ವರ್ಷಗಳ ಹಿಂದೆ ಯೋಜನೆ ಪ್ರಾರಂಭಿಸಿದೆ. ಪ್ರಮುಖ ವಿಷಯವೆಂದರೆ ಸಿಮೆಂಟ್‌ ತನ್ನ ಅಪಾರದರ್ಶಕ ಗುಣದಿಂದ ಲೈಟ್‌ ಅನ್ನು ಪಾಸ್‌ ಮಾಡುವುದಿಲ್ಲ. ಆದರೆ ಹಲವು ವರ್ಷಗಳ ಪರಿಶ್ರಮದಿಂದ ಬೆಳಕು ನೀಡುವ ರೀತಿಯಲ್ಲಿ ಸಿಮೆಂಟ್‌ ಅನ್ನು ಕ್ರಿಯೇಟ್‌ ಮಾಡಲಾಗಿದೆ ಎಂದು 'ಸ್ಯಾನ್‌ ನಿಕೋಲಸ್‌ ಹಿಡಾಲ್ಗೊ' ವಿಶ್ವವಿದ್ಯಾನಿಲಯದ 'Ph.D. ಜೋಸ್ ಕಾರ್ಲೋಸ್ ರೂಬಿಯೊ', ಹೇಳಿದ್ದಾರೆ.

5

"ಸಾಮಾನ್ಯ ಸಿಮೆಂಟ್‌ ಕೇವಲ ಧೂಳಿನಂತಿರುತ್ತದೆ. ಇದಕ್ಕೆ ನೀರನ್ನು ಸೇರಿಸಿದಾಗ ಬೊಬ್ಬೆಗಳು ಉಕ್ಕೇಳುತ್ತವೆ. ಇದೇ ಸಮಯದಲ್ಲಿ ನೀರು ಮತ್ತು ಸಿಮೆಂಟ್‌ ಮಿಶ್ರಣ ಜೆಲ್‌ ಆಗಿ ಪರಿವರ್ತಿತವಾಗುತ್ತದೆ. ಇದೇ ಸಮಯದಲ್ಲಿ ಸ್ಫಟಿಕ ಪದರಗಳು ರಚನೆ ಆಗುತ್ತದೆ. ಅನಗತ್ಯ ಉಪ ಉತ್ಪನ್ನಗಳು ನಂತರ ಸಿಮೆಂಟ್‌ಗಟ್ಟಿಯಾಗಲು ಕಾರಣವಾಗುತ್ತವೆ", ಎಂದು ಡಾ|| ರುಬಿಯೋ ಹೇಳಿದ್ದಾರೆ.

6

ಡಾ|| ರುಬಿಯೊ ಮತ್ತು ಅವರ ಟೀಮ್‌ ಸಿಮೆಂಟ್‌ನಲ್ಲಿನ ಅನಗತ್ಯ ಸ್ಫಟಿಕಗಳಲ್ಲಿನ ಮೈಕ್ರೋ ರಚನೆಯನ್ನು ಬದಲಾಯಿಸಿ ದ್ರವ ರೂಪದಲ್ಲಿರುವಂತೆ ಕ್ರಿಯೇಟ್ ಮಾಡಿದ್ದಾರೆ. ಈ ಸಿಮೆಂಟ್‌ ಸೌರಶಕ್ತಿಯನ್ನು ಹೀರಿ ರಾತ್ರಿ ವೇಳೆ ಬೆಳಕು ನೀಡಬಲ್ಲದು.

7

"ಬೆಳಕು ನೀಡುವ ಸಿಮೆಂಟ್‌ ಅನ್ನು ಮರಳು, ಧೂಳು ಮತ್ತು ಜೇಡಿಮಣ್ಣಿನ ಮಿಶ್ರಿತವಾಗಿ ಮಾಡಿರುವುದರಿಂದ ಸಿಮೆಂಟ್‌ ಪರಿಸರ ಸ್ನೇಹಿ ಆಗಿದೆ", ಎಂದು ರುಬಿಯೊ ಹೇಳಿದ್ದಾರೆ. ಸಿಮೆಂಟ್‌ ಕ್ರಿಯೇಟ್‌ ಮಾಡಿರುವ ವಿಜ್ಞಾನಿಗಳ ತಂಡ ಪೇಟೆಂಟ್‌ ಪಡೆದಿದ್ದು, ಅಂತರರಾಷ್ಟ್ರೀಯವಾಗಿ ಈ ಬೆಳವಣಿಗೆ ಕಂಡುಬಂದಿದೆ.

8

ವೀಡಿಯೋ ಕೃಪೆ: Trending Genius

ಗಿಜ್‌ಬಾಟ್‌

ಗಿಜ್‌ಬಾಟ್‌

ಗಿಜ್‌ಬಾಟ್‌ ಫೇಸ್‌ಬುಕ್‌ ಪೇಜ್‌
ಕನ್ನಡ.ಗಿಜ್‌ಬಾಟ್‌.ಕಾಂ