ಸೆನ್ಹೈಸರ್ ಮೊಮೆಂಟಮ್ 2 ಇಯರ್‌ಬಡ್ಸ್ ಬಿಡುಗಡೆ!

ಹೌದು, ಜರ್ಮನ್ ಮೂಲದ ಆಡಿಯೊ ಬ್ರಾಂಡ್ ಸೆನ್ಹೈಸರ್ ಇತ್ತೀಚೆಗೆ ತನ್ನ ಜನಪ್ರಿಯ ಮೊಮೆಂಟಮ್ ಟ್ರೂ ವಾಯರ್‌ಲೆಸ್‌ ಇಯರ್‌ಬಡ್‌ಗಳ ಅಪ್ಡೇಟ್ ಆವೃತ್ತಿಯನ್ನು ಬಿಡುಗಡೆ ಮಾಡಿದೆ. ಇನ್ನು ಈ ಹೊಸ ಮಾದರಿಯ ಸೆನ್ಹೈಸರ್ ಮೊಮೆಂಟಮ್ ಟ್ರೂ ವಾಯರ್‌ಲೆಸ್ 2 ಇಯರ್‌ಬಡ್‌ಗಳು ಆಕರ್ಷಕ ಫೀಚರ್ಸ್‌ಗಳ ಜೊತೆಗೆ, ನಾಯಿಸ್‌ ಕ್ಯಾನ್ಸೆಲೇಶನ್‌ ಆಕ್ಟಿವ್‌ ಮತ್ತು ಉತ್ತಮ ಬ್ಯಾಟರಿ ಬಾಳಿಕೆ ಯನ್ನು ಒಳಗೊಂಡಿದೆ.

ಇದು‌ ನಾಯಿಸ್‌ ಕ್ಯಾನ್ಸೆಲೇಶನ್‌ ಇಯರ್‌ಬಡ್‌ಗಳಲ್ಲಿ ಹೊಸ ಮಾದರಿಯ ಅಪ್ಡೇಟ್ ಅನ್ನು ಹೊಂದಿದೆ. ಸೆನ್ಹೈಸರ್ ಮೊಮೆಂಟಮ್ ಟ್ರೂ ವಾಯರ್‌ಲೆಸ್ 2 ಇಯರ್‌ಬಡ್‌ ಟ್ರಾನ್ಸ್‌ಪರೆಂಟ್‌ ಹಿಯರಿಂಗ್ ಮೋಡ್ ಅನ್ನು ಒಳಗೊಂಡಿದೆ. ಇದನ್ನ ಆಂಡ್ರಾಯ್ಡ್ ಮತ್ತು ಐಒಎಸ್‌ನಲ್ಲಿನ ಅಪ್ಲಿಕೇಶನ್‌ಗಳ ಮೂಲಕ ಕಾನ್ಫಿಗರ್ ಮಾಡಬಹುದಾಗಿದೆ. ಇನ್ನು ಈ ಫೀಚರ್ಸ್‌ ಹೊರಾಂಗಣದಲ್ಲಿ ಜಾಗೃತಿ ಕಾಪಾಡಿಕೊಳ್ಳಲು ಕೆಲವು ಎಕ್ಸ್ಟ್ರಾನಲ್‌ ಆಡಿಯೊ ಬಡ್ಸ್‌ ಗೆ ಅವಕಾಶ ಮಾಡಿಕೊಡಲಿದೆ.

ಈ ಹೊಸ ವಾಯರ್‌ಲೆಸ್ ಇಯರ್‌ ಬಡ್‌ನಲ್ಲಿ 2mm ಸಣ್ಣ ದೇಹ ರಚನೆ ಮತ್ತು ಬ್ಲೂಟೂತ್ 5.1 ಅನ್ನು ಒಳಗೊಂಡಿವೆ. ಇದಲ್ಲದೆ, SBC, AAC ಮತ್ತು ಆಪ್ಟಿಎಕ್ಸ್ ಕೊಡೆಕ್‌ಗಳಿಗೆ ಇದು ಬೆಂಬಲವನ್ನು ನೀಡಲಿದೆ. ಆದರೆ ಈ ಹಿಂದಿನ ಆವೃತ್ತಿಯಲ್ಲಿ ಇದ್ದ ಆಪ್ಟಿಎಕ್ಸ್ LL ಬೆಂಬಲವನ್ನು ಕೈ ಬಿಡಲಾಗಿದೆ. ಇನ್ನು ಈ ಇಯರ್‌ಬಡ್‌ ನ ಪ್ರಮುಖ ಸುದಾರಣೆ ಅಂದರೆ ಅದು ಬ್ಯಾಟರಿ ಬಾಳಿಕೆ. ಈ ಹಿಂದಿನ ಇಯರ್‌ಬಡ್‌ ಆವೃತ್ತಿಯಲ್ಲಿ ಒಂದೇ ಚಾರ್ಜ್‌ನಲ್ಲಿ 4 ಗಂಟೆಗಳ ಬ್ಯಾಟರಿ ಅವಧಿಯನ್ನು ನೀಡಲಾಗಿತ್ತು. ಆದರೆ ಈ ಹೊಸ ಮಾದರಿಯಲ್ಲಿ, ಬಳಕೆದಾರರು 7 ಗಂಟೆಗಳ ಬ್ಯಾಟರಿ ಅವಧಿಯನ್ನು ಪಡೆದುಕೊಳ್ಳಲಿದ್ದಾರೆ.

ಇನ್ನು ಸೆನ್ಹೈಸರ್ ಮೊಮೆಂಟಮ್ 2 ಇಯರ್‌ಬಡ್ಸ್‌ನ ಹೊಸ ಆವೃತ್ತಿಯಲ್ಲಿ ಬ್ಯಾಟರಿ ಪ್ಯಾಕ್‌ಅಪ್‌ ಜೊತೆಗೆ ಇತರೆ ಫೀಚರ್ಸ್‌ಗಳು ಕೂಡ ಉತ್ತಮವಾಗಿವೆ. ಈ ಹಿಂದಿನ ಆವೃತ್ತಿಯ ಇಯರ್‌ಬಡ್‌ ಸಿಂಗಲ್‌ ಚಾರ್ಜ್‌ನಲ್ಲಿ 12 ಗಂಟೆಗಳ ಚಾರ್ಜಿಂಗ್‌ ನೀಡಿದರೆ. ಹೊಸ ಆವೃತ್ತಿಯಲ್ಲಿ 28 ​​ಗಂಟೆಗಳವರೆಗೆ ತನ್ನ ಚಾರ್ಜಿಂಗ್‌ ಸಾಮರ್ಥ್ಯವನ್ನ ವಿಸ್ತರಿಸಿಕೊಂಡಿದೆ. ಹಾಗೇ ನೋಡಿದ್ರೆ ಸೋನಿ wf-1000xm 3 ಇಯರ್‌ಬಡ್ಸ್‌ 6 ಗಂಟೆ ಚಾರ್ಜಿಂಗ್‌ ಮತ್ತು 24 ಗಂಟೆಗಳ ಬಾಳಿಕೆಯನ್ನ ನೀಡಲಿದೆ. ಇದಕ್ಕೆ ಪೈಫೋಟಿ ನೀಡುವುದಕ್ಕಾಗಿ ಈ ಹೊಸ ಅಪ್ಡೇಟ್ ಅನ್ನ ಸನ್ಹೈಸರ್‌ ಕಂಪೆನಿ ಬಿಡುಗಡೆ ಮಾಡಿದೆ.

ಸದ್ಯ ಸೆನ್ಹೈಸರ್ ಮೊಮೆಂಟಮ್ ಟ್ರೂ ವಾಯರ್‌ಲೆಸ್‌ 2 ಇಯರ್‌ ಬಡ್ಸ್‌ ಐಪಿಎಕ್ಸ್ 4 ಸ್ಪ್ಲಾಶ್ ಪ್ರತಿರೋಧ ಗುಣವನ್ನ ಹೊಂದಿದೆ. ಅಲ್ಲದೆ ವಾಯ್ಸ್‌ ಅಸಿಸ್ಟೆಂಟ್‌ಗೆ ಬೆಂಬಲಿಸುವ ಆಯ್ಕೆಗಳನ್ನು ಸಹ ಒಳಗೊಂಡಿದೆ. ಇನ್ನು ಈ ಇಯರ್‌ ಬಡ್‌ಗಳ ಬೆಲೆ $ 300 (ಸುಮಾರು 22,187 ರೂ.) ಆಗಿದ್ದು, ಇದೇ ಏಪ್ರಿಲ್ ನಿಂದ ಖರೀದಿಸಬಹುದಾಗಿದೆ. ಇದು ಕಪ್ಪು ಬಣ್ಣದ ಆಯ್ಕೆಯಲ್ಲಿ ಲಭ್ಯವಾಗಲಿದೆ.