ಮೊಬೈಲ್ ಬಳಕೆದಾರರು ಹಾಗು ಮೊಬೈಲ್ ಆಪರೇಟರುಗಳ ಮನವಿಗೆ ಸ್ಪಂದಿಸಿರುವ ಕೇಂದ್ರ ಸರ್ಕಾರ ನೆನ್ನೆಯಿಂದಲೇ ಜಾರಿಗೆ ಬರುವಂತೆ ದಿನಂಪ್ರತಿ 20 ಮೆಸೇಜ್ ಕಳುಹಿಸಬಹುದು ಎಂದು ಒಪ್ಪಗೆ ಕೊಟ್ಟಿದೆ. ಹಾಗಾಗಿ ನೀವು ಇವತ್ತಿನಿಂದ ಸೆಪ್ಟೆಂಬರ್ 2 ರ ವರೆಗೂ ದಿನಕ್ಕೆ 20 ಮೆಸೇಜ್ ಕಳುಹಿಸಬಹುದಾಗಿದೆ.
ಆಗಸ್ಟ್ 18 ರಂದು ದೇಶದ ಟೆಲಿಕಾಂ ಆಪರೇಟರುಗಳು 5 sms ನ ನಿರ್ಬಂಧವನ್ನು ಸಡಿಲಿಸುವಂತೆ ಮನವಿ ಮಾಡಿದ್ದರಿಂದ ಹಾಗು ಗಲಭೆಯ ವಿಚಾರಕ್ಕೆ ಸಂಬಂಧಿಸಿದಂತೆ ಪರಿಸ್ಥಿತಿಯೂ ಕೂಡ ಸ್ವಲ್ಪ ಮಟ್ಟಿಗೆ ತಿಳಿಯಾಗಿರುವುದರಿಂದ ಸರ್ಕಾರ ಅನುಮತಿ ಕೊಟ್ಟಿದೆ.
ಆದರೆ ಕೇಂದ್ರ ಸರ್ಕಾರ 309 ವೆಬ್ಸೈಟ್ ಗಳ ಮೇಲೆ ಮಾತ್ರ ಗದಾಪ್ರಹಾರ ಬೀಸಿದ್ದು, ಪ್ರಚೋದಕ ಅಂಶಗಳನ್ನು ನಿರ್ಬಂಧಿಸಲು ಸೂಚಿಸಿದೆ.
