ನಿಜಕ್ಕೂ ಅಮೇಜಿಂಗ್ ಆಗಿರುವ ಫೋಟೊಗಳು

By Shwetha

Updated: Friday, June 13, 2014, 13:01 [IST]

ಇಂದಿನ ಆಧುನಿಕ ಜಗತ್ತಿನಲ್ಲಿ ಮನುಷ್ಯ ಮಾನವೀಯತೆ, ಪ್ರೀತಿ ಕರುಣೆಯನ್ನು ಮರೆತು ತಾನು ತನ್ನದು ಎಂಬ ಫ್ಯಾಶನ್ ಜಪವನ್ನು ತನ್ನದಾಗಿಸಿಕೊಂಡಿದ್ದಾನೆ. ಉದಾಹರಣೆಗೆ ರಸ್ತೆಯಲ್ಲಿ ಒಂದು ಅಪಘಾತ ಉಂಟಾಯಿತು ಎಂದಿಟ್ಟುಕೊಳ್ಳೋಣ.

ಅಪಘಾತ ನಡೆದ ಸ್ಥಳದಲ್ಲಿ ಜನಸಮೂಹ ಜಾತ್ರೆಯಂತೆ ನೆರೆದಿರುತ್ತದೆ. ಗಾಯಗೊಂಡ ವ್ಯಕ್ತಿ ರಸ್ತೆಯಲ್ಲಿ ಮರಣ ವೇದನೆಯ ನೋವನ್ನು ಅನುಭವಿಸುತ್ತಿರುತ್ತಾನೆ. ಆದರೂ ಯಾರೂ ಅವರತ್ತ ಲಕ್ಷ್ಯ ಕೊಡದೆ ಅಪಘಾತದ ಬಗೆಗೆ ತಮ್ಮದೇ ಸಮಾಲೋಚನೆಯನ್ನು ನಡೆಸುತ್ತಿರುತ್ತಾರೆ.

ಸ್ವಲ್ಪ ಸಮಯದ ನಂತರ ಈ ಜನಸಮೂಹ ನಮಗ್ಯಾಕಪ್ಪಾ ಇದರ ಉಸಾಬರಿ ಎಂದು ಅಲ್ಲಿಂದ ಕಾಲ್ತೆಗೆಯುತ್ತಾರೆ. ಆದರೂ ಸಹಾಯ ಮಾಡುವ ಮನಸ್ಸಿದ್ದವರು ಆಂಬ್ಯುಲೆನ್ಸ್‌ಗೆ ಫೋನ್ ಮಾಡಿ ತಮ್ಮ ಮಾನವೀಯತೆಯನ್ನು ಮೆರೆದರೆ ಇನ್ನು ಕೆಲವರು ಅವರ ಮನೆಯವರಿಗೆ ಮಾಹಿತಿ ನೀಡುವ ಕೆಲಸವನ್ನು ಮಾಡುತ್ತಾರೆ. ಇದೂ ಯಾವಾಗಲೂ ಹೀಗೆಯೇ ನಡೆಯಬೇಕು ಎಂದೇನಿಲ್ಲ.

ಕೆಲವೊಮ್ಮೆ ಮಾತ್ರ ಇಂತಹ ದೇವತಾ ಪುರುಷರು ತಮ್ಮ ಸಹಾಯ ಹಸ್ತವನ್ನು ಚಾಚಿ ಅವರಿಗೆ ನೆರವು ನೀಡುತ್ತಾರೆ. ಇದು ಜನರ ತಪ್ಪಲ್ಲ. ಏಕೆಂದರೆ ಇಂದಿನ ಸಮಾಜ ಹಾಗೆ ನಿರ್ಮಾಣವಾಗಿದೆ. ಒಂದು ಅಪಘಾತ ನಡೆದ ಸ್ಥಳದಲ್ಲಿ ಸಹಾಯ ಮಾಡುವುದೆಂದರೆ ಕೋರ್ಟು ಕಚೇರಿಗಳ ಅಲೆದಾಟ ಸಹಾಯ ಮಾಡಿದವರಿಗೂ ಮಾಡಿಸಿಕೊಂಡವರಿಗೂ. ಈ ನೋಟ ಬದಲಾದರೆ ಮಾತ್ರ ಎಷ್ಟೋ ಜನರ ಪ್ರಾಣವನ್ನು ಉಳಿಸಬಹುದು. ನಮ್ಮಲ್ಲಿದ್ದ ಪ್ರೀತಿ, ಮನುಷ್ಯತ್ವವನ್ನು ನಾವು ಪೂರ್ಣವಾಗಿ ಮಾರಿಕೊಂಡಿಲ್ಲ ಎಂಬ ಅರಿವೂ ಸಮಾಜಕ್ಕಾಗುತ್ತದೆ.

ಈ ಮಾಹಿತಿಯೊಂದಿಗೆ ಇಂದಿನ ಲೇಖನದಲ್ಲಿ ನಾವು ನೀಡುತ್ತಿದ್ದೇವೆ ನಿಮ್ಮ ಮನಸ್ಸಾನ್ನಕರ್ಷಿಸುವ ಫೋಟೊ ಸಂಗ್ರಹವನ್ನು. ಆ ಫೋಟೊಗಳನ್ನು ಆಸ್ವಾದಿಸುತ್ತಾ ಮಾನವೀಯತೆ ಪ್ರದರ್ಶಿಸುವ ನಿಮ್ಮ ಅವಕಾಶವನ್ನು ಯಾವತ್ತಿಗೂ ಮಿಸ್ ಮಾಡ್ಕೊಳ್ಳಬೇಡಿ.