ಸೋನಿ ಆಲ್ಫಾ 7S III ಫುಲ್‌ ಫ್ರೇಮ್‌ ಮಿರರ್‌ಲೆಸ್ ಕ್ಯಾಮೆರಾ ಭಾರತದಲ್ಲಿ ಬಿಡುಗಡೆ!

ಹೌದು, ಸೋನಿ ಕಂಪೆನಿ ತನ್ನ ಆಲ್ಫಾ 7 S III ಕ್ಯಾಮೆರಾ ಅನ್ನು ಭಾರತದಲ್ಲಿ ಬಿಡುಗಡೆ ಮಾಡಿದೆ. ಇದು ಫುಲ್‌-ಫ್ರೇಮ್ ಮಿರರ್‌ಲೆಸ್ ಕ್ಯಾಮೆರಾ ಮತ್ತು ಅತ್ಯಂತ ಜನಪ್ರಿಯ ಸೋನಿ A7S II ರ ಉತ್ತರಾಧಿಕಾರಿ ಆಗಿದೆ. ಅಲ್ಲದೆ ಇದು ಫ್ಲಿಪ್- ಟಚ್‌ಸ್ಕ್ರೀನ್ ಎಲ್‌ಸಿಡಿ ಡಿಸ್‌ಪ್ಲೇಯನ್ನು ಹೊಂದಿದೆ. ಅಲ್ಲದೆ ಈ ಕ್ಯಾಮೆರಾ ಹೊಸ ಇಮೇಜ್ ಪ್ರೊಸೆಸರ್, 4k 120 ಎಫ್‌ಪಿಎಸ್ ವಿಡಿಯೋ ರೆಕಾರ್ಡಿಂಗ್, ಇತರ ವೃತ್ತಿಪರ ಶೂಟಿಂಗ್ ಮೋಡ್‌ಗಳೊಂದಿಗೆ ನವೀಕರಿಸಿದ ವಿನ್ಯಾಸವನ್ನು ಹೊಂದಿದೆ. ಇನ್ನುಳಿದಂತೆ ಈ ಕ್ಯಾಮೆರಾ ವಿಶೇಷತೆಯೇನು ಅನ್ನೊದನ್ನ ಈ ಲೇಖನದಲ್ಲಿ ತಿಳಿಸಿಕೊಡ್ತೀವಿ ಓದಿರಿ.

ಸೋನಿ ಆಲ್ಫಾ 7S III ಕ್ಯಾಮೆರಾ ಹೊಸ ಬಯೋನ್ಜ್ ಎಕ್ಸ್‌ಆರ್ ಇಮೇಜ್ ಪ್ರೊಸೆಸರ್ ಮತ್ತು 12.1 ಮೆಗಾಪಿಕ್ಸೆಲ್ ಬ್ಯಾಕ್-ಲೈಮಿನೇಟೆಡ್ ಫುಲ್-ಫ್ರೇಮ್ ಎಕ್ಸೋರ್ ಆರ್ ಸಿಎಮ್ಒಎಸ್ ಇಮೇಜ್ ಸೆನ್ಸಾರ್ ಅನ್ನು ಒಳಗೊಂಡಿದೆ. ಅಲ್ಲದೆ ಇದರಲ್ಲಿ ಐಎಸ್ಒ ಶ್ರೇಣಿಯನ್ನು ಸ್ವಲ್ಪ ಸುಧಾರಿಸಲಾಗಿದೆ. ಈ ಹೊಸ ಕ್ಯಾಮೆರಾ ಈಗ 10 ಕೆ 4: 2: 2 ಬಣ್ಣದ ಡೆಪ್ತ್‌ನೊಂದಿಗೆ 120 fps‌ನಲ್ಲಿ 4k ವಿಡಿಯೋವನ್ನು ರೆಕಾರ್ಡ್ ಮಾಡಬಹುದಾಗಿದೆ. ಅಷ್ಟೇ ಅಲ್ಲ ಇದು 4k 60p 16-ಬಿಟ್ ರಾ ವಿಡಿಯೋ ಎಚ್‌ಡಿಎಂಐ ಔಟ್‌‌ಪುಟ್ ಸಾಮರ್ಥ್ಯವನ್ನು ಸಹ ಹೊಂದಿದೆ. ಜೊತೆಗೆ ಈ ಫುಲ್‌ ಫ್ರೇಮ್ ಕ್ಯಾಮೆರಾ 10fps ವರೆಗೆ ಸ್ಟಿಲ್ ಚಿತ್ರಗಳನ್ನು ಮತ್ತು ಸತತ 1,000 ಕ್ಕೂ ಹೆಚ್ಚು ಸಂಕ್ಷೇಪಿಸದ RAW ಇಮೇಜ್‌ಗಳನ್ನು ತೆಗೆದುಕೊಳ್ಳಬಹುದಾಗಿದೆ.

ಇನ್ನು ಸೋನಿ ಆಲ್ಫಾ 7S III ಫಾಸ್ಟ್ ಹೈಬ್ರಿಡ್ ಆಟೋ-ಫೋಕಸ್ ಫೀಚರ್ಸ್‌ ಅನ್ನು ಹೊಂದಿದ್ದು, ಇದು ಹಂತ-ಪತ್ತೆ ಮತ್ತು ಕಾಂಟ್ರಾಸ್ಟ್-ಡಿಟೆಕ್ಷನ್ ಅನ್ನು ಸಂಯೋಜಿಸುತ್ತದೆ. ಅಲ್ಲದೆ ಇದು 759 ಪಾಯಿಂಟ್ ಹಂತ-ಪತ್ತೆ ಎಎಫ್ ಸೆನ್ಸಾರ್‌ಗಳನ್ನು ಹೊಂದಿದ್ದು ಅದು 92% ಪ್ರತಿಶತದಷ್ಟು ಇಮೇಜ್ ಸೆನ್ಸಾರ್ ಅನ್ನು ಒಳಗೊಂಡಿದೆ. ಆಲ್ಫಾ 7 ಎಸ್ III ಹೆಚ್ಚು ಸುಧಾರಿತ ಹ್ಯಾಂಡ್ಹೆಲ್ಡ್ ಮೂವಿ ಶೂಟಿಂಗ್‌ಗಾಗಿ ಹೆಚ್ಚುವರಿ ಆಕ್ಟಿವ್ ಮೋಡ್‌ನೊಂದಿಗೆ 5-ಆಕ್ಸಿಸ್ ಆಪ್ಟಿಕಲ್ ಇನ್-ಬಾಡಿ ಇಮೇಜ್ ಸ್ಥಿರೀಕರಣವನ್ನು ಹೊಂದಿದೆ.

ಇದಲ್ಲದೆ ಈ ಕ್ಯಾಮೆರಾದ 9.44 ಮಿಲಿಯನ್-ಡಾಟ್ ಒಎಲ್ಇಡಿ ಎಲೆಕ್ಟ್ರಾನಿಕ್ ವ್ಯೂಫೈಂಡರ್ ವಿಶ್ವದ ಅತ್ಯಂತ ಪ್ರಕಾಶಮಾನವಾದ ಮತ್ತು ದೊಡ್ಡದಾಗಿದೆ ಎಂದು ಸೋನಿ ಹೇಳಿದೆ. ಫುಲ್‌-ಫ್ರೇಮ್ ಕ್ಯಾಮೆರಾದ ಮೆನು ಸಿಸ್ಟಮ್ ಅನ್ನು ಟಚ್‌ಸ್ಕ್ರೀನ್‌ನೊಂದಿಗೆ ಕೆಲಸ ಮಾಡಲು ಮರುವಿನ್ಯಾಸಗೊಳಿಸಲಾಗಿದೆ. ಇನ್ನು ಕನೆಕ್ಟಿವಿಟಿ ಆಯ್ಕೆಗಳಲ್ಲಿ ಡ್ಯುಯಲ್-ಬ್ಯಾಂಡ್ ವೈ-ಫೈ, ಯುಎಸ್‌ಬಿ ಟೆಥರಿಂಗ್ ಮತ್ತು ಯುಎಸ್‌ಬಿ ಟೈಪ್-ಸಿ ಕನೆಕ್ಟರ್ ಸೂಪರ್‌ಸ್ಪೀಡ್ ಯುಎಸ್‌ಬಿ 5 ಜಿಬಿಪಿಎಸ್ ಡೇಟಾ ವರ್ಗಾವಣೆಯನ್ನು ಈ ಕ್ಯಾಮೆರಾ ಬೆಂಬಲಿಸಲಿದೆ. ಜೊತೆಗೆ ಈ ಕ್ಯಾಮೆರಾ ಎರಡು ಮೆಮೊರಿ ಕಾರ್ಡ್ ಸ್ಲಾಟ್‌ಗಳನ್ನು ಸಹ ಹೊಂದಿದೆ, ಇದು ಎಸ್‌ಡಿ ಮತ್ತು ಸಿಎಫ್‌ಎಕ್ಸ್‌ಪ್ರೆಸ್ ಟೈಪ್ ಎ ಕಾರ್ಡ್‌ಗಳನ್ನು ಬೆಂಬಲಿಸುತ್ತದೆ.

ಇನ್ನು ಸೋನಿ ಆಲ್ಫಾ 7S III ಕ್ಯಾಮೆರಾದ ಕ್ಯಾಮೆರಾ ಬಾಡಿ ಬೆಲೆ 3,34,990 ರೂ. ಆಗಿದೆ. ಇನ್ನು ಸೋನಿಯ ಸಿಎಫ್‌ಎಕ್ಸ್‌ಪ್ರೆಸ್ ಟೈಪ್ ಎ ಮೆಮೊರಿ ಕಾರ್ಡ್‌ಗಳು 21,100ರೂ ಆಗಿದೆ. ಅಲ್ಲದೆ 80GB ಮತ್ತು 160GB ಸಾಮರ್ಥ್ಯಕ್ಕೆ ಕ್ರಮವಾಗಿ 40,990 ರೂ. ಹಾಗೂ ಸೋನಿಯ MRW-G 2 ಕಾರ್ಡ್ ರೀಡರ್ ಬೆಲೆ 13,700.ರೂ. ಆಗಿದೆ.