ಸೋನಿ ಸಂಸ್ಥೆಯಿಂದ ಮತ್ತೊಂದು ಮನಮೋಹಕ ಕ್ಯಾಮೆರಾ ಬಿಡುಗಡೆ!

ಹೌದು, ಸೋನಿ ಕಂಪೆನಿ ತನ್ನ ಹೊಸ ಆಲ್ಫಾ 7S III ಫುಲ್‌ಫ್ರೇಮ್‌ ಮಿರರ್‌ಲೆಸ್ ಕ್ಯಾಮೆರಾವನ್ನು ಬಿಡುಗಡೆ ಮಾಡಿದೆ. ಇದು ಹೊಸ ಇಮೇಜ್ ಪ್ರೊಸೆಸಿಂಗ್ ಸೇರಿದಂತೆ, ಹೊಸ ಮತ್ತು ಆಡ್ವಾನ್ಸ್‌ ಫೀಚರ್ಸ್‌ಗಳನ್ನು ಹೊಂದಿದೆ. ಇನ್ನು ಈ ಕ್ಯಾಮೆರಾದಲ್ಲಿ ಎಂಜಿನ್, ಟಚ್‌ಸ್ಕ್ರೀನ್ ಡಿಸ್‌ಪ್ಲೇ, ಮತ್ತು ಗುಂಡಿಗಳ ನಿಯೋಜನೆಯಲ್ಲಿ ಕೆಲವು ಗಮನಾರ್ಹ ಬದಲಾವಣೆಗಳನ್ನು ಹೊಂದಿದೆ. ಇದಲ್ಲದೆ ಸೋನಿ ಆಲ್ಫಾ 7S III ನಲ್ಲಿ ಹೊಸ ಮತ್ತು ಸುಧಾರಿತ ಇಮೇಜ್ ಸೆನ್ಸಾರ್‌ನೊಂದಿಗೆ 4K ವಿಡಿಯೋವನ್ನು ಇನ್ನು ಹೆಚ್ಚಿನ fpsನಲ್ಲಿ ರೆಕಾರ್ಡ್ ಮಾಡಬಹುದಾಗಿದೆ. ಇನ್ನು ಈ ಕ್ಯಾಮೆರಾ ಯಾವೆಲ್ಲಾ ಫೀಚರ್ಸ್‌ಗಳನ್ನ ಒಳಗೊಂಡಿದೆ ಅನ್ನೊದನ್ನ ಈ ಲೇಖನದಲ್ಲಿ ತಿಳಿಸಿಕೊಡ್ತೀವಿ ಓದಿರಿ.

ಸೋನಿ ಆಲ್ಫಾ 7S III ಕ್ಯಾಮೆರಾ

ಸೋನಿ ಆಲ್ಫಾ 7s III ಹೊಸ ಬಯೋನ್ಜ್ ಎಕ್ಸ್‌ಆರ್ ಇಮೇಜ್ ಪ್ರೊಸೆಸರ್ ಹೊಂದಿದೆ. ಅಲ್ಲದೆ ಇದು 12.1 ಮೆಗಾಪಿಕ್ಸೆಲ್ ಬ್ಯಾಕ್-ಲೈಮಿನೇಟೆಡ್ ಫುಲ್-ಫ್ರೇಮ್ ಎಕ್ಸೋರ್ ಆರ್ ಸಿಎಮ್ಒಎಸ್ ಇಮೇಜ್ ಸೆನ್ಸಾರ್ ಅನ್ನು ಒಳಗೊಂಡಿದೆ. ಇನ್ನು ಖಲೆದ ಬಾರಿ ಬಿಡುಗಡೆ ಆಗಿದ್ದ ಆಲ್ಫಾ 7 ಎಸ್ II ನಲ್ಲಿ ಇದ್ದಂತಹ ಐಎಸ್ಒ ಶ್ರೇಣಿಯನ್ನು ಸುಧಾರಿಸಲಾಗಿದೆ. ಇದಲ್ಲದೆ ಮಾರ್ಕ್ III ಈಗ 10k 4: 2: 2 ಬಣ್ಣದ ಡೆಪ್ತ್‌ನೊಂದಿಗೆ 120ಪಿ ಯಲ್ಲಿ 4k ವಿಡಿಯೋವನ್ನು ರೆಕಾರ್ಡ್ ಮಾಡಬಹುದಾಗಿದೆ.

ಇನ್ನು ಈ ಕ್ಯಾಮೆರಾದಲ್ಲಿ 4K 60P 16-ಬಿಟ್ ರಾ ವಿಡಿಯೋ ಎಚ್‌ಡಿಎಂಐ output ಸಾಮರ್ಥ್ಯವನ್ನು ಸಹ ನೀಡಲಾಗಿದೆ. ಅಲ್ಲದೆ ಇದು ಆಲ್ಫಾ ಸರಣಿಯಲ್ಲಿ ಮೊದಲ ಬಾರಿಗೆ ಲಬ್ಯವಾಗಲಿದೆ ಎಂದು ಸೋನಿ ಕಂಪೆನಿ ಹೇಳಿಕೊಂಡಿದೆ. ಇನ್ನು ಈ ಫುಲ್‌ ಫ್ರೇಮ್‌ ಕ್ಯಾಮೆರಾ ಸತತ 1,000 ಕ್ಕೂ ಹೆಚ್ಚು uncompressed RAW ಚಿತ್ರಗಳನ್ನು 10fps ವರೆಗೆ ಸ್ಟಿಲ್ ಚಿತ್ರಗಳನ್ನು ತೆಗೆದುಕೊಳ್ಳಬಹುದಾಗಿದೆ. ಇನ್ನು ಸೋನಿ A7s ಮಾರ್ಕ್ III ಹೊಸದಾಗಿ ಪ್ರಾರಂಭಿಸಲಾದ ಸಿಎಫ್‌ಎಕ್ಸ್‌ಪ್ರೆಸ್ ಟೈಪ್ ಎ ಮೆಮೊರಿ ಕಾರ್ಡ್‌ಗಳನ್ನು ಬಳಸುತ್ತದೆ.

ಇದಲ್ಲದೆ ಈ ಸಿಎಫ್‌ಎಕ್ಸ್‌ಪ್ರೆಸ್ ಟೈಪ್ ಕಾರ್ಡ್‌ಗಳಲ್ಲಿನ ಡೇಟಾ ವರ್ಗಾವಣೆ ವೇಗವು ಎಸ್‌ಡಿ ಕಾರ್ಡ್‌ಗಳಿಗಿಂತ 1.7 ಪಟ್ಟು ವೇಗವಾಗಿದೆ ಎಂದು ಕಂಪನಿ ಹೇಳಿದೆ. ಇದರಲ್ಲಿ 700MBps ಬರಹ ಮತ್ತು 800MBps ವೇಗವನ್ನು ಕಾಣಬಹುದಾಗಿದೆ. ಅಲ್ಲದೆ ಇದು 80GB ಮತ್ತು 160GB ಸಾಮರ್ಥ್ಯವನ್ನು ಒಳಗೊಂಡಿರಲಿದೆ. ಇದಲ್ಲದೆ ಈ ಕ್ಯಾಮೆರಾ ಫಾಸ್ಟ್ ಹೈಬ್ರಿಡ್ ಆಟೋ-ಫೋಕಸ್ (ಎಎಫ್) ಫೀಚರ್ಸ್‌ ಅನ್ನು ಹೊಂದಿದೆ. ಇದು ಹಂತ-ಪತ್ತೆ ಮತ್ತು ಕಾಂಟ್ರಾಸ್ಟ್-ಡಿಟೆಕ್ಷನ್ ಅನ್ನು ಸಂಯೋಜಿಸುತ್ತದೆ, ಕ್ಯಾಮೆರಾವು ವಿಶಾಲ ಪ್ರದೇಶದಲ್ಲಿ ವಿಷಯಗಳನ್ನು ವೇಗವಾಗಿ ಪತ್ತೆಹಚ್ಚಲು ಅನುವು ಮಾಡಿಕೊಡುತ್ತದೆ.

ಅಲ್ಲದೆ ಇದು 759 ಪಾಯಿಂಟ್ ಹಂತ-ಪತ್ತೆ ಎಎಫ್ ಸೆನ್ಸಾರ್‌ ಅನ್ನು ಹೊಂದಿದ್ದು, ಇದು 92% ಇಮೇಜ್ ಸೆನ್ಸಾರ್ ಅನ್ನು ಒಳಗೊಂಡಿದೆ. ಇನ್ನು ಇದನ್ನು ಹೆಚ್ಚು ಸುಧಾರಿತ ಹ್ಯಾಂಡ್ಹೆಲ್ಡ್ ಮೂವಿ ಶೂಟಿಂಗ್ಗಾಗಿ ಹೆಚ್ಚುವರಿ ಆಕ್ಟಿವ್ ಮೋಡ್ನೊಂದಿಗೆ 5-ಆಕ್ಸಿಸ್ ಆಪ್ಟಿಕಲ್ ಇನ್-ಬಾಡಿ ಇಮೇಜ್ ಸ್ಥಿರೀಕರಣವನ್ನು ಹೊಂದಿದೆ. ಈ ಕ್ಯಾಮೆರಾದ 9.44 ಮಿಲಿಯನ್-ಡಾಟ್ ಒಎಲ್ಇಡಿ ಎಲೆಕ್ಟ್ರಾನಿಕ್ ವ್ಯೂಫೈಂಡರ್ ವಿಶ್ವದ ಅತ್ಯಂತ ಪ್ರಕಾಶಮಾನವಾದ ಮತ್ತು ದೊಡ್ಡದಾಗಿದೆ ಎಂದು ಸೋನಿ ಹೇಳಿದೆ. ಇದರಲ್ಲಿ ಮೆನು ಸಿಸ್ಟಮ್ ಅನ್ನು ಟಚ್‌ಸ್ಕ್ರೀನ್‌ ನೊಂದಿಗೆ ಕೆಲಸ ಮಾಡಲು ಮರುವಿನ್ಯಾಸಗೊಳಿಸಲಾಗಿದೆ.

ಸೋನಿ ಎ 7 ಎಸ್ ಮಾರ್ಕ್ III ನಲ್ಲಿನ ಕನೆಕ್ಟಿವಿಟಿ ಆಯ್ಕೆಗಳಲ್ಲಿ ಡ್ಯುಯಲ್-ಬ್ಯಾಂಡ್ ವೈ-ಫೈ, ಯುಎಸ್‌ಬಿ ಟೆಥರಿಂಗ್ ಮತ್ತು ಯುಎಸ್‌ಬಿ ಟೈಪ್-ಸಿ ಕನೆಕ್ಟರ್ ಸೂಪರ್‌ಸ್ಪೀಡ್ ಯುಎಸ್‌ಬಿ 5 ಜಿಬಿಪಿಎಸ್ ಡೇಟಾ ವರ್ಗಾವಣೆಯನ್ನು ಬೆಂಬಲಿಸುತ್ತದೆ.