ಸೌಂಡ್‌ಕೋರ್‌ ಲಿಬರ್ಟಿ ಏರ್ 2 ವಾಯರ್‌ಲೆಸ್ ಇಯರ್‌ಬಡ್ಸ್ ಲಾಂಚ್‌!

ಹೌದು, ಸೌಂಡ್‌ಕೋರ್‌ ಆಂಕರ್‌ ತನ್ನ ಹೊಸ ಸೌಂಡ್‌ಕೋರ್ ಲಿಬರ್ಟಿ ಏರ್ 2 ಇಯರ್‌ಬಡ್ಸ್‌ ಅನ್ನು ಭಾರತದಲ್ಲಿ ಬಿಡುಗಡೆ ಮಾಡಿದೆ. ಈ ಇಯರ್‌ಬಡ್ಸ್‌ ಟಚ್‌ ಕಂಟ್ರೂಲ್‌ ಅನ್ನು ಹೊಂದಿದೆ. ಜೊತೆಗೆ ವಾಯರ್‌ಲೆಸ್‌ ಚಾರ್ಜರ್‌ ಮೂಲಕ 3.5 ಗಂಟೆಗಳಲ್ಲಿ ಚಾರ್ಜಿಂಗ್‌ ಮಾಡಬಹುದಾಗಿದೆ. ಇನ್ನು ಈ ಇಯರ್‌ಬಡ್ಸ್‌ CVC 8.0 ನಾಯ್ಸ್‌ ರೆಡ್ಯೂಕ್ಷನ್ ಟೆಕ್ನಾಲಜಿ ಯನ್ನು ಒಳಗೊಂಡಿದೆ. ಇನ್ನುಳಿದಂತೆ ಈ ಹೊಸ ಇಯರ್‌ಬಡ್ಸ್‌ನ ವಿಶೇಷತೆ ಏನು ಅನ್ನೊದನ್ನ ಈ ಲೇಖನದಲ್ಲಿ ತಿಳಿಸಿಕೊಡ್ತಿವಿ ಓದಿರಿ.

ಸೌಂಡ್‌ಕೋರ್‌ ಲಿಬರ್ಟಿ ಏರ್ 2 ಡೈಮಂಡ್-ಕೋಟೆಡ್ ಡ್ರೈವರ್ಸ್ ಹೊಂದಿದೆ. ಅಲ್ಲದೆ ಇದು CVC 8.0 ನಾಯ್ಸ್‌ ರೆಡ್ಯೂಕ್ಷನ್ ಟೆಕ್ನಾಲಜಿಯನ್ನು ಒಳಗೊಂಡಿರುವ ನಾಲ್ಕು ಇಂಟರ್‌ಬಿಲ್ಟ್‌ ಮೈಕ್ರೊಫೋನ್‌ಗಳೊಂದಿಗೆ ಬರುತ್ತದೆ. ಇವೆಲ್ಲವೂ ಸುತ್ತುವರಿದ ಶಬ್ದವನ್ನು ಕಡಿಮೆ ಮಾಡುತ್ತದೆ ಮತ್ತು ಕರೆ ಗುಣಮಟ್ಟವನ್ನು ಸುಧಾರಿಸುತ್ತದೆ. ಇನ್ನು ಸೌಂಡ್‌ಕೋರ್ ಲಿಬರ್ಟಿ ಏರ್ 2 22EQ ಸೆಟ್ಟಿಂಗ್ಸ್‌ ಅನ್ನು ಹೊಂದಿದೆ. ಅಲ್ಲದೆ ಇವುಗಳನ್ನು ಸೌಂಡ್‌ಕೋರ್ ಅಪ್ಲಿಕೇಶನ್ ಮೂಲಕ ಕಸ್ಟಮೈಸ್ ಸಹ ಮಾಡಬಹುದಾಗಿದೆ.

ಇನ್ನು ಸೌಂಡ್‌ಕೋರ್ ಲಿಬರ್ಟಿ ಏರ್ 2 10 ಮೀಟರ್ ಆಪರೇಟಿಂಗ್‌ ಡಿಸ್ಟೆನ್ಸ್‌ ಅನ್ನು ಹೊಂದಿದ್ದು, ಇದು ಟಚ್‌ ಕಂಟ್ರೋಲ್‌ ಅನ್ನು ಹೊಂದಿದೆ. ಇದಲ್ಲದೆ ಇದು ಮ್ಯೂಸಿಕ್‌, ಕಾಲ್‌ ಮತ್ತು ವಾಯ್ಸ್‌ ಅಸಿಸ್ಟೆಟಂಅ್‌ ಅನ್ನು ಟಚ್‌ ಕಂಟ್ರೋಲ್‌ ಮೂಲಕ ಸಕ್ರಿಯಗೊಳಿಸಬಹುದು. ಇನ್ನು ವಾಯರ್‌ಲೆಸ್‌ ಕನೆಕ್ಟಿವಿಟಿಗಾಗಿ ಈ ಇಯರ್‌ಬಡ್‌ಗಳು ಬ್ಲೂಟೂತ್ V5.0 ಅನ್ನು ಬೆಂಬಲಿಸುತ್ತವೆ. ಜೊತೆಗೆ ಈ ಇಯರ್‌ಬಡ್‌ಗಳು ಮೊನೊ ಮತ್ತು ಸ್ಟಿರಿಯೊ ಮೋಡ್‌ನೊಂದಿಗೆ ಬರುತ್ತವೆ ಮತ್ತು ಐಪಿಎಕ್ಸ್ 5 ವಾಟರ್‌ ರೆಸಿಸ್ಟೆನ್ಸ್‌ ಅನ್ನು ಹೊಂದಿದೆ.

ಸೌಂಡ್‌ಕೋರ್ ಲಿಬರ್ಟಿ ಏರ್ 2 ಚಾರ್ಜಿಂಗ್ ಕೇಸ್‌ ಜೊತೆಗೆ ಒಟ್ಟು 28 ಗಂಟೆಗಳ ಬ್ಯಾಟರಿ ಅವಧಿಯನ್ನು ನೀಡುತ್ತದೆ. ಎರಡು ಗಂಟೆಗಳ ಮ್ಯೂಸಿಕ್‌ ಪ್ಲೇಬ್ಯಾಕ್ ನೀಡಲು ಸರಳವಾದ 10 ನಿಮಿಷಗಳ ಚಾರ್ಜ್‌ ಅನ್ನು ನೀಡಲಾಗುತ್ತದೆ. ಈ ಇಯರ್‌ಬಡ್ಸ್‌ಗಳು ವೈರ್ಡ್ ವಿಧಾನದ ಮೂಲಕ ಸಂಪೂರ್ಣವಾಗಿ ಚಾರ್ಜ್ ಮಾಡಲು ಸುಮಾರು ಎರಡು ಗಂಟೆ ಮತ್ತು ವಾಯರ್‌ ಲೆಸ್‌ ಚಾರ್ಜರ್ ಮೂಲಕ 3.5 ಗಂಟೆಗಳವರೆಗೆ ತೆಗೆದುಕೊಳ್ಳುತ್ತದೆ. ಇನ್ನು ಸೌಂಡ್‌ಕೋರ್ ಲಿಬರ್ಟಿ ಏರ್ 2 ಸುಧಾರಿತ ಧ್ವನಿಗಾಗಿ ಕ್ವಾಲ್ಕಾಮ್ ಆಪ್ಟಿಎಕ್ಸ್ ಟೆಕ್ನಾಲಜಿ ಮತ್ತು ಹಿಯರ್ಐಡಿ ವೈಯಕ್ತಿಕಗೊಳಿಸಿದ ಧ್ವನಿಯನ್ನು ಹೊಂದಿದೆ.

ಇನ್ನು ಈ ಹೊಸ ಸೌಂಡ್‌ಕೋರ್ ಲಿಬರ್ಟಿ ಏರ್ 2 ಟ್ರೂಲಿ ವಾಯರ್‌ಲೆಸ್‌ ಇಯರ್‌ಬಡ್ಸ್‌ ಭಾರತದಲ್ಲಿ 7,999 ರೂ.ಬೆಲೆಯನ್ನು ಹೊಂದಿದೆ. ಇವು ಫ್ಲಿಪ್‌ಕಾರ್ಟ್ ಮತ್ತು ದೇಶಾದ್ಯಂತದ ಇತರ ಪ್ರಮುಖ ಮಳಿಗೆಗಳಲ್ಲಿ ಲಭ್ಯವಿದೆ. ಕ್ಲಾಸಿ ವೈಟ್ ಮತ್ತು ಬ್ಲ್ಯಾಕ್ ಕಲರ್ ಆಯ್ಕೆಗಳಲ್ಲಿ ಇಯರ್‌ಬಡ್ಸ್‌ ಲಭ್ಯವಾಗಲಿದೆ.