ಟಾಟಾ ಸ್ಕೈ ಹೊಸದಾಗಿ 13 HD ಪ್ರಾದೇಶಿಕ ಆಡ್-ಆನ್ ಪ್ಯಾಕ್ ಗಳನ್ನು ಪರಿಚಯಿಸಿದೆ

ಟಾಟಾ ಸ್ಕೈನಿಂದ ಹೊಸ HD ಪ್ರಾದೇಶಿಕ ಆಡ್-ಆನ್ ಪ್ಯಾಕ್ ಗಳು

ಟೆಲಿಕಾಂ ಟಾಕ್ ಹೇಳುವ ಪ್ರಕಾರ ಮೊದಲು HD ಮತ್ತು SD ಎರಡೂ ಚಾನಲ್ ಗಳ ಮಿಶ್ರಣದ ಮಿನಿ ಪ್ಯಾಕ್ ಗಳನ್ನು ಪರಿಚಯಿಸಿದ್ದ ಕಂಪೆನಿ ಇದೀಗ ಕೇವಲ HD ಪ್ಯಾಕ್ ಗಳನ್ನು ಮಾತ್ರವೇ ನೀಡುತ್ತಿದೆ.ಕಡಿಮೆ ಬೆಲೆಯ ಆಡ್ ಆನ್ ಪ್ಯಾಕ್ ಗಳಲ್ಲಿ ಯಾವುದೇ ಹೊಸ ಚಾನಲ್ ಗಳನ್ನು ಸೇರಿಸಲಾಗಿಲ್ಲ. ಈ ಪ್ಯಾಕ್ ಗಳು ರುಪಾಯಿ 60 ರಿಂದ ರುಪಾಯಿ 200 ರ ಬೆಲೆಯದ್ದೂ ಕೂಡ ಲಭ್ಯವಿದೆ.

ಹೊಸದಾಗಿ ಪರಿಚಯಿಸಲಾಗಿರುವ ಪ್ಯಾಕ್ ಗಳಲ್ಲಿ

• ತಮಿಳು ಪ್ರಾದೇಶಿಕ HD ಪ್ಯಾಕ್ ನ ಬೆಲೆ Rs. 164,
• ತಮಿಳು ಮಿನಿ HD ಪ್ಯಾಕ್ ನ ಬೆಲೆ Rs. 81,
• ತೆಲುಗು ಪ್ರಾದೇಶಿಕ ಪ್ಯಾಕ್ ನ ಬೆಲೆ Rs.216,
• ತೆಲುಗು ಮಿನಿ HD ಪ್ಯಾಕ್ ನ ಬೆಲೆ Rs. 90.

ಇದೇ ರೀತಿ ಕನ್ನಡ, ಮಳಯಾಳಂ,ಬೆಂಗಾಲಿ ಮತ್ತು ಮರಾಠಿ ಭಾಷೆಗಳಿಗೂ ಕೂಡ ಅನ್ವಯಿಸುತ್ತದೆ. ಇದೇ ರೀತಿ ಕೆಲವು ಇಂಗ್ಲೀಷ್ ಮೂವಿ HD ಮಿನಿ ಪ್ಯಾಕ್ ಕೂಡ ಲಭ್ಯವಿದ್ದು ಅದರ ಬೆಲೆ 162 ರುಪಾಯಿಗಳು ಮತ್ತು ಇದರಲ್ಲಿ 12 ಚಾನಲ್ ಗಳು ಲಭ್ಯವಾಗುತ್ತದೆ.



ಚಾನಲ್ ಗಳನ್ನು ಆಯ್ಕೆ ಮಾಡುವುದಕ್ಕೆ ಡೆಡ್ ಲೈನ್ ನ್ನು ಮುಂದುವರಿಸಲಾಗಿದೆ.

ಇತ್ತೀಚೆಗೆ ಟ್ರಾಯ್ ಚಂದಾದಾರರು ಚಾನಲ್ ಗಳನ್ನು ಆಯ್ಕೆ ಮಾಡಿಕೊಳ್ಳುವುದಕ್ಕೆ ಇರುವ ಡೆಡ್ ಲೈನ್ ನ್ನು ಮುಂದುವರಿಸಿದೆ. ಕಳೆದ ಡೆಡ್ ಲೈನ್ ಜನವರಿ 31 ಕ್ಕೆ ಇತ್ತು ಆದರೆ ಇದೀಗ ಮಾರ್ಚ್ 31 ರ ವರೆಗೆ ಚಾನಲ್ ಗಳ ಆಯ್ಕೆಗೆ ಅವಕಾಶ ನೀಡಲಾಗಿದೆ. ಇದು ಚಂದಾದಾರರಿಗೆ ತಮಗೆ ಅಗತ್ಯವಿರುವ ಚಾನಲ್ ಗಳನ್ನು ಆಯ್ಕೆ ಮಾಡಿಕೊಳ್ಳುವುದಕ್ಕೆ ಹೆಚ್ಚು ಸಮಯವನ್ನು ನೀಡಿದಂತಾಗಿದೆ. ಹೊಸದಾಗಿ ಆಯ್ಕೆ ಮಾಡಿಕೊಳ್ಳುವುದಕ್ಕೆ ಕೇಬಲ್ ಆಪರೇಟರ್ ಮತ್ತು ಡಿಟಿಹೆಚ್ ಆಪರೇಟರ್ ಗಳು ಚಂದಾದಾರರಿಗೆ ಸಹಾಯ ಮಾಡುವುದಕ್ಕೂ ಕೂಡ ಇದು ಅವಕಾಶವನ್ನು ನೀಡಿದಂತಾಗಿದೆ.