4K ರೆಸಲ್ಯೂಶನ್ ಸ್ಕ್ರೀನ್ ಬೆಂಬಲಿಸುವ TCL P715 ಸ್ಮಾರ್ಟ್‌ಟಿವಿ ಬಿಡುಗಡೆ!

ಹೌದು, TCL ಕಂಪೆನಿ ತನ್ನ ಹೊಸ P715 ಸ್ಮಾರ್ಟ್‌ಟಿವಿಯನ್ನು ಬಿಡುಗಡೆ ಮಾಡಿದೆ. ಸದ್ಯ ಈ ಸ್ಮಾರ್ಟ್‌ಟಿವಿ ಮಧ್ಯಮ ಶ್ರೇಣಿಯ ಟಿವಿ ಆಗಿರಲಿದ್ದು ಸದ್ಯ ಭಾರತದಲ್ಲಿ ಬಿಡುಗಡೆ ಮಾಡಲಾಗಿದೆ. ಇನ್ನು ಈ ಶ್ರೇಣಿಯಲ್ಲಿನ ಎಲ್ಲಾ ಮಾದರಿಗಳು 4K ರೆಸಲ್ಯೂಶನ್ ಸ್ಕ್ರೀನ್‌ ಮತ್ತು ಆಂಡ್ರಾಯ್ಡ್ ಟಿವಿ ಸಾಫ್ಟ್‌ವೇರ್ ಅನ್ನು ಹೊಂದಿವೆ. ಇನ್ನು ಈ ಸ್ಮಾರ್ಟ್‌ಟಿವಿ ಸರಣಿಯ ವಿಶೇಷತೆ ಹಾಗೂ ವಿನ್ಯಾಸ ಹೇಗಿದೆ ಅನ್ನೊದನ್ನ ಈ ಲೇಖನದಲ್ಲಿ ತಿಳಿಸಿಕೊಡ್ತೀವಿ ಓದಿರಿ.

ಸದ್ಯ ಬಿಡುಗಡೆ ಆಗಿರುವ ಟಿಸಿಎಲ್‌ ಕಂಪೆನಿಯ 4K ರೆಸಲ್ಯೂಶನ್‌ TCL P715 ಸ್ಮಾರ್ಟ್‌ಟಿವಿ ಕೃತಕ ಬುದ್ಧಿಮತ್ತೆ ಮತ್ತು ದೂರದ ಕ್ಷೇತ್ರ ಧ್ವನಿ ಗುರುತಿಸುವಿಕೆಯನ್ನ ಹೊಂದಿದೆ ಎಂದು ಕಂಪನಿ ಹೇಳಿದೆ. ಇದಲ್ಲದೆ ಈ ಸ್ಮಾರ್ಟ್‌ಟಿವಿಯಲ್ಲಿ ಕೋಣೆಯಾದ್ಯಂತ ಧ್ವನಿ ಆಜ್ಞೆಗಳನ್ನು ತೆಗೆದುಕೊಳ್ಳಲು ನಾಲ್ಕು ಮೈಕ್ರೊಫೋನ್‌ಗಳನ್ನು ಅಳವಡಿಲಸಾಗಿದೆ. ಅಲ್ಲದೆ ರಿಮೋಟ್‌ನಲ್ಲಿ ಯಾವುದೇ ಮಾದರಿಯ ಬಟನ್‌ಗಳನ್ನ ನೀಡಿಲ್ಲ, ಆದರೂ ಸಹ ಇದರ ಮೂಲಕ ವಾಯ್ಸ್‌ ಅನ್ನು ಬಳಸಬಹುದಾಗಿದೆ.

ಇನ್ನು TCLನ ಈ ಸ್ಮಾರ್ಟ್‌ಟಿವಿ ಸಂಪೂರ್ಣ ಶ್ರೇಣಿ 4K ಆಗಿರುತ್ತದೆ ಮತ್ತು ಆಂಡ್ರಾಯ್ಡ್ ಟಿವಿಯ ಆವೃತ್ತಿ 9 ಪೈ ಬೆಂಬಲದೊಂದಿಗೆ ಕಾರ್ಯನಿರ್ವಹಿಸಲಿದೆ. ಅಲ್ಲದೆ ಎಚ್‌ಡಿಆರ್ ಅನ್ನು ಸಹ ಇದು ಬೆಂಬಲಿಸಲಿದೆ ಎಂದು ಸಹ ಹೇಳಲಾಗಿದೆ. ಸದ್ಯ ಲಬ್ಯ ಮಾಹಿತಿಯ ಪ್ರಕಾರ ಡಿಸಿಬಿ ವಿಷನ್ ಎಚ್‌ಡಿಆರ್ ಅನ್ನು ಟಿಸಿಎಲ್ P715 ಸ್ಮಾರ್ಟ್‌ಟಿವಿ ಬೆಂಬಲಿಸಲಿದೆ. ಇನ್ನು ಈ ಸ್ಮಾರ್ಟ್‌ಟಿವಿಯಲ್ಲಿ ಅಪ್ಲಿಕೇಶನ್‌ಗಳು ಮತ್ತು ಗೇಮ್‌ಗಳನ್ನ ಇನ್‌ಸ್ಟಾಲ್‌ ಮಾಡಲು ಆಂಡ್ರಾಯ್ಡ್‌ ಟಿವಿಗಾಗಿ ಗೂಗಲ್‌ ಪ್ಲೇ ಸ್ಟೋರ್‌ ಅನ್ನು ಬೆಂಬಲಿಸಲಾಗುತ್ತದೆ.

ಇದಲ್ಲದೆ ಈ ಸ್ಮಾರ್ಟ್‌ಟಿವಿಯ ಕೆಲವು ಮಾದರಿಗಳು ವೀಡಿಯೊ ಕರೆಗಳಿಗಾಗಿ ಪಾಪ್-ಅಪ್ ಕ್ಯಾಮೆರಾದೊಂದಿಗೆ ಬರಲಿವೆ. ಜೊತೆಗೆ ಟಿಸಿಎಲ್ P715 ಟಿವಿ ಸರಣಿಯಲ್ಲಿ ಡಾಲ್ಬಿ ಅಟ್ಮೋಸ್ ಆಡಿಯೋ ಬೆಂಬಲವೂ ಸಹ ಇದೆ ಎಂದು ಹೇಳಲಾಗುತ್ತದೆ. ಇನ್ನು ಟಿಸಿಎಲ್ ಕಂಪೆನಿಯ ಈ ಸ್ಮಾರ್ಟ್‌ಟಿವಿ ಸರಣಿಯ ಬೆಲೆ 39,990 ರೂ.ಗಳಿಂದ ರೂ. ಪ್ರಾರಂಭವಾಗಲಿದ್ದು, ಟಿವಿ ಗಾತ್ರವನ್ನು ಅವಲಂಬಿಸಿ 99,990 ರೂ,ಗಳ ವರೆಗೆ ಇರಲಿದೆ ಎಂದು ಕಂಪೆನಿ ಹೇಳಿಕೊಂಡಿದೆ.