ಟೆಲಿಗ್ರಾಮ್‌ನಿಂದ ಎರಡು ಹೊಸ ವೆಬ್‌ ಅಪ್ಲಿಕೇಶನ್‌ ಬಿಡುಗಡೆ! ವಿಶೇಷತೆ ಏನು?

ಹೌದು, ಟೆಲಿಗ್ರಾಮ್‌ ಎರಡು ಹೊಸ ವೆಬ್‌ ಅಪ್ಲಿಕೇಶನ್‌ಗಳನ್ನು ಪರಿಚಯಿಸಿದೆ. ಟೆಲಿಗ್ರಾಮ್‌ನ ಈ ವೆಬ್ ಆವೃತ್ತಿಯು ಕೆಲವು ಮೂಲ ಫೀಚರ್ಸ್‌ಗಳನ್ನು ಹೊಂದಿಲ್ಲ. ಇನ್ನು ಈ ಎಲ್ಲಾ ಫೀಚರ್ಸ್‌ಗಳನ್ನು ಹೊಂದಿರುವ ಒಂದು ಅಪ್ಲಿಕೇಶನ್‌ ಪ್ರಾರಂಭಿಸುವ ಬದಲು ಟೆಲಿಗ್ರಾಮ್ ಎರಡು ಪ್ರತ್ಯೇಕ ಅಪ್ಲಿಕೇಶನ್‌ಗಳನ್ನು ಏಕೆ ಪ್ರಾರಂಭಿಸಿತು ಎಂಬುದು ಇನ್ನೂ ಸ್ಪಷ್ಟವಾಗಿಲ್ಲ. ಹಾಗಾದ್ರೆ ಈ ಎರಡೂ ಅಪ್ಲಿಕೇಶನ್‌ಗಳ ವಿಶೇಷತೆ ಏನು ಅನ್ನೊದನ್ನ ಈ ಲೇಖನದಲ್ಲಿ ತಿಳಿಸಿಕೊಡ್ತೀವಿ ಓದಿರಿ.

ಟೆಲಿಗ್ರಾಮ್‌ ಪರಿಚಯಿಸಿರುವ ವೆಬ್‌ K ಮತ್ತು ವೆಬ್‌Z ಎರಡು ಪ್ರತ್ಯೇಕ ಡೆವಲಪರ್‌ಗಳನ್ನು ಹೊಂದಿವೆ. ಆದರೆ ಎರಡೂ ಒಂದೇ ರೀತಿಯಲ್ಲಿ ಕಾರ್ಯನಿರ್ವಹಿಸುತ್ತವೆ. ಆದಾಗ್ಯೂ, ಎರಡು ಅಪ್ಲಿಕೇಶನ್‌ಗಳ ಬಳಕೆದಾರ ಇಂಟರ್ಫೇಸ್‌ನಲ್ಲಿ ಬಹಳ ನಿಮಿಷ ವ್ಯತ್ಯಾಸಗಳನ್ನು ಗಮನಿಸಬಹುದು. ಅಂದರೆ ನೀವು ಅಪ್ಲಿಕೇಶನ್‌ನ ವೆಬ್‌ಕೆ ಆವೃತ್ತಿಯಲ್ಲಿ ಕರೆಗಳನ್ನು ಮ್ಯೂಟ್ ಮಾಡಬಹುದು ಆದರೆ ಮ್ಯೂಟ್ ಬಟನ್ ಇಲ್ಲದ ಕಾರಣ ವೆಬ್‌ Z ಆವೃತ್ತಿಯಲ್ಲಿ ಹಾಗೆ ಮಾಡಲು ಸಾಧ್ಯವಿಲ್ಲ. ವೆಬ್‌ಕೆನಲ್ಲಿ ಸರ್ಚ್‌ ಬಾರ್‌ ಬಿಳಿ ಬಣ್ಣದಲ್ಲಿದ್ದರೆ, ವೆಬ್ Z ಬೂದು ಬಣ್ಣದ ಸರ್ಚ್‌ ಬಾರ್‌ ಅನ್ನು ಹೊಂದಿದೆ.

ಇನ್ನು ಈ ಟೆಲಿಗ್ರಾಮ್‌ನ ವೆಬ್ ಅಪ್ಲಿಕೇಶನ್‌ ವಾಯ್ಸ್‌ ಕಾಲ್‌ ಫೀಚರ್ಸ್‌ ಅನ್ನು ಒಳಗೊಂಡಿಲ್ಲ. ಆದರೆ ಟೆಲಿಗ್ರಾಮ್‌ನ ಪ್ರತಿಸ್ಪರ್ಧಿ ವಾಟ್ಸಾಪ್ ತನ್ನ ವೆಬ್ ಬಳಕೆದಾರರಿಗಾಗಿ ಕೆಲವು ತಿಂಗಳ ಹಿಂದೆ ಈ ಫೀಚರ್ಸ್‌ ಅನ್ನು ಪರಿಚಯಿಸಿದೆ. ಆದರೂ ಟೆಲಿಗ್ರಾಮ್ ಶೀಘ್ರದಲ್ಲೇ ಹೊಸ ಅಪ್ಡೇಟ್‌ ಅನ್ನು ಬಿಡುಗಡೆ ಮಾಡಬಹುದು. ಆದರೆ ಅಲ್ಲಿಯವರೆಗೆ ನೀವು ಟೆಲಿಗ್ರಾಮ್‌ನ ಅಧಿಕೃತ ವೆಬ್‌ಸೈಟ್‌ನಲ್ಲಿ ಪರಿಷ್ಕರಿಸಿದ ವೆಬ್ ಅಪ್ಲಿಕೇಶನ್‌ಗಳನ್ನು ಪರಿಶೀಲಿಸಬಹುದು.

ಇದಲ್ಲದೆ ಟೆಲಿಗ್ರಾಮ್‌ನ ವೆಬ್ ಆವೃತ್ತಿಯು ಕೆಲವು ಮೂಲ ಫೀಚರ್ಸ್‌ಗಳನ್ನು ಹೊಂದಿಲ್ಲ. ಆದರೆ ಟೆಸ್ಟಿಂಗ್ ಕ್ಯಾಟಲಾಗ್ ವರದಿಯು ಟೆಲಿಗ್ರಾಮ್ ಚಾನೆಲ್‌ಗಳಲ್ಲಿ ವಾಯ್ಸ್‌ ಚಾಟ್‌ಗಳನ್ನು ನಿಗದಿಪಡಿಸುವ ಸಾಮರ್ಥ್ಯವನ್ನು ಪರೀಕ್ಷಿಸುತ್ತಿದೆ ಎಂದು ಹೇಳಿದೆ. ಈಗಿನಂತೆ ಈ ಫೀಚರ್ಸ್‌ ಬೀಟಾ ಆವೃತ್ತಿಯಲ್ಲಿ ಲಭ್ಯವಿದೆ, ಆದರೆ ಕಂಪನಿಯು ಶೀಘ್ರದಲ್ಲೇ ಟೆಲಿಗ್ರಾಮ್ v7.7.0 ಅಪ್‌ಡೇಟ್‌ನೊಂದಿಗೆ ಈ ಫೀಚರ್ಸ್‌ ಅನ್ನು ಬಿಡುಗಡೆ ಮಾಡಬಹುದು. ಸದ್ಯ ಟೆಲಿಗ್ರಾಮ್‌ನ ಡೆಸ್ಕ್‌ಟಾಪ್ ಅಪ್ಲಿಕೇಶನ್‌ಗಳು, ವೆಬ್ ಅಪ್ಲಿಕೇಶನ್‌ಗಳು, ಮೊಬೈಲ್ ಅಪ್ಲಿಕೇಶನ್‌ಗಳು ಒಳಗೊಂಡಂತೆ ಟೆಲಿಗ್ರಾಮ್‌ನ ಎಲ್ಲಾ ಆವೃತ್ತಿಗಳಿಗೆ ಲಿಂಕ್‌ಗಳನ್ನು ಸರ್ಚ್‌ ಬಾರ್‌ನಲ್ಲಿ ನೀವು ಕಾಣಬಹುದಾಗಿದೆ.