13 ರ ಹರೆಯದಲ್ಲೇ ವಿಶ್ವವನ್ನು ಮೆಚ್ಚಿಸಿದ ಪೋರನೀತ

ಅತಿ ಸಣ್ಣ ವಯಸ್ಸಿನಲ್ಲಿಯೇ ವ್ಯವಹಾರಸ್ಥರಾಗುವುದು ಸುಲಭದ ಸುದ್ದಿಯಲ್ಲ. ಆದರೆ ಬರೇ 13 ವರ್ಷದ ಶುಭಮ್ ಬ್ಯಾನರ್ಜಿ ಈ ಸಾಧನೆಯನ್ನು ಸಾಧಿಸಿದ್ದಾರೆ.

ಕ್ಯಾಲಿಫೋರ್ನಿಯಾದ ಎಂಟನೇ ತರಗತಿಯ ಈ ಹುಡುಗ ಸ್ಪರ್ಶವನ್ನು ಆಧರಿಸಿದ ಬರೆಯುವ ಸಿಸ್ಟಮ್ ಬ್ರೈಲ್ ಅನ್ನು ಕಣ್ಣುಕಾಣದವರಿಗಾಗಿ ತಯಾರಿಸಿದ್ದಾನೆ. ಕಳೆದ ವರ್ಷವಷ್ಟೇ ಶುಭಮ್ ತನ್ನ ಶಾಲೆಯ ವಿಜ್ಞಾನ ಪ್ರಾಜೆಕ್ಟ್‌ಗಾಗಿ ರೊಬೋಟಿಕ್ಸ್ ಕಿಟ್ ಉಳ್ಳ ಬ್ರೈಲ್ ಪ್ರಿಂಟರ್ ಅನ್ನು ಸಿದ್ಧಪಡಿಸಿದ್ದ. ಆದರೆ ಅದು ತುಂಬಾ ದುಬಾರಿಯಾಗಿತ್ತು.

ಇವನ ಲೆಗೋ ಆಧಾರಿತ ಪ್ರಿಂಟರ್ ಅಸಂಖ್ಯ ಬಹುಮಾನಗಳನ್ನು ಶ್ಲಾಘನೆಯನ್ನು ಪಡೆದುಕೊಂಡ ನಂತರ ಅಂಧ ಸಮುದಾಯದ ಬೆಂಬಲದೊಂದಿಗೆ ಈ ಹೊಸ ಬ್ರೈಲ್ ಮೆಶೀನ್ ಅನ್ನು ತಂದೆಯ ಸಹಾಯದಿಂದ ತಯಾರಿಸಿದ್ದಾನೆ.

ಇಂಟೆಲ್ ಕಾರ್ಪೊರೇಶನ್ ಶುಭಮ್‌ನ ಈ ಯೋಜನೆಗೆ ಕೈಜೋಡಿಸಿದ್ದು ಇನ್ನಷ್ಟು ಸಂಶೋಧನೆಗಳನ್ನು ನಡೆಸಿ ಅತಿ ಸಣ್ಣ ವ್ಯವಹಾರಸ್ಥನನ್ನಾಗಿ ಮಾಡುವಲ್ಲಿ ಬೆನ್ನೆಲುಬಾಗಿ ನಿಂತಿದೆ.