1 ಗಂಟೆ ಸೈಕಲ್ ತುಳಿದರೆ 24 ಗಂಟೆ ವಿದ್ಯುತ್

ಹಳ್ಳಿ ಮನೆಗಳಿಗೆ 24 ಗಂಟೆ ವಿದ್ಯುತ್‌ ನೀಡುವ ಬೈಸಿಕಲ್‌

ಭಾರತೀಯ ಮೂಲದ ಅಮೇರಿಕನ್‌ ಬಿಲಿಯನೇರ್‌ ಮನೋಜ್‌ ಭಾರ್ಗವ ಎಂಬುವವರು ಸ್ಥಿರ ಬೈಸಿಕಲ್ ಅನಾವರಣ ಮಾಡಿದ್ದು, ಇದು ಮನೆಗಳಿಗೆ ವಿದ್ಯುತ್‌ ಅನ್ನು ಒದಗಿಸುತ್ತದೆ.

ಸ್ಥಿರ ಬೈಸಿಕಲ್‌

ಸ್ಥಿರ ಬೈಸಿಕಲ್‌ ಅನ್ನು ತುಳಿಯುವುದರಿಂದ ಜನರೇಟರ್‌ನ ಚಕ್ರಗಳು ತಿರುಗಿ ಜನರೇಟರ್‌ಗೆ ಹೊಂದಿಸಿರುವ ಬ್ಯಾಟರಿ ಚಾರ್ಜ್‌ ಆಗುತ್ತದೆ ಎಂದು ಸ್ಥಿರ ಬೈಸಿಕಲ್‌ ಅನಾವರಣ ಮಾಡಿದ ಮನೋಜ್‌ ಭಾರ್ಗವ್‌ ಹೇಳಿದ್ದಾರೆ.

ಸ್ಥಿರ ಬೈಸಿಕಲ್‌ ಉಪಯೋಗ

ಸ್ಥಿರ ಬೈಸಿಕಲ್‌ ಅನ್ನು ಕೇವಲ ಒಂದು ಗಂಟೆ ಸಮಯ ತುಳಿಯುವುದರಿಂದ ಹಳ್ಳಿಗಳ ಮನೆಗಳು 24 ಗಂಟೆ ಸಮಯ ವಿದ್ಯುತ್‌ ಪಡೆಯಬಹುದಾಗಿದೆ. ಬೆಳಕನ್ನು ಪಡೆಯಲು, ಫ್ಯಾನ್‌ಗಾಗಿ, ಫೋನ್‌ಗಳ ಬ್ಯಾಟರಿ ಚಾರ್ಜ್‌ ಮಾಡಲು ಬಳಸಬಹುದಾಗಿದೆ.

ಸ್ಥಿರ ಬೈಸಿಕಲ್‌ ಬೆಲೆ

ಮನೋಜ್‌ ಭಾರ್ಗವ್ ಇದರ ಬೆಲೆಯನ್ನು ಅಂದಾಜು 12000 ರೂಪಾಯಿಯಿಂದ 15000 ರೂಪಾಯಿ ಆಗಬಹುದು ಎಂದು ಹೇಳಿದ್ದಾರೆ.

ಸ್ಥಿರ ಬೈಸಿಕಲ್‌ ಯಾವಾಗ ಪಡೆಯಬಹುದು

ಸ್ಥಿರ ಬೈಸಿಕಲ್‌ ಅನ್ನು 2016 ಮಾರ್ಚ್‌ನಿಂದ ಕೊಳ್ಳಬಹುದು ಎಂದು ಮನೋಜ್‌ ಹೇಳಿದ್ದಾರೆ.

ಪ್ರಧಾನಿ ನರೇಂದ್ರ ಮೋದಿಯವರೊಂದಿಗೆ ಮನೋಜ್‌ ಮಾತುಕತೆ

ಮನೋಜ್‌ ರವರು ಸರ್ಕಾರಿ ಇಲಾಖೆಗಳೊಂದಿಗೆ ಜತೆಗೂಡಲು ಉತ್ಸಾಹ ಇಲ್ಲಿದಿದ್ದರೂ ಸಹ ನರೇಂದ್ರ ಮೋದಿಯವರೊಂದಿಗೆ ಸ್ಥಿರ ಬೈಸಿಕಲ್‌ ಬಗ್ಗೆ ಮಾತುಕತೆ ನಡೆಸಿದ್ದಾರೆ ಎನ್ನಲಾಗಿದೆ.

ಮನೋಜ್‌ ಭಾರ್ಗವ್‌ ಹೇಳಿದ್ದೇನು

"ನಾನು ಸರ್ಕಾರಿ ಇಲಾಖೆಗಳಿಗೆ ಹೋಗಬಹುದು, ಅಲ್ಲಿನ ಜನರೇನು ಕೆಟ್ಟವರಲ್ಲ. ಆದರೆ ಕಾರ್ಯ ದಕ್ಷತೆಯ ಮೌಲ್ಯ ಶೂನ್ಯ ವಾಗಿರುತ್ತದೆ. ನನಗೆ ಯಾವ ಸರ್ಕಾರಿ ಇಲಾಖೆ ಸಹಾಯ ಮಾಡುತ್ತದೆ ಎಂಬುದನ್ನು ತೀರ್ಮಾನಿಸಲು 6 ತಿಂಗಳು ಸಮಯ ಬೇಕಾಗಿದೆ ಎಂದಿದ್ದಾರೆ".

ಸ್ಥಿರ ಬೈಸಿಕಲ್‌ ಮಾರಾಟ ಎಲ್ಲಿ ?

ಮನೋಜ್‌ ರವರು ಹೇಳಿರುವ ಪ್ರಕಾರ ಸ್ಥಿರ ಬೈಸಿಕಲ್‌ ಅನ್ನು ಉತ್ತರಖಂಡದಲ್ಲಿ ಮೊದಲು ಮಾರಾಟ ಮಾಡುವುದಾಗಿ ಹೇಳಿದ್ದಾರೆ. ನಂತರದಲ್ಲಿ ಕೌಟುಂಬಿಕ ಮಾರುಕಟ್ಟೆಯಲ್ಲಿ ಮಾರುವುದಾಗಿ ಹೇಳಿದ್ದಾರೆ.

ಸ್ಥಿರ ಬೈಸಿಕಲ್‌ ತಯಾರಿಕೆ

ಸ್ಥಿರ ಬೈಸಿಕಲ್‌ ಅನ್ನು ಭಾರತದ ಕೆಲವು ಕೈಗಾರಿಕೆಗಳ ಸೌಲಭ್ಯದಿಂದ ತಯಾರಿಸಲಾಗುವುದು, ಅದೇ ರೀತಿ ಅಮೇರಿಕಾದಲ್ಲೂ ತಯಾರಿಸಲಾಗುವುದು ಎಂದು ಮನೋಜ್‌ ಹೇಳಿದ್ದಾರೆ.

ಸ್ಥಿರ ಬೈಸಿಕಲ್ ಉಪಯೋಗ

ಪ್ರಪಂಚದಾದ್ಯಂತ ವಿದ್ಯುತ್‌ ಕೊರತೆ ಎದುರಿಸುತ್ತಿರುವ ಸುಮಾರು 1.3 ಬಿಲಿಯನ್‌ ಜನರಿಗೆ ಇದು ಉಪಯೋಗವಾಗಲಿದೆ ಎಂದು ಹೇಳಿದ್ದಾರೆ.