ಉಸಿರಾಟ ಮಟ್ಟವನ್ನು ಟ್ರ್ಯಾಕಿಂಗ್‌ ಮಾಡುವ ಅತ್ಯುತ್ತಮ ಸ್ಮಾರ್ಟ್‌ವಾಚ್‌ಗಳು!

ಹೌದು, ಫಿಟ್ನೆಸ್‌ ಆಧಾರಿತ ಸ್ಮಾರ್ಟ್‌ವಾಚ್‌ಗಳು ಹೆಚ್ಚು ಪ್ರಸಿದ್ಧಿಯನ್ನು ಪಡೆದುಕೊಂಡಿವೆ. ಸದ್ಯದ ಪರಿಸ್ಥಿತಿಯಲ್ಲಿ ಉಸಿರಾಟ ಮಟ್ಟವನ್ನು ಕಾಪಾಡಿಕೊಳ್ಳುವುದು ಅತಿ ಅವಶ್ಯಕವಾಗಿದೆ. ಇದೇ ಕಾರಣಕ್ಕೆ ಹೆಚ್ಚಿನ ಜನರು ಉಸಿರಾಟ ಮಟ್ಟವನ್ನು ಅಳೆಯುವ ಸ್ಮಾರ್ಟ್‌ವಾಚ್‌ಗಳ ಕಡೆಗೆ ಹೆಚ್ಚಿನ ಒಲವು ತೋರುತ್ತಿದ್ದಾರೆ. ಮಾರುಕಟ್ಟೆಯಲ್ಲಿ ಉಸಿರಾಟ ಮಟ್ಟ ಅಳೆಯುವ ಹಲವು ಸ್ಮಾರ್ಟ್‌ವಾಚ್‌ಗಳು ಲಭ್ಯವಿವೆ. ಹಾಗಾದ್ರೆ ಉಸಿರಾಟದ ಸೆಷನ್ ಬೆಂಬಲ ಹೊಂದಿರುವ ಸ್ಮಾರ್ಟ್‌ವಾಚ್‌ಗಳಲ್ಲಿ ಅತ್ಯುತ್ತಮ ಸ್ಮಾರ್ಟ್‌ವಾಚ್‌ಗಳ ಬಗ್ಗೆ ಈ ಲೇಖನದಲ್ಲಿ ತಿಳಿಸಿಕೊಡ್ತೀವಿ ಓದಿರಿ.

ಆಪಲ್ ವಾಚ್ ಸರಣಿ 6

ಆಪಲ್ ವಾಚ್ ಸರಣಿ 6 1.78-ಇಂಚಿನ ಡಿಸ್ಪ್ಲೇ ಹೊಂದಿದೆ. ಇದು 40 ಎಂಎಂ ಮತ್ತು 44 ಎಂಎಂ ಹೊಂದಿರುವ ಎರಡು ಗಾತ್ರದ ಪ್ರಕರಣಗಳಲ್ಲಿ ಬರುತ್ತದೆ. ಇದು 5GHz ವೈ-ಫೈ ಹೊಂದಿದ್ದು ಯು1 ಅಲ್ಟ್ರಾ ವೈಡ್‌ಬ್ಯಾಂಡ್ ಚಿಪ್‌ನಲ್ಲಿ ಕಾರ್ಯನಿರ್ವಹಿಸುತ್ತದೆ. ಇನ್ನು ಈ ಸ್ಮಾರ್ಟ್ ವಾಚ್ ಈಜು ನಿರೋಧಕ ವಿನ್ಯಾಸವನ್ನು ಹೊಂದಿದೆ. ಈ ಸ್ಮಾರ್ಟ್‌ವಾಚ್‌ ರನ್ನಿಂಗ್‌, ವಾಕಿಂಗ್, ಸೈಕ್ಲಿಂಗ್, ಯೋಗ, ಈಜು ಮತ್ತು ನೃತ್ಯಕ್ಕಾಗಿ ತಾಲೀಮು ಬೆಂಬಲವನ್ನು ನೀಡುತ್ತದೆ. ಜೊತೆಗೆ ಇದು ಉಸಿರಾಟ ಸಮಸ್ಯೆ, ಒತ್ತಡ ಮತ್ತು ಪ್ಯಾನಿಕ್ ಅಟ್ಯಾಕ್‌ಗಳನ್ನು ಪತ್ತೆ ಮಾಡುವ ಫೀಚರ್ಸ್‌ಗಳನ್ನು ಒಳಗೊಂಡಿದೆ. ಇನ್ನು ಈ ಸ್ಮಾರ್ಟ್‌ವಾಚ್‌ 43,900 ರೂಗಳಲ್ಲಿ ಲಭ್ಯವಿದೆ.

ಫಾಸಿಲ್‌ ಜನ್ 5

ಉಸಿರಾಟ ಮಟ್ಟವನ್ನು ಅಳೆಯುವ ಸ್ಮಾರ್ಟ್‌ವಾಚ್‌ಗಳಲ್ಲಿ ಫಾಸಿಲ್‌ ಜನ್ 5 ಕೂಡ ಅತ್ಯುತ್ತಮ ಆಯ್ಕೆ ಯಾಗಿದೆ. ಇನ್ನು ಈ ಸ್ಮಾರ್ಟ್‌ವಾಚ್‌ ಗೂಗಲ್‌ನ ವೇರ್‌ಓಎಸ್ ಬೆಂಬಲದೊಂದಿಗೆ ಕಾರ್ಯನಿರ್ವಹಿಸಲಿದೆ. ಹೀಗಾಗಿ ಇದು ಮಾರ್ಗದರ್ಶಿ ಉಸಿರಾಟದ ವ್ಯಾಯಾಮವನ್ನು ನೀಡುತ್ತದೆ. ಇದು ಆಂಡ್ರಾಯ್ಡ್ ಮತ್ತು ಐಒಎಸ್ ಎರಡೂ ಸಾಧನಗಳೊಂದಿಗೆ ಹೊಂದಿಕೊಳ್ಳುತ್ತದೆ. ಈ ಸ್ಮಾರ್ಟ್ ವಾಚ್ ಅಂತರ್ನಿರ್ಮಿತ ಜಿಪಿಎಸ್ ಹೊಂದಿದ್ದು, ಈಜು ನಿರೋಧಕ ವಿನ್ಯಾಸವನ್ನು ಹೊಂದಿದೆ. ಇದು ಗೂಗಲ್ ಅಸಿಸ್ಟೆಂಟ್ ಬೆಂಬಲದೊಂದಿಗೆ ಬರುತ್ತದೆ. ಅಲ್ಲದೆ ಹೃದಯ ಬಡಿತ ಟ್ರ್ಯಾಕಿಂಗ್ ನೀಡುತ್ತದೆ. ಇನ್ನು ಈ ಸ್ಮಾರ್ಟ್‌ವಾಚ್‌ 22,995 ರೂಗಳಲ್ಲಿ ಲಭ್ಯವಿದೆ.

ಆಪಲ್ ವಾಚ್ SE

ಆಪಲ್ ವಾಚ್ SE ಸ್ಮಾರ್ಟ್‌ವಾಚ್‌ 40 ಎಂಎಂ ಮತ್ತು 44 ಎಂಎಂ ಗಾತ್ರದ ಎರಡು ಆಯ್ಕೆಗಳಲ್ಲಿ ಬರುತ್ತದೆ . ಇನ್ನು ಸ್ಮಾರ್ಟ್ ವಾಚ್ 64-ಬಿಟ್ ಡ್ಯುಯಲ್ ಕೋರ್ ಎಸ್ 5 ಪ್ರೊಸೆಸರ್ ನಿಂದ ನಿಯಂತ್ರಿಸಲ್ಪಡುತ್ತದೆ. ಇದು ಆಂಟಿ-ಫಾಲ್ ಡಿಟೆಕ್ಷನ್ ನೀಡುತ್ತದೆ. ನಿದ್ರೆಯನ್ನು ಪತ್ತೆಹಚ್ಚಲು, ಉಸಿರಾಟದ ಜ್ಞಾಪನೆಗಳನ್ನು ಹೊಂದಿಸಲು ಮತ್ತು ಹೃದಯ ಬಡಿತವನ್ನು ಮೇಲ್ವಿಚಾರಣೆ ಮಾಡಲು ಈ ಸ್ಮಾರ್ಟ್‌ವಾಚ್‌ ಅನ್ನು ಬಳಸಬಹುದು. ಇದು 32,900 ರೂ.ಗಳಿಗೆ ಲಭ್ಯವಾಗಲಿದೆ.

ಗಾರ್ಮಿನ್ ಫೆನಿಕ್ಸ್ 6 ಪ್ರೊ ಸೋಲಾರ್

ಗಾರ್ಮಿನ್ ಫೆನಿಕ್ಸ್ 6 ಪ್ರೊ ಸೋಲಾರ್ ಸ್ಮಾರ್ಟ್‌ವಾಚ್‌ ಉಸಿರಾಟ ಟ್ರ್ಯಾಕಿಂಗ್‌ ಮಾಡುವ ಸ್ಮಾರ್ಟ್‌ವಾಚ್‌ಗಳಲ್ಲಿ ಒಂದಾಗಿದೆ. ಇನ್ನು ಈ ಸ್ಮಾರ್ಟ್‌ವಾಚ್‌ 280x280 ಪಿಕ್ಸೆಲ್ ಸ್ಕ್ರೀನ್‌ ರೆಸಲ್ಯೂಶನ್ ಸಾಮರ್ಥ್ಯದ 1.0-ಇಂಚಿನ ಹೊಂದಿದೆ. ಇದು 32GB ಇಂಟರ್‌ ಸ್ಟೋರೇಜ್‌ ಅನ್ನು ಹೊಂದಿದೆ ಮತ್ತು 10 ಎಟಿಎಂ ನೀರಿನ ಪ್ರತಿರೋಧವನ್ನು ನೀಡುತ್ತದೆ. ಈ ಸ್ಮಾರ್ಟ್‌ವಾಚ್‌ ಉಸಿರಾಟದ ಟ್ರ್ಯಾಕಿಂಗ್ ಜೊತೆಗೆ, ಅನಿಮೇಟೆಡ್ ಜೀವನಕ್ರಮಗಳು, 24x7 ಹೃದಯ ಬಡಿತ ಮಾನಿಟರಿಂಗ್, ಹೈಡ್ರೇಶನ್ ಟ್ರ್ಯಾಕಿಂಗ್ ಮತ್ತು ಸುಧಾರಿತ ಸ್ಲೀಪ್ ಟ್ರ್ಯಾಕಿಂಗ್‌ನೊಂದಿಗೆ ಬರುತ್ತದೆ. ಇದು 79,990 ರೂಗಳಲ್ಲಿ ಲಭ್ಯವಿದೆ.

ಫಿಟ್‌ಬಿಟ್ ವರ್ಸಾ 3

ಫಿಟ್‌ಬಿಟ್ ವರ್ಸಾ 3 ಸ್ಮಾರ್ಟ್‌ವಾಚ್ ಇಂಟರ್‌ ಬಿಲ್ಟ್‌ ಅಲೆಕ್ಸಾ ಬೆಂಬಲವನ್ನು ಪಡೆದುಕೊಂಡಿದೆ. ಈ ಸ್ಮಾರ್ಟ್‌ವಾಚ್‌ ಕೂಡ ಉಸಿರಾಟ ಟ್ರ್ಯಾಕಿಂಗ್‌ ವ್ಯವಸ್ಥೆಯನ್ನು ಸಹ ಹೊಂದಿದೆ. ಇನ್ನು ಈ ಸ್ಮಾರ್ಟ್‌ವಾಚ್‌ 6 ದಿನಗಳವರೆಗೆ ಬ್ಯಾಟರಿ ಅವಧಿಯನ್ನು ಹೊಂದಿದೆ. ಇದು ಜಿಪಿಎಸ್ ಮತ್ತು 24/7 ಹೃದಯ ಬಡಿತ ಮಾನಿಟರ್‌ನೊಂದಿಗೆ ಸಂಯೋಜಿಸಲ್ಪಟ್ಟಿದೆ. ಅಲ್ಲದೆ ಇಂಟರ್‌ಬಿಲ್ಟ್‌ ಮೈಕ್ ಮತ್ತು ಸ್ಪೀಕರ್ ಬಳಸಿ ಬ್ಲೂಟೂತ್ ಹ್ಯಾಂಡ್ಸ್-ಫ್ರೀ ಕಾಲ್‌ ತೆಗೆದುಕೊಳ್ಳಲು ಈ ಸ್ಮಾರ್ಟ್ ವಾಚ್ ಅನ್ನು ಬಳಸಬಹುದು. ಇನ್ನು ಈ ಸ್ಮಾರ್ಟ್‌ವಾಚ್‌ 18,990 ರೂ.ಗಳಲ್ಲಿ ಲಭ್ಯವಾಗಲಿದೆ.

ಗಾರ್ಮಿನ್ ವಿವೋಸ್ಮಾರ್ಟ್ 4 ಸ್ಮಾರ್ಟ್ ವಾಚ್

ಗಾರ್ಮಿನ್ ವಿವೋಸ್ಮಾರ್ಟ್ 4 ಸ್ಮಾರ್ಟ್ ವಾಚ್ ಕೂಡ ಅತ್ಯುತ್ತಮ ಮಾರ್ಗದರ್ಶಿ ಉಸಿರಾಟ ಮಟ್ಟವನ್ನು ಅಳೆಯುವ ಫೀಚರ್ಸ್‌ ಅನ್ನು ಹೊಂದಿದೆ. ಇದು 48 x 128 ಪಿಕ್ಸೆಲ್ ರೆಸಲ್ಯೂಶನ್ ಹೊಂದಿರುವ ಒಎಲ್ಇಡಿ ಡಿಸ್‌ಪ್ಲೇ ಹೊಂದಿದೆ. ಇನ್ನು ಈ ಸ್ಮಾರ್ಟ್ ವಾಚ್ REM ನಿದ್ರೆಯೊಂದಿಗೆ ಸುಧಾರಿತ ನಿದ್ರೆಯ ಮೇಲ್ವಿಚಾರಣೆಯನ್ನು ಮಾಡಲಿದೆ. ಅಲ್ಲದೆ ಇದು ರಕ್ತದ ಆಮ್ಲಜನಕದ ಶುದ್ಧತ್ವ ಮಟ್ಟವನ್ನು ಸಹ ಪತ್ತೆ ಮಾಡುತ್ತದೆ. ಇದರ ಬೆಲೆ 12,162 ರೂ. ಆಗಿದೆ.

ಅಮಾಜ್‌ಫಿಟ್ ಬಿಪ್ ಯು

ಅಮಾಜ್‌ಫಿಟ್ ಬಿಪ್ ಯು ಸ್ಮಾರ್ಟ್ ವಾಚ್ ಕೂಡ ನಿಮಗೆ ಉತ್ತಮ ಆಯ್ಕೆಯಾಗಲಿದೆ. ಈ ಸ್ಮಾರ್ಟ್‌ವಚ್‌ 1-43 ಇಂಚಿನ ಹೆಚ್‌ಡಿ ಡಿಸ್‌ಪ್ಲೇಯನ್ನು ಹೊಂದಿದೆ. ಇದು 60 ಕ್ಕೂ ಹೆಚ್ಚು ಸ್ಪೋರ್ಟ್ಸ್‌ ವಿಧಾನಗಳೊಂದಿಗೆ ಬರುತ್ತದೆ. ಇದು ಒತ್ತಡವನ್ನು ಮೇಲ್ವಿಚಾರಣೆ ಮಾಡುವ ಹಾಗೂ ಉಸಿರಾಟದ ತರಬೇತಿಯನ್ನೂ ಸಹ ನೀಡುತ್ತದೆ. ಹೃದಯ ಬಡಿತದ ಮೇಲ್ವಿಚಾರಣೆ, ಸ್ಲೀಪ್ ಟ್ರ್ಯಾಕಿಂಗ್ ಮತ್ತು ಕರೆ ಅಧಿಸೂಚನೆಗಳು ಫೀಚರ್ಸ್‌ಗಳನ್ನು ಒಳಗೊಂಡಿದೆ. ಈ ಸ್ಮಾರ್ಟ್‌ವಾಚ್‌ ಬೆಲೆ 3,999 ರೂ.ಆಗಿದೆ.

ಸ್ಯಾಮ್‌ಸಂಗ್ ಗ್ಯಾಲಕ್ಸಿ ವಾಚ್ ಆಕ್ಟಿವ್ 2

ಸ್ಯಾಮ್‌ಸಂಗ್ ಗ್ಯಾಲಕ್ಸಿ ವಾಚ್ ಆಕ್ಟಿವ್ 2 ಸ್ಮಾರ್ಟ್‌ವಾಚ್‌ ನಾಲ್ಕು ಹಂತದ ಸ್ಲೀಪ್ ಟ್ರ್ಯಾಕಿಂಗ್ ನೀಡುತ್ತದೆ. ಈ ಸ್ಮಾರ್ಟ್ ವಾಚ್ 360x360 ಪಿಕ್ಸೆಲ್ ರೆಸಲ್ಯೂಶನ್ ಹೊಂದಿರುವ 1.4-ಇಂಚಿನ ಡಿಸ್‌ಪ್ಲೇ ಹೊಂದಿದೆ. ಇದು ಹೃದಯ ಬಡಿತ ಟ್ರ್ಯಾಕಿಂಗ್ ಅನ್ನು ಸಹ ಒಳಗೊಂಡಿದೆ. ಇದು ಆಂಡ್ರಾಯ್ಡ್ 5.0 ಅಥವಾ ಹೆಚ್ಚಿನದನ್ನು ಮತ್ತು ಐಒಎಸ್ 9 ಅಥವಾ ಹೆಚ್ಚಿನದನ್ನು ಚಾಲನೆ ಮಾಡುವ ಡಿವೈಸ್‌ಗಳೊಂದಿಗೆ ಹೊಂದಿಕೊಳ್ಳುತ್ತದೆ. ಈ ಸ್ಮಾರ್ಟ್‌ವಾಚ್‌ 20,840 ರೂ.ಗಳಲ್ಲಿ ಲಭ್ಯವಾಗಲಿದೆ.