ಅಂಡ್ರಾಯ್ಡ್ 10: ಇದರಲ್ಲಿರುವ ಟಾಪ್ 10 ಫೀಚರ್ಸ್ ಯಾವುದು ಗೊತ್ತಾ ?

ಹಿಂಬದಿ ಬಟನ್ ಇರುವುದಿಲ್ಲ

10ನೇ ಆವೃತ್ತಿಯಲ್ಲಿ ಕಂಪ್ಯೂಟರ್‌ನಲ್ಲಿ ಬ್ಯಾಕ್‌ಸ್ಪೇಸ್‌ ಬಟನ್ ರೀತಿ ಕಾರ್ಯಾಚರಿಸುತ್ತಿದ್ದ ಹಿಂಬರುವ ಬಟನ್ ಇರುವುದಿಲ್ಲ. ಅಂದರೆ, ನೀವು ಆಪ್‌ಗಳನ್ನು ನೋಡುತ್ತಾ ಹಿಂದೆ ಬರಲು ಇದ್ದ ಬಾಣದ ಗುರುತು ಇನ್ನು ಇರುವುದಿಲ್ಲ. ಅದರ ಬದಲು ಗೆಸರ್ ಆಧಾರಿತ ನ್ಯಾವಿಗೇಷನ್ ಆಯ್ಕೆ ಇರಲಿದೆ. ಅಂದರೆ, ನಿಮ್ಮ ಬೆರಳಿನ ಚಲನೆಗೆ ತಕ್ಕಂತೆ ನಿರ್ದೇಶನಗಳು ನೀಡಲ್ಪಡುತ್ತವೆ.

ಲೊಕೇಶನ್ ಅನುಮತಿ

ಇಂದಿನ ಬಹುತೇಕ ಆಪ್ಗಳು ಲೊಕೇಶನ್ ಎನೆಬಲ್ ಮಾಡುವಂತೆ ಕೇಳುತ್ತವೆ. ಇಂತಹ ಸಮಯದಲ್ಲಿ ಲೊಕೇಶನ್ ಟ್ರ್ಯಾಕ್ ಆಗಿ ಖಾಸಗಿ ಮಾಹಿತಿ ಸೋರಿಕೆಯಾಗುವ ಅಪಾಯ ಹೆಚ್ಚು. ಆದರೆ, ಆಂಡ್ರಾಯ್ಡ್ 10 ಓಎಸ್ ಬಳಕೆದಾರರಿಗೆ ಲೊಕೇಶನ್ ಕಂಟ್ರೋಲ್ ಮಾಡುವ ಹೆಚ್ಚಿನ ಅವಕಾಶಗಳನ್ನು ಒದಗಿಸಲಿದೆ. ಆಪ್ ಬಳಸದಿದ್ದಾಗ ಲೊಕೇಶನ್ ಅನ್ನು ಟ್ರ್ಯಾಕ್ ಆಗುವುದಿಲ್ಲ.

ಸುಧಾರಿತ ಪ್ರೈವೆಸಿ ಸೆಟ್ಟಿಂಗ್

ಬರಲಿರುವ ಹೊಸ ಆಂಡ್ರಾಯ್ಡ್‌ 10 ಓಎಸ್‌ ಪ್ರೈವೆಸಿ ಸೆಟ್ಟಿಂಗ್ ಆಯ್ಕೆಗಳಲ್ಲಿ ಹೆಚ್ಚಿನ ಭದ್ರತೆಯ ಅಂಶಗಳನ್ನು ಹೊಂದಿರಲಿದೆ. ಬಳಕೆದಾರರ ಮಾಹಿತಿ ಸುರಕ್ಷತೆ ಒತ್ತು ನೀಡುವ ಸಲುವಾಗಿ ಅನಗತ್ಯವಾಗಿ ಲೊಕೇಶನ್ ಮತ್ತು ಗ್ಯಾಲರಿಗಳ ಆಕ್ಸ್‌ಸ್‌ಗಳಿಗೆ ತಡೆತರುವ ಕೆಲಸ ಮಾಡಲಿದೆ. ವಿಳಾಸದ ಬಗ್ಗೆ ಗೌಪ್ಯತೆ ಕಾಯ್ದುಕೊಳ್ಳುವಂತಹ ಸುಧಾರಿತ ಆಯ್ಕೆಗಳು ಇರಲಿವೆ ಎನ್ನಲಾಗಿದೆ.

ವಿಶೇಷ ಆಡಿಯೋ ಫೀಚರ್

ಆಂಡ್ರಾಯ್ಡ್ 10 ಓಎಸ್ ನಲ್ಲಿ ಒಂದೇ ವೇಳೆಗೆ ಆಡಿಯೋ ಕೇಳುವ ಮತ್ತು ಆಡಿಯೋ ರೆಕಾರ್ಡ್ ಮಾಡಬಹುದಾದ ಆಯ್ಕೆ ಇರಲಿದೆ ಎಂದು ತಿಳಿದುಬಮದಿದೆ. ವಾಯ್ಸ್ ರೆಕಾರ್ಡಿಂಗ್ ಮತ್ತು ಗೂಗಲ್ ವಾಯ್ಸ್ ಅಸಿಸ್ಟೆಂಟ್ ಅನ್ನು ಒಟ್ಟಿಗೆ ಬಳಸಬಹುದಾದ ಆಯ್ಕೆ ಇರಲಿದೆ. ಇದರಿಂದ ಒಂದೇ ಫೋನಿನಲ್ಲಿ ಸರಾಗವಾಗಿ ಹಲವು ಕೆಲಸಗಳು ಆಯಲಿವೆ ಎಂದು ನಾವು ಹೇಳಬಹುದು..

ಶೇರ್‌ಗೆ ಶಾರ್ಟ್‌ಕಟ್‌

ಆಂಡ್ರಾಯ್ಡ್ 10ನಲ್ಲಿ ಶೇರ್‌ ಮಾಡಲು ಸರಳ ಶಾರ್ಟ್‌ಕಟ್‌ ಮಾರ್ಗಗಳು ಇರಲಿವೆ. ಯಾವುದೇ ಮಾಹಿತಿಯನ್ನು ಇತರರಿಗೆ ಶೇರ್‌ ಮಾಡಲು ಇಂದು ಆಪ್‌ನಲ್ಲಿ ಸೇಲೆಕ್ಟ್ ಮಾಡಿಕೊಂಡು ಇನ್ನೊಂದು ಆಪ್‌ಗೆ ಹೋಗಿ ಶೇರ್‌ ಮಾಡುವ ಅಗತ್ಯ ಇರುವುದಿಲ್ಲ. ಬದಲಿಗೆ ಸೆಲೆಕ್ಟ್ ಮಾಡಿರುವ ಅಲ್ಲಿಯೇ ಹಂಚಿಗೆಯ ಆಯ್ಕೆ ನೀಡಲಾಗಿರುತ್ತದೆ, ನೇರವಾಗಿ ಶೇರ್‌ ಮಾಡಬಹುದಾಗಿದೆ.

ಫೋಲ್ಡೇಬಲ್ ಸಪೋರ್ಟ್

ಫೋಲ್ಡೇಬಲ್ ಸ್ಮಾರ್ಟ್‌ಫೋನ್‌ಗಳು ಮಾರುಕಟ್ಟೆಗೆ ಲಗ್ಗೆ ಇಡುತ್ತಿರುವುದನ್ನು ಅರಿತಿರುವ ಗೂಗಲ್ ತನ್ನ ಆಂಡ್ರಾಯ್ಡ್ 10 ಫೋಲ್ಡೇಬಲ್ ಫೋನ್‌ಗಳಿಗೆ ಸಪೋರ್ಟ್ ನೀಡುವಂತೆ ರಚಿಸಿದೆ. Onresume ಮತ್ತು onPause ನಂತಹ ಆಯ್ಕೆಗಳ ಇರಲಿದ್ದು, ಮಲ್ಟಿ ಆಪ್‌ ಬಳಕೆ ಸುಲಭವಾಗಿರುತ್ತದೆ ಮತ್ತು ಆಪ್‌ಗಳ ರೀಸೈಜ್ ಮಾಡಿಕೊಳ್ಳುವ ಆಯ್ಕೆ ಸಹ ಇರಲಿದೆ ಎನ್ನಲಾಗಿದೆ.

ಡಾರ್ಕ್ ಮೋಡ್‌

ಆಂಡ್ರಾಯ್ಡ್ 10 ಗ್ರಾಹಕರ ಬಹುನಿರೀಕ್ಷಿತ ಡಾಕರ್ ಮೋಡ್‌ ಫೀಚರ್ಸ್ ಹೊತ್ತು ತರಲಿದೆ. ರಾತ್ರಿ ವೇಳೆ ಫೋನಿನ ಬೆಳಕಿನ ಪ್ರಖರತೆಯನ್ನು ತಗ್ಗಿಸಿ ಬ್ಯಾಟರಿ ಬಾಳಿಕೆಯನ್ನು ಉಳಿಸಲು ಈ ಫೀಚರ್ಸ್ ಉಪಯುಕ್ತವಾಗಿದೆ ಈ ಡಾರ್ಕ್‌ ಮೋಡ್‌ ಆಯ್ಕೆಯನ್ನು ಪಡೆದುಕೊಳ್ಳಲು ಫೋನಿನ ಸೆಟ್ಟಿಂಗ್‌ನಲ್ಲಿ ನೇರವಾಗಿ ಆಯ್ಕೆ ನೀಡಬಹುದು ಅಥವಾ ಪರ್ಯಾಯ ದಾರಿ ನೀಡಬಹುದು.

ಬಬಲ್ಸ್ ನೋಟಿಫಿಕೇಶನ್

ಸ್ಮಾರ್ಟ್‌ಫೋನ್‌ಗಳಿಗೆ ಬರುವ ನೋಟಿಫಿಕೇಶನ್ ಗಳ ಕಿರಿಕಿರಿ ತಪ್ಪಿಸುವ ಉದ್ದೇಶದಿಂದ ಬಬಲ್ಸ್ ನೋಟಿಫೀಕೇಶನನ್ನು ಪರಿಚಯಿಸಲಾಗಿದೆ ಎಂದು ತಿಳಿದುಬಂದಿದೆ. ಇದರಲ್ಲಿ ಮಲ್ಟಿ ಟಾಸ್ಕ್‌ಗಳ ನಡುವೆಯೂ ಕೂಡ ನೋಟಿಫಿಕೇಶನನ್ನು ನೋಡುವ ಆಯ್ಕೆ ಇರಲಿದೆ. ಅದರ ಜೊತೆಗೆ ನೋಟಿಫಿಕೇಶನನ್ನು ಆಫ್ ಮಾಡುವ ಸ್ವತಂತ್ರ್ಯವೂ ಇನ್ನು ಬಳಕೆದಾರರಿಗೆ ಸಿಗಲಿದೆ.

QR ಕೋಡ್ ಮತ್ತು WIFI

ಪ್ರಸ್ತುತ ಸ್ಮಾರ್ಟ್ ಫೋನ್‌ಗಳಲ್ಲಿ WIFI ಕನೆಕ್ಟ್ ಮಾಡಿಕೊಳ್ಳಬೇಕಿದ್ದರೆ ಪಾಸ್‌ವರ್ಡ್ ಆಗತ್ಯವಾಗಿ ಬೇಕಿದೆ. ಆದರೆ, ಹೊಸ ಆಂಡ್ರಾಯ್ಡ್ 10 ಓಎಸ್ ನಲ್ಲಿ ಪಾಸ್‌ವರ್ಡ್ ಬದಲು QR ಕೋಡ್ ಕಾಣಿಸಿಕೊಳ್ಳಲಿದೆ. ಇದನ್ನು ಸ್ಕ್ಯಾನ್ ಮಾಡಿ ಸುಲಭವಾಗಿ ವೈಫೈ ಕನೆಕ್ಟ್ ಮಾಡಿಕೊಳ್ಳಬಹುದು. ಇದರಿಂದ ಪಾಸ್‌ವರ್ಡ್‌ ಅನ್ನು ನೆನಪಿಟ್ಟುಕೊಳ್ಳುವ ಅಗತ್ಯ ಇರುವುದಿಲ್ಲ ಎಂದು ಹೇಳಬಹುದು.

ಮೊಬೈಲ್‌ ಥೀಮ್‌

ಆಂಡ್ರಾಯ್ಡ್ 10 ಹೊಸ ಆವೃತ್ತಿಯ ಇನ್ನೊಂದು ಹೊಸ ಬದಲಾವಣೆ ಎಂದರೆ ಮೊಬೈಲ್‌ನ ಥೀಮ್‌ ಗಾಢ ಬಣ್ಣದಲ್ಲಿರುತ್ತದೆ ಎನ್ನಲಾಗಿದೆ. ಎಡದಿಂದ ಬಲಕ್ಕೆ ಮೊಬೈಲ್ ಅನ್ನು ಅಲುಗಾಡಿಸಿದರೆ ಮೊಬೈಲ್‌ನ ಥೀಮ್‌ ಬದಲಾಗಲಿದೆ ಎಂದು ಹೇಳಲಾಗಿದೆ. ಹೊಸ ಆವೃತ್ತಿ ಬಂದಾಗಲಷ್ಟೇ ಹೆಚ್ಚಿನ ಮಾಹಿತಿ ತಿಳಿಯಲಿದೆ. ಆದರೆ, ಸಾಕಷ್ಟು ಬದಲಾವಣೆಗಳು ಮಾತ್ರ ಈಗ ಖಾತ್ರಿಯಾಗಿವೆ.