ಜಿಯೋಗಾಗಿ ಬದಲಾಗುತ್ತಿದೆಯೇ ಮತ್ತೊಂದು ಟೆಲಿಕಾಂ ನಿಯಮ!!..ಬದಲಾದರೆ ಗ್ರಾಹಕರಿಗೆ ಹಬ್ಬ!!

ಏನಿದು ಮೊಬೈಲ್ ನಂಬರ್ ಪೋರ್ಟೆಬಲಿಟಿ!!

ಸಿಂಪಲ್ ಆಗಿ ಹೇಳಬೇಕೆಂದರೆ ಹಳೆಯ ಮೊಬೈಲ್ ನಂಬರ್ ಉಳಿಸಿಕೊಂಡು ಹೊಸ ಮೊಬೈಲ್ ಕಂಪನಿಯ ಸೇವೆಯನ್ನು ಪಡೆಯುವುದು. ಅಂದರೆ ಈಗಿನ ಕಂಪನಿ ನೀಡುತ್ತಿರುವ ಸೇವೆ ನಿಮಗೆ ಇಷ್ಟವಾಗದೇ ಇದ್ದರೆ ಅದೇ ನಂಬರ್ ನ ಬೇರೊಂದು ಕಂಪನಿಯ ಸಿಮ್ ಅನ್ನು ನೀವು ಖರೀದಿಸಬಹುದು.!!

ಪೋರ್ಟ್ ದರ ತೆಗೆದುಹಾಕಲಾಗುವುದೇ?

ಮೊಬೈಲ್ ನಂಬರ್ ಪೋರ್ಟೆಬಲಿಟಿ ಸೇವಾ ಶುಲ್ಕವನ್ನು ಕೆಲವೇ ದಿನಗಳ ಹಿಂದಷ್ಟೆ 19 ರೂಪಾಯಿಗಳಿಂದ 4 ರೂಪಾಯಿಗಳಿಗೆ ಕಡಿತಗೊಳಿಸಲಾಗಿತ್ತು. ಮೊಬೈಲ್ ನಂಬರ್ ಪೋರ್ಟೆಬಲಿಟಿ ಸೇವಾ ಶುಲ್ಕ ಗಣನೀಯವಾಗಿ ಕಡಿಮೆ ಇದ್ದಾಗ ಮೊಬೈಲ್ ನಂಬರ್ ಪೋರ್ಟೆಬಲಿಟಿ ಟ್ರಾಫಿಕ್ ಪ್ರಮಾಣ ಹೆಚ್ಚುತ್ತಿದೆ ಎಂದು ಟೆಲಿಕಾಂ ನಿಯಂತ್ರಣ ಪ್ರಾಧಿಕಾರ (ಟ್ರಾಯ್) ಹೇಳಿದೆ.!!

ಟೆಲಿಕಾಂ ಕಂಪೆನಿಗಳು ಆಕ್ಷೇಪಣೆ !!

MNP ಸೇವಾ ಶುಲ್ಕಗಳು ಕಡಿಮೆಯಾದಾಗಲೇ ಸಿಡಿಮಿಡಿಗೊಂಡಿದ್ದ ಕೆಲವು ಟೆಲಿಕಾಂ ಕಂಪೆನಿಗಳು ಮೊಬೈಲ್ ನಂಬರ್ ಪೋರ್ಟೆಬಲಿಟಿ ಸೇವಾ ಶುಲ್ಕ ತೆಗೆದುಹಾಕುವುದನ್ನು ತಡೆಯಲು ಭಾರಿ ಪ್ರಯತ್ನ ನಡೆಸುತ್ತವೆ.ಗ್ರಾಹಕರು ಒಮ್ಮೆಲೆ ಮತ್ತೊಂದು ಕಂಪೆನಿಗೆ ಜಾರಿ ಹೋಗುವ ಭಯ ಟೆಲಿಕಾಂ ಕಂಪೆನಿಗಳಿಗೆ ಕಾಡುತ್ತಿದೆ.!!

Jio Fi ಬಳಸಿ 2G ಮತ್ತು 3G ಗ್ರಾಹಕರು ಕಾಲ್ ಮಾಡುವುದು ಹೇಗೆ?

ಜಿಯೋಗೆ ಭಾರಿ ಲಾಭ?

MNP ಸೇವಾ ಶುಲ್ಕವನ್ನು ಕಡಿಮೆಗೊಳಿಸುವ ಟ್ರಾಯ್ ನಿರ್ಧಾರದಿಂದ ಜಿಯೋಗೆ ಹೆಚ್ಚು ಲಾಭವಾಗಲಿದೆ ಎನ್ನಲಾಗಿದೆ. ಜಿಯೋ ಹೆಚ್ಚು ಗ್ರಾಹಕರನ್ನು ಸೆಳೆಯಲು ಈ ನಿರ್ಧಾರ ಸಹಕಾರಿಯಾಗುತ್ತದೆ. ಹಾಗೂ ಇತರೆ ಟೆಲಿಕಾಂ ಕಂಪೆನಿಗಳಿಗೆ ಪಾವತಿಸಬೇಕಾದ ಮೊತ್ತ ಪೂರ್ತಿಯಾಗಿ ನಿಂತುಹೋಗಲಿದೆ.!!

ಮತ್ತಷ್ಟು ಕಡಿಮೆ ಬೆಲೆಗೆ ಜಿಯೋ ಸೇವೆ!!

ಒಂದು ವೇಳೆ ಮೊಬೈಲ್ ನಂಬರ್ ಪೋರ್ಟೆಬಲಿಟಿ (MNP)ಯ ಶುಲ್ಕವನ್ನು ಸಂಪೂರ್ಣವಾಗಿ ತೆಗೆದುಹಾಕಿದರೆ ಜಿಯೋ ಮತ್ತಷ್ಟು ಕಡಿಮೆ ಬೆಲೆಗೆ ಆಫರ್‌ಗಳನ್ನು ಬಿಡುಗಡೆ ಮಾಡುವ ನಿರೀಕ್ಷೆಯಿದೆ. ಒಂದು ವೇಳೆ MNP ಸೇವೆ ಉಚಿತವಾದರೆ ಪೋರ್ಟ್ ಆದ ಗ್ರಾಹಕರಿಗೆ ಭಾರೀ ಆಫರ್‌ಗಳನ್ನು ಜಿಯೋ ನೀಡಬಹುದಾಗಿದೆ.!!