ಒಂದೇ ಒಂದು ಸಂದೇಶಕ್ಕೆ ಬೆಚ್ಚಿಬಿದ್ದರು 'ಟ್ರೂ ಕಾಲರ್' ಬಳಕೆದಾರರು!

|

ಸದಾ ಒಂದಿಲ್ಲೊಂದು ವಿವಾದಕ್ಕೆ ತುತ್ತಾಗುತ್ತಲೇ ಇರುವ 'ಟ್ರೂ ಕಾಲರ್' ಆಪ್ ಬಳಕೆದಾರರು ಇದೀಗ ಮತ್ತೊಮ್ಮೆ ಬೆಚ್ಚಿಬಿದ್ದಿದ್ದಾರೆ. ಟ್ರೂ ಕಾಲರ್ ಬಳಕೆದಾರರ ಬಳಿ ಐಸಿಐಸಿಐ ಬ್ಯಾಂಕ್ ಖಾತೆ ಇಲ್ಲದಿದ್ದರೂ ಕೂಡ ಹಲವಾರು ಬಳಕೆದಾರರಿಗೆ ಯುಪಿಐ ನೋಂದಾವಣೆಯನ್ನು ಸ್ವಯಂಚಾಲಿತವಾಗಿ ಆರಂಭಿಸಿ ಟ್ರೂ ಕಾಲರ್ ಭಾರೀ ಆಕ್ರೋಶಕ್ಕೆ ಕಾರಣವಾಗಿದೆ. ಟ್ರೂ ಕಾಲರ್ ಇತ್ತೀಚೆಗೆ 10.41.6.ಅಪ್‌ಡೇಟ್ ಅನ್ನು ಬಿಡುಗಡೆ ಮಾಡಿತ್ತು. ಆ ಬಳಿಕ ಈ ಆಘಾತಕಾರಿ ಸಮಸ್ಯೆ ಎದುರಾಗಿದೆ ಎಂದು ಹೇಳಲಾಗಿದೆ.

ಒಂದೇ ಒಂದು ಸಂದೇಶಕ್ಕೆ ಬೆಚ್ಚಿಬಿದ್ದರು 'ಟ್ರೂ ಕಾಲರ್' ಬಳಕೆದಾರರು!

ಹೌದು, ಬೆಳಗ್ಗೆ ಎದ್ದು ಫೋನ್ ತೆರೆದಾಕ್ಷಣ ಅಚ್ಚರಿ ಕಾದಿತ್ತು. ಐಸಿಐಸಿಐ ಬ್ಯಾಂಕಿನಿಂದ ಯೂನಿಫೈಡ್ ಪೇಮೆಂಟ್ ಇಂಟರ್ಫೇಸ್ (UPI) ಸೇವೆಗೆ ನೋಂದಾಯಿಸಿದೆ ಎಂಬ ಸಂದೇಶ ಬಂದಿತ್ತು ಎಂದು ಹಲವು ಟ್ರೂ ಕಾಲರ್ ಬಳಕೆದಾರರು ದೂರಿದ್ದಾರೆ. ಧೀರಜ್ ಕುಮಾರ್ ಎಂಬುವವರು ಹೇಳುವಂತೆ, ಬೆಳ್ಳಂಬೆಳಗ್ಗೆ ಐಸಿಐಸಿಐ ಬ್ಯಾಂಕಿನಿಂದ, ನಿಮ್ಮ ಯುಪಿಐ ಖಾತೆ ತೆರೆಯಲಾಗಿದೆ ಎಂಬ ಸಂದೇಶ ಬಂದಾಗ ಧೀರಜ್ ಬೆಚ್ಚಿಬಿದ್ದರು. ವಿಚಿತ್ರವೆಂದರೆ, ಧೀರಜ್ ತಾವು ಐಸಿಐಸಿಐ ಬ್ಯಾಂಕಿನಲ್ಲಿ ಖಾತೆಯನ್ನೇ ಹೊಂದಿಲ್ಲ ಎಂದಿದ್ದಾರೆ.

ಇಂತಹ ಸಂದೇಶವನ್ನು ನೋಡಿದ ಬಹುತೇಕ ಟ್ರೂ ಕಾಲರ್ ಬಳಕೆದಾರರು ತಮ್ಮ ಬ್ಯಾಂಕ್ ಖಾತೆಯ ಗೌಪ್ಯತೆ ಬಯಲಾಗಿರಬಹುದು ಎಂದು ಹೆದರಿದ್ದಾರೆ. ನನ್ನ ಖಾತೆ ಹ್ಯಾಕ್ ಆಗಿರಬಹುದು, ಇದರಿಂದ ನನ್ನ ಬ್ಯಾಂಕ್ ಖಾತೆಯಿಂದ ಹಣ ಕಳೆದುಹೋಗಬಹುದು ಎಂಬ ಆತಂಕದಲ್ಲಿ ಹಲವು ಬಳಕೆದಾರರು ತಮ್ಮ ಬ್ಯಾಂಕ್ ಗ್ರಾಹಕ ಸೇವಾ ಕೇಂದ್ರವನ್ನು ಸಂಪರ್ಕಿಸಿ ಘಟನೆ ಬಗ್ಗೆ ವಿವರಿಸಿದ್ದಾರೆ. ಇನ್ನು ಕೆಲ ಬಳಕೆದಾರರು ಭಾರತೀಯ ರಾಷ್ಟ್ರೀಯ ಪಾವತಿ ನಿಗಮಕ್ಕೆ (ಎನ್‌ಪಿಸಿಐ) ಈ ಬಗ್ಗೆ ದೂರು ಸಲ್ಲಿಸಿದ್ದಾರೆ.

ಒಂದೇ ಒಂದು ಸಂದೇಶಕ್ಕೆ ಬೆಚ್ಚಿಬಿದ್ದರು 'ಟ್ರೂ ಕಾಲರ್' ಬಳಕೆದಾರರು!

ಈ ಸುದ್ದಿ ಜಾಲತಾಣಗಳಲ್ಲಿ ವೈರಲ್ ಆದ ನಂತರ ಟ್ರೂಕಾಲರ್ ಪ್ರತಿಕ್ರಿಯೆ ನೀಡಿದೆ. ಇದೊಂದು ತಾಂತ್ರಿಕ ದೋಷ (ಬಗ್) ಎಂದು ಹೇಳಿರುವ ಸಂಸ್ಥೆ, ಆಪ್‌ಗೆ ಮಾಡಲಾಗಿರುವ ಹೊಸ ಅಪ್‌ಡೇಟ್‌ನಲ್ಲಿ ಈ ಬಗ್ ಸೇರಿಕೊಂಡಿದೆ ಎಂದು ಹೇಳಿದೆ. ಈ ದೋಷವನ್ನು ಕೂಡಲೇ ಸರಿಪಡಿಸುವುದಾಗಿ ಭರವಸೆ ನೀಡುವ ಮೂಲಕ ತನ್ನ ಬಳಕೆದಾರ ಅನುಮಾನಕ್ಕೆ ಫುಲ್‌ಸ್ಟಾಪ್ ಇಡಲು ಮುಂದಾಗಿದೆ. ಆದರೆ, ಟ್ರೂ ಕಾಲರ್ ಮಾತನ್ನ ನಂಬದ ಹಲವರು ಇದನ್ನು ಯುಪಿಐ ಸ್ಕ್ಯಾಮ್ ಎಂದು ಕರೆದಿದ್ದಾರೆ.

ಜಿಮೇಲ್‌ನಲ್ಲಿರುವ ತಲೆತಿರುಗಿಸುವ 8 ವಿಶೇಷ ಫೀಚರ್ಸ್!ಜಿಮೇಲ್‌ನಲ್ಲಿರುವ ತಲೆತಿರುಗಿಸುವ 8 ವಿಶೇಷ ಫೀಚರ್ಸ್!

ಈ ಬಗ್ಗೆ ಸಾಕಷ್ಟು ಮಂದಿ ಟ್ವಿಟರ್, ಫೇಸ್‌ಬುಕ್‌ನಲ್ಲಿ ಆಕ್ರೋಶ ಹೊರಗೆಡವಿದ್ದು, ಇದನ್ನು ಒಂದು ಎಡವಟ್ಟು ಎನ್ನಲು ಸಾಧ್ಯವಿಲ್ಲ. ಇದು ಬೇಕೆಂದೆ ಆಗಿರಬೇಕು. ಟ್ರೂ ಕಾಲರ್ ಐಸಿಐಸಿಐ ಬ್ಯಾಂಕ್ ಪಾಲುದಾರಿಕೆಯೊಂದಿಗೆ ಯುಪಿಐ ಐಡಿ ರಚಿಸಿ, ಯಾವುದೇ ಯುಪಿಐ ಐಡಿ ಅಥವಾ ಭೀಮ್ ಆಪ್ ಮೂಲಕ ನೋಂದಾಯಿಸಲಾದ ಮೊಬೈಲ್ ನಂಬರ್‌ಗೆ ಹಣ ಕಳುಹಿಸಲು ತನ್ನ ಬಳಕೆದಾರರಿಗೆ ಅನುವು ಮಾಡಿಕೊಟ್ಟಿದೆ. ಇದರ ಜನಪ್ರಿಯತೆಗಾಗಿ ಇಂತಹ ಗೇಮ್ ಆಡಿದೆ ಎಂದು ಸಹ ದೂರಲಾಗಿದೆ.

Best Mobiles in India

English summary
Truecaller automatically signs up people for UPI account, people call it a scam and fear for their money. to know more visit to kannada.gizbot.com

ಉತ್ತಮ ಫೋನ್‌ಗಳು

ತಾಜಾ ಸುದ್ದಿ ತಕ್ಷಣ ಪಡೆಯಿರಿ
Enable
x
Notification Settings X
Time Settings
Done
Clear Notification X
Do you want to clear all the notifications from your inbox?
Settings X