Aadhaar ಬಿಗ್ ಅಪ್‌ಡೇಟ್: ಇನ್ನು ಮನೆಯಲ್ಲೇ ಫೋನ್ ನಂಬರ್‌ ಬದಲಾಯಿಸಿ!

ಭಾರತದ ವಿಶಿಷ್ಟ ಗುರುತಿನ ಪ್ರಾಧಿಕಾರವು (UIDAI) ಇತ್ತೀಚಿಗಷ್ಟೇ ಪರಿಚಯಿಸಿದ್ದ ಹೊಸ Aadhaar ಅಪ್ಲಿಕೇಶನ್‌ಗೆ ಮತ್ತೊಂದು ಮಹತ್ವದ ವೈಶಿಷ್ಟ್ಯವನ್ನು ಸೇರಿಸುತ್ತಿದೆ. ಕಳೆದ ನವೆಂಬರ್ 9 ರಂದು Android ಮತ್ತು iOS ಪ್ಲಾಟ್‌ಫಾರ್ಮ್‌ಗಳಲ್ಲಿ ಬಿಡುಗಡೆಯಾದ ಹೊಸ Aadhaar ಅಪ್ ಈಗ ಬಳಕೆದಾರರಿಗೆ ಮನೆಬಿಟ್ಟು ಹೊರಗೆ ಹೋಗದೇ Aadhaar ಗೆ ಲಿಂಕ್ ಆಗಿರುವ ಫೋನ್ ನಂಬರ್ ಅಪ್‌ಡೇಟ್ ಮಾಡುವ ಅವಕಾಶ ನೀಡಲಿದೆ. ಇದರಿಂದ ಸಾವಿರಾರು ಜನರು ಸೇವಾ ಕೇಂದ್ರಗಳಿಗೆ ಹೋಗುವ ತೊಂದರೆಯನ್ನು ತಪ್ಪಿಸಿಕೊಳ್ಳಬಹುದು. ಹಾಗಾದರೆ, ಏನಿದು ಬಿಗ್‌ ಅಪ್‌ಡೇಟ್ ಎಂಬುದನ್ನು ನೋಡೋಣ ಬನ್ನಿ.

Aadhaar ಅಪ್‌ನಲ್ಲಿ ಹೊಸ ಮೊಬೈಲ್ ನಂಬರ್ ಅಪ್‌ಡೇಟ್: ಏನು ಬದಲಾಗುತ್ತಿದೆ?
UIDAI ತನ್ನ ಅಧಿಕೃತ X (ಹಿಂದಿನ ಟ್ವಿಟರ್) ಹ್ಯಾಂಡಲ್‌ನಲ್ಲಿ ಘೋಷಿಸಿದಂತೆ, ಹೊಸ ಅಪ್‌ಡೇಟ್ ಲಭ್ಯವಾದ ನಂತರ Aadhaar ಕಾರ್ಡ್‌ಗೆ ಲಿಂಕ್ ಆಗಿರುವ ಮೊಬೈಲ್ ನಂಬರನ್ನು OTP ದೃಢೀಕರಣ ಮತ್ತು Face Authentication ಮೂಲಕ ಬದಲಾಯಿಸಬಹುದು. ಈ ವಿಧಾನವು ಹೆಚ್ಚು ಸುರಕ್ಷಿತವಾಗಿದ್ದು, ಸಂಪೂರ್ಣ ಪ್ರಕ್ರಿಯೆ ಕೆಲವೇ ನಿಮಿಷಗಳಲ್ಲಿ ಪೂರ್ಣಗೊಳ್ಳುತ್ತದೆ ಎಂದು ತಿಳಿಸಿದೆ. ಈ ವೈಶಿಷ್ಟ್ಯವು ಈಗಾಗಲೇ ಬಿಡುಗಡೆಗೊಂಡಿರುವ ಹೊಸ Aadhaar ಅಪ್‌ಗೆ ಬಂದಿರುವ ಮೊದಲ ದೊಡ್ಡ ಅಪ್‌ಡೇಟ್ ಎಂಬುದು ಗಮನಾರ್ಹವಾಗಿದ್ದು, UIDAI ಆರಂಭಿಕ ಬಳಕೆದಾರರಿಂದ ಆಪ್‌ ಬಗ್ಗೆ ಅಭಿಪ್ರಾಯ ಹಂಚಿಕೊಳ್ಳಲು [email protected] ಮೂಲಕ ಆಹ್ವಾನಿಸಿದೆ.

ಹೊಸ Aadhaar ಅಪ್: ಈಗಿರುವ ಉತ್ತಮ ವೈಶಿಷ್ಟ್ಯಗಳು ಯಾವುದು?
ಹೊಸ ಅಪ್ಲಿಕೇಶನ್ ಈಗಾಗಲೇ ಹಲವು ಉಪಯುಕ್ತ ಫೀಚರ್‌ಗಳನ್ನು ಹೊಂದಿದೆ:

• ಒಂದೇ ಮೊಬೈಲ್ ಸಂಖ್ಯೆಯಿಂದ ಐದು Aadhaar ಪ್ರೊಫೈಲ್‌ಗಳವರೆಗೆ ಸೇರಿಸಬಹುದು
• ಡೇಟಾ ರಕ್ಷಣೆಗೆ ಬಯೋಮೆಟ್ರಿಕ್ ಲಾಕ್
• QR ಕೋಡ್ ಹಂಚಿಕೆ, ಸ್ಕ್ಯಾನ್ ಮತ್ತು ಪರಿಶೀಲನೆ
• ಡಿಜಿಟಲ್ Aadhaar ಕಾರ್ಡ್ ವೀಕ್ಷಣೆ ಮತ್ತು ಮಾಸ್ಕಿಂಗ್ ಆಯ್ಕೆಗಳು

ಈ ಎಲ್ಲ ಸೌಲಭ್ಯಗಳಿಂದ ಹೊಸ Aadhaar ಅಪ್ ಹಳೆಯ mAadhaar ಅಪ್‌ಗಿಂತ ಹೆಚ್ಚು ಸುಧಾರಿತವಾಗಿದ್ದರೂ, UIDAI ಹೇಳಿಕೆಯ ಪ್ರಕಾರ mAadhaar ಅನ್ನು ಈಗಾಗಲೇ ಸಂಪೂರ್ಣವಾಗಿ ಬದಲಾಯಿಸಲು ಇದು ಉದ್ದೇಶಿಸಿಲ್ಲ.

ಹೊಸ Aadhaar ಅಪ್‌ನ್ನು ಬಳಸಲು ಸರಳ ಮಾರ್ಗದರ್ಶಿ
ಹೊಸ ಆಧಾರ್ ಬಳಸಲು ಈ ಕ್ರಮ ಅನುಸರಿಸಿ:

• Play Store ಅಥವಾ App Store ನಿಂದ "Aadhaar" ಅಪ್ ಡೌನ್‌ಲೋಡ್ ಮಾಡಿ
• ನಿಮ್ಮ ಇಷ್ಟದ ಭಾಷೆ ಆಯ್ಕೆ ಮಾಡಿ
• 12 ಅಂಕೆಯ Aadhaar ಸಂಖ್ಯೆಯನ್ನು ನಮೂದಿಸಿ
• Aadhaar-ನೋಂದಾಯಿತ ಮೊಬೈಲ್ ಸಂಖ್ಯೆಯಿಂದ SMS ಕಳುಹಿಸಲು ಅನುಮತಿ ನೀಡಿ
• OTP ನಮೂದಿಸಿದ ನಂತರ Face Authentication ಮಾಡಿ
• ಕೊನೆಯಲ್ಲಿ ಆರು ಅಂಕೆಯ ಪಾಸ್‌ವರ್ಡ್ ರಚಿಸಿ

ಇದಾದ ನಂತರ ನಿಮ್ಮ ಡಿಜಿಟಲ್ Aadhaar ಕಾರ್ಡ್ ಆಪ್‌ನಲ್ಲಿ ಕಾಣಿಸುತ್ತದೆ. ಬಯಸಿದರೆ ಅದನ್ನು ಮಾಸ್ಕ್ ಮಾಡಬಹುದು, ಶೇರ್ ಮಾಡಬಹುದು ಅಥವಾ ಬಯೋಮೆಟ್ರಿಕ್ ಲಾಕ್ ಹಾಕಬಹುದು.

ಒಟ್ಟಾರೆ ಸಾರಾಂಶವಾಗಿ, ಈಗ ನೀವು ನಿಮ್ಮ ಆಧಾರ್ ಕಾರ್ಡ್‌ನ್ನು ಸಂಪೂರ್ಣ ಕಾಗದರಹಿತವಾಗಿ ಎಲ್ಲೆಡೆ ಬಳಸಬಹುದು! UIDAI ಬಿಡುಗಡೆ ಮಾಡಿದ ಈ ಹೊಸ ಆಧಾರ್ ಆಪ್‌ ಭಾರತದ ಡಿಜಿಟಲ್ ಭದ್ರತಾ ಯುಗಕ್ಕೆ ನೂತನ ಬಾಗಿಲು ತೆರೆದಂತಾಗಿದೆ. ನಿಮ್ಮ ವೈಯಕ್ತಿಕ ಮಾಹಿತಿಯು ಈಗ ಸಂಪೂರ್ಣವಾಗಿ ನಿಮ್ಮ ನಿಯಂತ್ರಣದಲ್ಲಿದ್ದು, ಎಲ್ಲ ಸೇವೆಗಳೂ ಕಾಗದರಹಿತವಾಗುತ್ತಿವೆ. ನಿಜಕ್ಕೂ ಇದು ಆಧುನಿಕತೆಗೆ ಹೊಸ ಸ್ಪರ್ಶ ನೀಡುವ ಮಹತ್ತರ ಹೆಜ್ಜೆ ಎನ್ನಬಹುದು.! ಈ ಕುರಿತ ಸಂಪೂರ್ಣ ಮಾಹಿತಿಯನ್ನು ತಿಳಿಯಲು ಇಲ್ಲಿ ಕ್ಲಿಕ್ ಮಾಡಿ.