ಭಾರತದಲ್ಲಿ ಎರಡು ಹೊಸ ಲ್ಯಾಪ್‌ಟಾಪ್‌ ಅನಾವರಣ ಮಾಡಿದ ವಯೋ ಸಂಸ್ಥೆ!

ಹೌದು, ವಯೋ ಸಂಸ್ಥೆ ಭಾರತದ ಮಾರುಕಟ್ಟೆಯಲ್ಲಿ ಎರಡೂ ಹೊಸ ಲ್ಯಾಪ್‌ಟಾಪ್‌ಗಳನ್ನು ಪರಿಚಯಿಸಿದೆ. ಈ ಎರಡು ಲ್ಯಾಪ್‌ಟಾಪ್‌ಗಳು ಫುಲ್‌-ಹೆಚ್‌ಡಿ IPS ಡಿಸ್‌ಪ್ಲೇಯನ್ನು ಹೊಂದಿವೆ. ಅಲ್ಲದೆ ಮೈಕ್ರೋಸಾಫ್ಟ್ ಆಫೀಸ್ 365 ನೊಂದಿಗೆ ಸಂಯೋಜಿಸಲ್ಪಟ್ಟಿವೆ. ಜೊತೆಗೆ ವಿಂಡೋಸ್ 10 ಹೋಮ್-ಆಧಾರಿತ ಲ್ಯಾಪ್‌ಟಾಪ್‌ಗಳು ಡಾಲ್ಬಿ ಆಡಿಯೋ ಮತ್ತು ಸ್ಮಾರ್ಟ್ ಆಂಪ್ಲಿಫೈಯರ್ ಜೊತೆಗೆ ಉನ್ನತ-ಫೈರಿಂಗ್ ಸ್ಪೀಕರ್‌ಗಳನ್ನು ಸಹ ಹೊಂದಿವೆ. ಸದ್ಯ ವಯೋ ಕಾರ್ಪೊರೇಶನ್‌ನೊಂದಿಗಿನ ಪರವಾನಗಿ ಒಪ್ಪಂದದಡಿಯಲ್ಲಿ ವಾಯೋ ಬ್ರಾಂಡ್ ಅನ್ನು ಮತ್ತೆ ಭಾರತೀಯ ಮಾರುಕಟ್ಟೆಗೆ ತಂದಿದೆ. ಇನ್ನುಳಿದಂತೆ ಈ ಲ್ಯಾಪ್‌ಟಾಪ್‌ಗಳ ವಿಶೇಷತೆ ಏನು ಅನ್ನೊದನ್ನ ಈ ಲೇಖನದಲ್ಲಿ ತಿಳಿಸಿಕೊಡ್ತಿವಿ ಓದಿರಿ.

ವಾಯೋ E15 ಲ್ಯಾಪ್‌ಟಾಪ್‌

ವಯೋ E15 ಲ್ಯಾಪ್‌ಟಾಪ್ 15.6-ಇಂಚಿನ ಫುಲ್‌-ಹೆಚ್‌ಡಿ ಐಪಿಎಸ್ ಡಿಸ್‌ಪ್ಲೇಯನ್ನು ಹೊ0ದಿದೆ. ಇದು AMD ರೈಜೆನ್ 5 ಅಥವಾ AMD ರೈಜೆನ್ 7 ಮೊಬೈಲ್ ಪ್ರೊಸೆಸರ್ ಜೊತೆಗೆ ರೇಡಿಯನ್ ವೆಗಾ 8 ಅಥವಾ ರೇಡಿಯನ್ ಆರ್ಎಕ್ಸ್ ವೆಗಾ 10 ಗ್ರಾಫಿಕ್ಸ್ ಹೊಂದಿದೆ. ಈ ಲ್ಯಾಪ್‌ಟಾಪ್ 4GB RAM ಮತ್ತು 512GB ಇಂಟರ್‌ ಸ್ಟೋರೇಜ್‌ ಅನ್ನು ಸಹ ಹೊಂದಿದೆ. ಇನ್ನು ಕನೆಕ್ಟಿವಿಟಿ ಆಯ್ಕೆಗಳಲ್ಲಿ ವೈ-ಫೈ, ಬ್ಲೂಟೂತ್, ಎರಡು ಯುಎಸ್‌ಬಿ 3.0 ಪೋರ್ಟ್‌ಗಳು, ಮೈಕ್ರೋ-ಎಚ್‌ಡಿಎಂಐ, ಮತ್ತು ಪವರ್ ಡೆಲಿವರಿ (ಪಿಡಿ) 3.0 ಚಾರ್ಜಿಂಗ್ ಬೆಂಬಲದೊಂದಿಗೆ ಯುಎಸ್‌ಬಿ ಟೈಪ್-ಸಿ ಪೋರ್ಟ್ ಸೇರಿವೆ. ಈ ಲ್ಯಾಪ್‌ಟಾಪ್ ಬ್ಯಾಕ್‌ಲಿಟ್ ಕೀಬೋರ್ಡ್ ಮತ್ತು ಡ್ಯುಯಲ್ ಸ್ಪೀಕರ್‌ಗಳನ್ನು ಸಹ ಒಳಗೊಂಡಿದೆ.

ವಯೋ SE14 ಲ್ಯಾಪ್‌ಟಾಪ್‌

ವಯೋ SE14 ಆಂಟಿ-ಗ್ಲೇರ್ ಲೇಪನದೊಂದಿಗೆ 14 ಇಂಚಿನ ಫುಲ್‌-ಹೆಚ್‌ಡಿ ಐಪಿಎಸ್ ಡಿಸ್‌ಪ್ಲೇಯನ್ನು ಹೊಂದಿದೆ. ಇದು ಸ್ಪಿಲ್ ಪ್ರತಿರೋಧದ ಜೊತೆಗೆ ಐಚ್ಛಿಕ ಬ್ಯಾಕ್‌ಲಿಟ್ ಬೆಂಬಲವನ್ನು ಹೊಂದಿದೆ. ದ್ವೀಪ-ಶೈಲಿಯ ಕೀಬೋರ್ಡ್ ಅನ್ನು ಸಹ ಒಳಗೊಂಡಿದೆ. ಈ ಲ್ಯಾಪ್‌ಟಾಪ್ ಇಂಟೆಲ್ ಕೋರ್ ಐ 5 ಪ್ರೊಸೆಸರ್ ಹೊಂದಿದ್ದು, 8GB RAM ಮತ್ತು 512GB ಇಂಟರ್‌ ಸ್ಟೋರೇಜ್‌ ಅನ್ನು ಸಹ ಹೊಂದಿದೆ. ಇದು ನಾಲ್ಕು ಸ್ಪೀಕರ್ ವಿನ್ಯಾಸವನ್ನು ನೀಡುತ್ತದೆ, ಇದರಲ್ಲಿ ಎರಡು ಉನ್ನತ-ಫೈರಿಂಗ್ ಸ್ಪೀಕರ್‌ಗಳು ಮತ್ತು ಎರಡು ಡೌನ್-ಫೈರಿಂಗ್ ಸ್ಪೀಕರ್‌ಗಳಿವೆ. ಇನ್ನು ವಿನ್ಯಾಸದ ವಿಷಯದಲ್ಲಿ, ವಯೋ SE14 ಎರ್ಗೊ ಲಿಫ್ಟ್ ಹಿಂಜ್‌ನೊಂದಿಗೆ ಬರುತ್ತದೆ, ಇದು ಆದರ್ಶ ಟೈಪಿಂಗ್ ಕೋನವನ್ನು ಒದಗಿಸಲು ತೆರೆದಾಗ ಲ್ಯಾಪ್‌ಟಾಪ್ ಅನ್ನು ಹೆಚ್ಚಿಸುತ್ತದೆ.

ಬೆಲೆ ಮತ್ತು ಲಭ್ಯತೆ

ಭಾರತದಲ್ಲಿ ವಯೋ E15 ಬೆಲೆ ರೂ. 66,990, ಮತ್ತು ಲ್ಯಾಪ್‌ಟಾಪ್ ಇಂಕ್ ಬ್ಲ್ಯಾಕ್ ಮತ್ತು ಟಿನ್ ಸಿಲ್ವರ್ ಬಣ್ಣದ ಆಯ್ಕೆಗಳಲ್ಲಿ ಬರುತ್ತದೆ. ಮತ್ತೊಂದೆಡೆ, ವಯೋ SE14 ಲ್ಯಾಪ್‌ಟಾಪ್‌ ಆರಂಭಿಕ ಬೆಲೆಯನ್ನು ರೂ. 84,690 ಮತ್ತು ಡಾರ್ಕ್ ಗ್ರೇ ಮತ್ತು ರೆಡ್ ಕೂಪರ್ ಬಣ್ಣಗಳನ್ನು ಹೊಂದಿದೆ. ಈ ಎರಡೂ ಲ್ಯಾಪ್‌ಟಾಪ್‌ಗಳು ಫ್ಲಿಪ್‌ಕಾರ್ಟ್ ಮೂಲಕ ಮಾರಾಟವಾಗುತ್ತವೆ ಮತ್ತು ಪ್ರಸ್ತುತ ಪ್ರೀ-ಆರ್ಡರ್‌ಗಳಿಗಾಗಿ ಲಭ್ಯವಿದೆ.