Vi ಆಪ್‌ನಲ್ಲಿ ಬಂಪರ್ ಆಫರ್: ₹859ಕ್ಕೆ ಸಿಗಲಿದೆ 180 ದಿನಗಳ ವ್ಯಾಲಿಡಿಟಿ!

ವೊಡಾಫೋನ್ ಐಡಿಯಾ (Vi) ಗ್ರಾಹಕರಿಗೆ ಮತ್ತೆ ಬಂಪರ್ ಆಫರ್ ಸಿಕ್ಕಿದೆ! ಇಂದು, ಅಕ್ಟೋಬರ್ 6ರಂದು Vi ಆಪ್‌ನಲ್ಲಿ ಕೆಲ ಯೂಸರ್ಸ್‌ಗೆ ₹859 ಪ್ರಿಪೇಯ್ಡ್ ಪ್ಲಾನ್‌ ಜೊತೆಗೆ 180 ದಿನಗಳ 'ಎಕ್ಸ್‌ಟ್ರಾ ವ್ಯಾಲಿಡಿಟಿ' ಸಿಗುತ್ತಿರುವುದು ಕಂಡುಬಂದಿದೆ. ಸಾಮಾನ್ಯವಾಗಿ Vi ಆಪ್‌ನ Recharge ವಿಭಾಗದ Today’s Offer ಅಥವಾ Recommended ಆಪ್ಷನ್‌ನಲ್ಲಿ ಇದು ಲಭ್ಯವಿರುತ್ತದೆ. ಆದರೆ ಹಣ ಪಾವತಿಸುವ ಮುನ್ನ ಪೇಮೆಂಟ್ ಸ್ಕ್ರೀನ್‌ನಲ್ಲಿ "Validity: 180 days" ಎಂದು ತೋರಿಸುತ್ತಿದೆಯೇ ಎಂಬುದನ್ನು ಖಚಿತಪಡಿಸಿಕೊಳ್ಳುವುದು ಮುಖ್ಯ. ಏಕೆಂದರೆ ಈ ಆಫರ್ ಆಯ್ದ ಬಳಕೆದಾರರಿಗೆ ಮಾತ್ರ ಲಭ್ಯವಿದ್ದು, ಪ್ರತಿಯೊಬ್ಬರಿಗೂ ಸಿಗುತ್ತದೆ ಎಂದು ಹೇಳಲಾಗುವುದಿಲ್ಲ.

ಈ ಆಫರ್ ನಿರ್ದಿಷ್ಟ ಬಳಕೆದಾರರಿಗೆ (Segment-wise) ಮಾತ್ರ ನೀಡಲಾಗುತ್ತಿದೆ. ಅಂದರೆ, ಹೊಸದಾಗಿ Viಗೆ ಪೋರ್ಟ್ ಆಗಿರುವ ಅಥವಾ ಹೊಸ ನಂಬರ್ ಪಡೆದ ಕೆಲ ಯೂಸರ್ಸ್‌ಗೆ ಇದು ಕಾಣಿಸುತ್ತಿದ್ದು, ಇತರರಿಗೆ ಸಿಗದೇ ಇರಬಹುದು. ಪ್ಲಾನ್ ಕಾರ್ಡ್‌ನಲ್ಲಿ ಕೆಂಪು ಬಣ್ಣದ "Extra Validity" ಟ್ಯಾಗ್ ಇದೆಯೇ ಎಂದು ಪರಿಶೀಲಿಸಿ ಹಾಗೂ ಪೇಮೆಂಟ್ ಪೇಜ್‌ನಲ್ಲಿ 180 ದಿನಗಳ ವ್ಯಾಲಿಡಿಟಿ ತೋರಿಸುತ್ತಿದೆಯೇ ಎಂದು ಮರುಖಚಿತಪಡಿಸಿಕೊಳ್ಳಿ. ಒಂದು ವೇಳೆ ಪೇಮೆಂಟ್ ಪೇಜ್‌ನಲ್ಲಿ ಈ ಟ್ಯಾಗ್ ಮಾಯವಾದರೆ ರೀಚಾರ್ಜ್ ಮಾಡಬೇಡಿ. ಈ ಆಫರ್ ನಿಮ್ಮ ಸೇವಾ ವ್ಯಾಲಿಡಿಟಿ ದಿನಗಳನ್ನು ಹೆಚ್ಚಿಸುತ್ತದೆಯೇ ಹೊರತು, ಬೇಸಿಕ್ ಬೆನಿಫಿಟ್‌ಗಳು ನಿಮ್ಮ ಸರ್ಕಲ್‌ಗೆ ತಕ್ಕಂತೆ ಇರಲಿವೆ.

Vi ₹859 ಪ್ಲಾನ್‌ನ 180 ದಿನಗಳ ವ್ಯಾಲಿಡಿಟಿ ಆಫರ್ ಪಡೆಯುವುದು ಹೇಗೆ?

ಮೊದಲಿಗೆ Vi ಆಪ್ ಓಪನ್ ಮಾಡಿ, Recharge ಸೆಕ್ಷನ್‌ಗೆ ಹೋಗಿ Today’s Offer ಅಥವಾ Recommended ಪರಿಶೀಲಿಸಿ. ಪ್ಲಾನ್ ಕಾರ್ಡ್ ಹಾಗೂ ಪೇಮೆಂಟ್ ಸ್ಕ್ರೀನ್‌ನಲ್ಲಿ 180 ದಿನ ತೋರಿಸುವಾಗ ಸ್ಕ್ರೀನ್‌ಶಾಟ್ ತೆಗೆದುಕೊಂಡಿರುವುದು ಒಳ್ಳೆಯದು. ರೀಚಾರ್ಜ್ ಪೂರ್ಣಗೊಂಡ ನಂತರ Recharge and more → History ಗೆ ಹೋಗಿ ಇನ್‌ವಾಯ್ಸ್ ಅಥವಾ ರಶೀದಿಯನ್ನು ಡೌನ್‌ಲೋಡ್ ಮಾಡಿಕೊಳ್ಳಿ. ಒಂದು ವೇಳೆ ಖಾತೆಯಿಂದ ಹಣ ಕಡಿತಗೊಂಡು, ಆಫರ್ ಬೆನಿಫಿಟ್ ಸಿಗಲಿಲ್ಲ ಎಂದರೆ Vi ಆಪ್‌ನಲ್ಲಿ ರಿಫಂಡ್ ಕೋರಿ NEFT ರಿಫಂಡ್ ಪ್ರಕ್ರಿಯೆ ಮೂಲಕ ಹಣ ಹಿಂಪಡೆಯಬಹುದು.

Vi ₹859 (180 ದಿನಗಳ ವ್ಯಾಲಿಡಿಟಿ) ರೀಚಾರ್ಜ್ ಮಾಡುವಾಗ ನೆನಪಿರಲಿ ಈ ವಿಷಯಗಳು

ಬಳಕೆದಾರರ ವರದಿಗಳ ಪ್ರಕಾರ ಇದು ಎರಡು ರೀತಿಯಲ್ಲಿ ಕೆಲಸ ಮಾಡುತ್ತದೆ. ನಿಮ್ಮಲ್ಲಿ ಈಗಾಗಲೇ ಚಾಲ್ತಿಯಲ್ಲಿರುವ ಪ್ಲಾನ್‌ನಂತೆಯೇ ಸೇಮ್ ಬೆನಿಫಿಟ್ ಹೊಂದಿರುವ ಪ್ಲಾನ್ ರೀಚಾರ್ಜ್ ಮಾಡಿದರೆ, ಅದು ಕ್ಯೂನಲ್ಲಿ (Queue) ಇರುತ್ತದೆ. ವಿಭಿನ್ನ ಬೆನಿಫಿಟ್‌ಗಳಿದ್ದರೆ ತಕ್ಷಣವೇ ಆಕ್ಟಿವೇಟ್ ಆಗಬಹುದು. ನಿಮ್ಮ ಪ್ರೈಮರಿ ಸಿಮ್‌ನಲ್ಲಿ ಪ್ಲಾನ್ ಚಾಲ್ತಿಯಲ್ಲಿದ್ದರೆ, ರಿಸ್ಕ್ ತಪ್ಪಿಸಲು ಸೆಕೆಂಡರಿ ಸಿಮ್‌ನಲ್ಲಿ ಈ ಆಫರ್ ಟ್ರೈ ಮಾಡುವುದು ಸೂಕ್ತ. ಇನ್ನು ಹೊಸದಾಗಿ ಪೋರ್ಟ್ ಆದವರು ಮೊದಲ ರೀಚಾರ್ಜ್ (FRC) ಸರಿಯಾಗಿ ಮಾಡಿದ್ದೀರಾ ಎಂದು ನೋಡಿಕೊಳ್ಳಿ, ಇಲ್ಲದಿದ್ದರೆ ಆಕ್ಟಿವೇಷನ್ ವಿಫಲವಾಗಿ ರಿಫಂಡ್ ಪಡೆಯಬೇಕಾಗಬಹುದು.

Vi ₹859 (180 ದಿನಗಳು) ಆಫರ್: ಜಿಯೋ, ಏರ್‌ಟೆಲ್, ಬಿಎಸ್‌ಎನ್‌ಎಲ್‌ಗೆ ಹೋಲಿಸಿದರೆ ಎಷ್ಟು ಬೆಸ್ಟ್?

ಒಂದು ವೇಳೆ ನಿಮಗೂ ಇಂದು Vi ಆಪ್‌ನಲ್ಲಿ ಈ 'Extra Validity' ಟ್ಯಾಗ್ ಕಾಣಿಸಿದರೆ, ದಿನದ ವೆಚ್ಚ ಕೇವಲ ₹4.77 ಆಗಲಿದೆ! ಇದು ಜಿಯೋ (ಸುಮಾರು ₹10.2), ಏರ್‌ಟೆಲ್ (ಸುಮಾರು ₹10.7) ಮತ್ತು ಬಿಎಸ್‌ಎನ್‌ಎಲ್ (ಸುಮಾರು ₹6.6) ಪ್ಲಾನ್‌ಗಳಿಗೆ ಹೋಲಿಸಿದರೆ ಅತ್ಯಂತ ಅಗ್ಗವಾಗಿದೆ. ₹1,000 ಒಳಗೆ ಧೀರ್ಘಾವಧಿ ವ್ಯಾಲಿಡಿಟಿ ಬಯಸುವ ಅರ್ಹ ಬಳಕೆದಾರರಿಗೆ ಇದಕ್ಕಿಂತ ಅತ್ಯುತ್ತಮ ಡೀಲ್ ಮತ್ತೊಂದಿಲ್ಲ. ಆದರೆ ಹಣ ಪಾವತಿಸುವ ಮುನ್ನ ನಿಮ್ಮ ಸರ್ಕಲ್‌ನ ಬೆನಿಫಿಟ್‌ಗಳನ್ನು ಖಚಿತಪಡಿಸಿಕೊಂಡು ರೀಚಾರ್ಜ್ ಮಾಡಿ.