ಉಚಿತ ರೀಚಾರ್ಜ್‌ ಪ್ಯಾಕ್‌ ಘೋಷಣೆ ಮಾಡಿದ ವೋಡಾಫೋನ್‌ ಐಡಿಯಾ!

ಹೌದು, ವೋಡಾಫೋನ್‌ ಐಡಿಯಾ ತನ್ನ ಚಂದಾದಾರರಲ್ಲಿ ಕಡಿಮೆ ಆದಾಯ ಹೊಂದಿರುವ ಗ್ರಾಹಕರಿಗೆ ವಿಶೇಷ ಕೋವಿಡ್‌ -19 ಪರಿಹಾರ ಕೊಡುಗೆಗಳನ್ನು ಘೋಷಿಸಿದೆ. ಕಡಿಮೆ ಆದಾಯದ ಗ್ರಾಹಕರಿಗೆ ಒಂದು ಬಾರಿ ಕೊಡುಗೆಯಾಗಿ 49 ರೀಚಾರ್ಜ್ ಪ್ಯಾಕ್ ಅನ್ನು ಉಚಿತವಾಗಿ ನೀಡಿದೆ. ಅಲ್ಲದೆ 79 ರೀಚಾರ್ಜ್‌ನ ಹೊಸ ಕಾಂಬೊ ಚೀಟಿಯನ್ನು ಸಹ ಬಿಡುಗಡೆ ಮಾಡಿದೆ. ಹಾಗಾದ್ರೆ ವೋಡಾಫೋನ್‌ ಐಡಿಯಾದ ಈ ಉಡುಗೊರೆಯ ವಿಶೇಷತೆ ಏನು ಈ ಲೇಖನದಲ್ಲಿ ತಿಳಿಸಿಕೊಡ್ತೀವಿ ಮುಂದೆ ಓದಿರಿ.

ವಿ(vi) 49ರೂ.ರೀಚಾರ್ಜ್‌ ಪ್ಯಾಕ್‌

ಲಾಕ್‌ಡೌನ್‌ನಿಂದಾಗಿ ಹಣಕಾಸಿನ ತೊಂದರೆಗಳನ್ನು ಎದುರಿಸುತ್ತಿರುವ ಗ್ರಾಹಕರಿಗೆ ಈ ಯೋಜನೆ ಅನ್ವಯವಾಗಲಿದೆ. ವಿ ಒಂದು ಬಾರಿ ಕೊಡುಗೆಯಾಗಿ 49ರೂ.ಗಳ ರೀಚಾರ್ಜ್ ಪ್ಯಾಕ್ ಉಚಿತವಾಗಿ ನೀಡಲಿದೆ. ಈ ಪ್ಲ್ಯಾನ್‌ 38ರೂ. ಟಾಕ್‌ಟೈಮ್, 300ಎಂಬಿ ಡೇಟಾ ಸೌಲಭ್ಯವನ್ನು ಪಡೆದಿದ್ದು, ಒಟ್ಟು 28 ದಿನಗಳ ಮಾನ್ಯತೆಯನ್ನು ಹೊಂದಿದೆ. ಸ್ಥಳೀಯ / ರಾಷ್ಟ್ರೀಯ ಕರೆಗಳಿಗೆ ಸೆಕೆಂಡಿಗೆ 0.25 ರೂ. ಶುಲ್ಕವನ್ನು ವಿಧಿಸಲಾಗಿದೆ. ಅಲ್ಲದೆ Vi ಒಂದು ಅಪ್ಲಿಕೇಶನ್ / ವೆಬ್ ರೀಚಾರ್ಜ್ ಎಕ್ಸ್‌ಕ್ಲೂಸಿವ್ ಆಫರ್ ಅನ್ನು ಸಹ ಹೊಂದಿದೆ, ಇದು ಈ ಯೋಜನೆಗೆ ಹೆಚ್ಚುವರಿ 200MB ಅನ್ನು ಸೇರಿಸುತ್ತದೆ.

ವಿ(vi)79ರೂ ಕಾಂಬೊ ರೀಚಾರ್ಜ್ ಪ್ಯಾಕ್‌

ವೋಡಾಫೊನ್‌ ಐಡಿಯಾದ 79ರೂ.ಗಳ ಕಾಂಬೊ ರೀಚಾರ್ಜ್ ಯೋಜನೆಯು 128ರೂ. ಮೌಲ್ಯದ ಟಾಕ್‌ಟೈಮ್ ಮತ್ತು 200MB ಡೇಟಾದೊಂದಿಗೆ ಬರುತ್ತದೆ. ಈ ಯೋಜನೆ 28 ದಿನಗಳ ವ್ಯಾಲಿಡಿಟಿ ಪ್ರಯೋಜನವನ್ನು ಪಡೆದಿದೆ. ಇದಲ್ಲದೆ ವೋಡಾಫೋನ್‌ ಐಡಿಯಾ ಅಪ್ಲಿಕೇಶನ್ ಮತ್ತು ವೆಬ್‌ಸೈಟ್ ಮೂಲಕ ರೀಚಾರ್ಜ್‌ ಮಾಡಿದರೆ 200MB ಹೆಚ್ಚುವರಿ ಡೇಟಾವನ್ನು ಸಹ Vi ನೀಡುತ್ತಿದೆ.

6 ಕೋಟಿ ಗ್ರಾಹಕರಿಗೆ ಪ್ರಯೋಜನ ಲಭ್ಯ

ಇನ್ನು ಈ ಯೋಜನೆ ಮೂಲಕ ಭಾರತದಲ್ಲಿ ವಿಶೇಷವಾಗಿ ಕಡಿಮೆ ಆದಾಯ ಹೊಂದಿರುವ ಸುಮಾರು 60 ಮಿಲಿಯನ್‌ ಗ್ರಾಹಕರಿಗೆ ಸಹಾಯ ಮಾಡಲು ವಿ ಕಂಪೆನಿ ಉದ್ದೇಶಿಸಿದೆ. ಈ ಮೂಲಕ ಬಳಕೆದಾರರಿಗೆ ನೀಡುತ್ತಿರುವ ಒಟ್ಟು ಲಾಭಗಳು 294 ಕೋಟಿ ರೂ. ಆಗಿದೆ. ಈ ಯೋಜನೆ ಮೂಲಕ ಸೊಂಕಿತ ಬಳಕೆದಾರರು ತಮ್ಮ ಪ್ರೀತಿ ಪಾತ್ರರೊಡನೆ ಸಂಪರ್ಕದಲ್ಲಿರಲು ಹಾಗೂ ದೇಶದಲ್ಲಿ ಏನಾಗುತ್ತಿದೆ ಎಂಬ ಮಾಹಿತಿಯನ್ನು ತಿಳಿದುಕೊಳ್ಳಲು ಸಹಾಯಕವಾಗಿದೆ.