Vivo X Fold 5 ಪೋಲ್ಡೆಬಲ್ ಫೋನ್ ಬಿಡುಗಡೆ: ಬೆಲೆ ಮತ್ತು ಫೀಚರ್ಸ್ ನೋಡಿ!

ಭಾರತದಲ್ಲಿ ಶೀಘ್ರವೆ ಲಭ್ಯವಾಗಲಿದೆ ಎಂದು ನಿರೀಕ್ಷಿಸಲಾಗುತ್ತಿರುವ ಬಹುನಿರೀಕ್ಷಿತ Vivo X Fold 5 ಪೋಲ್ಡೆಬಲ್ ಫೋನ್ ಬುಧವಾರದಂದು ಚೀನಾದಲ್ಲಿ ಬಿಡುಗಡೆಗೊಂಡಿದೆ. ಈ ಹೊಸ ಪುಸ್ತಕ ಶೈಲಿಯ ಮಡಿಸಬಹುದಾದ ಸ್ಮಾರ್ಟ್‌ಫೋನ್, ಕೇವಲ 217 ಗ್ರಾಂ ತೂಕದಲ್ಲಿ ತನ್ನ ಆಕರ್ಷಕ ವಿನ್ಯಾಸ ಮತ್ತು 8T LTPO ಪ್ಯಾನೆಲ್‌, IPX8+IPX9+ ರೇಟಿಂಗ್‌ ನಂತಹ ಶಕ್ತಿಶಾಲಿ ವೈಶಿಷ್ಟ್ಯಗಳೊಂದಿಗೆ ಮಾರುಕಟ್ಟೆಯ ಗಮನ ಸೆಳೆದಿದೆ. ಹಾಗಾದರೆ, ಹೊಸ Vivo X Fold 5 ಪೋಲ್ಡೆಬಲ್ ಫೋನ್ ಹೇಗಿದೆ ಮತ್ತು ಬೆಲೆಗಳು ಎಷ್ಟು ಎಂಬುದನ್ನು ನೋಡೋಣ ಬನ್ನಿ.

Vivo X Fold 5: ಸಂಪೂರ್ಣ ವೈಶಿಷ್ಟ್ಯಗಳು
Vivo X Fold 5 6.53-ಇಂಚಿನ ಕವರ್ ಡಿಸ್ಪ್ಲೇ ಮತ್ತು 8.03-ಇಂಚಿನ ಒಳಗಿನ ಡಿಸ್ಪ್ಲೇ ಹೊಂದಿದೆ. ಎರಡೂ ಡಿಸ್ಪ್ಲೇಗಳು 8T LTPO ಪ್ಯಾನೆಲ್‌ಗಳನ್ನು ಬಳಸುತ್ತವೆ, 4,500 ನಿಟ್ಸ್ ಸ್ಥಳೀಯ ಪೀಕ್ ಬ್ರೈಟ್‌ನೆಸ್, 120Hz ರಿಫ್ರೆಶ್ ದರ, ಹೈ-ಫ್ರೀಕ್ವೆನ್ಸಿ PWM ಡಿಮ್ಮಿಂಗ್, TÜV ರೈನ್‌ಲ್ಯಾಂಡ್ ಗ್ಲೋಬಲ್ ಐ ಪ್ರೊಟೆಕ್ಷನ್ 3.0 ಮತ್ತು ಝೈಸ್ ಮಾಸ್ಟರ್ ಕಲರ್ ಸರ್ಟಿಫಿಕೇಶನ್‌ಗಳನ್ನು ಬೆಂಬಲಿಸುತ್ತವೆ.

Vivo X Fold 5 ಫೋನ್ ಸ್ನಾಪ್‌ಡ್ರಾಗನ್ 8 Gen 3 ಚಿಪ್‌ಸೆಟ್‌ನಿಂದ ಕಾರ್ಯನಿರ್ವಹಿಸುತ್ತದೆ, ಇದು 16GB ವರೆಗೆ LPDDR5X RAM ಮತ್ತು 1TB ವರೆಗೆ UFS4.1 ಆನ್‌ಬೋರ್ಡ್ ಸ್ಟೋರೇಜ್ ಅನ್ನು ಒದಗಿಸುತ್ತದೆ, ಮತ್ತು ಆಂಡ್ರಾಯ್ಡ್ 15 ಆಧಾರಿತ OriginOS 5 ನೊಂದಿಗೆ ಬರುತ್ತದೆ.

Vivo X Fold 5, ಝೈಸ್ ಟಿ ಲೆನ್ಸ್ ಲೇಪನದೊಂದಿಗೆ ಶಕ್ತಿಶಾಲಿ ಟ್ರಿಪಲ್ ರಿಯರ್ ಕ್ಯಾಮೆರಾ ಯುನಿಟ್ ಅನ್ನು ಹೊಂದಿದೆ. ಇದರಲ್ಲಿ 50-ಮೆಗಾಪಿಕ್ಸೆಲ್ ಪ್ರಾಥಮಿಕ ಸಂವೇದಕ, 50-ಮೆಗಾಪಿಕ್ಸೆಲ್ ಅಲ್ಟ್ರಾ-ವೈಡ್ ಶೂಟರ್ ಮತ್ತು 3x ಆಪ್ಟಿಕಲ್ ಜೂಮ್ ಬೆಂಬಲದ 50-ಮೆಗಾಪಿಕ್ಸೆಲ್ ಪೆರಿಸ್ಕೋಪ್ ಟೆಲಿಫೋಟೋ ಕ್ಯಾಮೆರಾ ಇದೆ. ಈ ಕ್ಯಾಮೆರಾ ವ್ಯವಸ್ಥೆ ಟೆಲಿಫೋಟೋ ಮ್ಯಾಕ್ರೋ ವೈಶಿಷ್ಟ್ಯಗಳನ್ನು ಸಹ ಬೆಂಬಲಿಸುತ್ತದೆ. ಸೆಲ್ಫಿಗಳು ಮತ್ತು ವೀಡಿಯೊ ಕರೆಗಳಿಗೆ, ಒಳ ಮತ್ತು ಹೊರ ಪರದೆಗಳಲ್ಲಿ 20-ಮೆಗಾಪಿಕ್ಸೆಲ್ ಮುಂಭಾಗದ ಕ್ಯಾಮೆರಾಗಳು ಇವೆ.

Vivo X Fold 5 ಸಾಧನವು 6,000mAh ಬ್ಯಾಟರಿಯನ್ನು ಹೊಂದಿದ್ದು, 80W ವೈರ್ಡ್ ಮತ್ತು 40W ವೈರ್‌ಲೆಸ್ ಚಾರ್ಜಿಂಗ್‌ಗೆ ಬೆಂಬಲ ನೀಡುತ್ತದೆ. ಇದರಿಂದಾಗಿ, ಪ್ರಸ್ತುತ ಬೃಹತ್ ಬ್ಯಾಟರಿಯೊಂದಿಗೆ ಕೇವಲ 217 ಗ್ರಾಂ ತೂಕ ವಿಶ್ವದ ಅತ್ಯಂತ ಹಗುರವಾದ ಮಡಿಸಬಹುದಾದ ಫೋನ್ ಇದಾಗಿದೆ.

Vivo X Fold 5, ಧೂಳು ನಿರೋಧಕತೆಗಾಗಿ IP5X ಮತ್ತು ನೀರಿನ ಪ್ರತಿರೋಧಕ್ಕಾಗಿ IPX8+IPX9+ ರೇಟಿಂಗ್‌ಗಳನ್ನು ಹೊಂದಿದೆ. ಇದು -20 ಡಿಗ್ರಿ ಸೆಲ್ಸಿಯಸ್‌ನಲ್ಲಿ ಸಹ ಕಾರ್ಯನಿರ್ವಹಿಸುತ್ತದೆ ಎಂದು ವಿವೋ ಖಚಿತಪಡಿಸಿದೆ. ಭದ್ರತೆಗೆ, ಇದು ಸೈಡ್-ಮೌಂಟೆಡ್ ಫಿಂಗರ್‌ಪ್ರಿಂಟ್ ಸೆನ್ಸರ್ ಅನ್ನು ಹೊಂದಿದೆ.

Vivo X Fold 5, ಐಫೋನ್, ಏರ್‌ಪಾಡ್‌ಗಳು, ಮ್ಯಾಕ್‌ಬುಕ್, ಆಪಲ್ ವಾಚ್ ಮತ್ತು ಐಕ್ಲೌಡ್ ಸೇರಿದಂತೆ Apple ನ ಪರಿಸರ ವ್ಯವಸ್ಥೆಯೊಂದಿಗೆ ಹೊಂದಿಕೊಳ್ಳುತ್ತದೆ. ಬಳಕೆದಾರರು ತಮ್ಮ ಡೇಟಾವನ್ನು ಸುಲಭವಾಗಿ ಪ್ರವೇಶಿಸಲು ಈ ಸಾಧನಗಳನ್ನು ಸಂಪರ್ಕಿಸಬಹುದು.

ಕಳೆದ Vivo X Fold 3 Pro ಗೆ ಹೋಲಿಸಿದರೆ, ಇದು ಹಗುರ ಮತ್ತು ತೆಳ್ಳಗಾಗಿದೆ, ಇದರಿಂದ ಸಾಗಿಸಲು ಸುಲಭವಾಗಿದೆ. ಮಡಿಸಿದಾಗ 9.2 ಮಿಮೀ ದಪ್ಪ ಮತ್ತು ಬಿಚ್ಚಿದಾಗ 4.3 ಮಿಮೀ ಅಳತೆಯ ಈ ಸ್ಮಾರ್ಟ್‌ಫೋನ್ 217 ಗ್ರಾಂ ತೂಕ ಹೊಂದಿದೆ.

Vivo X Fold 5: ಬೆಲೆ ಮತ್ತು ಲಭ್ಯತೆ:
ಚೀನಾದಲ್ಲಿ, Vivo X Fold 5 ಫೋನಿನ ಬೆಲೆಗಳು ಹೀಗಿವೆ:
12GB + 256GB: CNY 6,999 (ಸುಮಾರು ರೂ. 83,800)
12GB + 512GB: CNY 7,999 (ಸುಮಾರು ರೂ. 96,000)
16GB + 512GB: CNY 8,499 (ಸುಮಾರು ರೂ. 1,02,000)
16GB + 1TB: CNY 9,499 (ಸುಮಾರು ರೂ. 1,14,000)

ಈ ಫೋನ್ ಬೈಬಾಯಿ (ಹಸಿರು), ಕ್ವಿಂಗ್‌ಸಾಂಗ್ (ಬಿಳಿ) ಮತ್ತು ಟೈಟಾನಿಯಂ (ಕಪ್ಪು) ಬಣ್ಣಗಳಲ್ಲಿ ಲಭ್ಯವಿದೆ. ಜುಲೈ 2 ರಿಂದ, ಇದು ಚೀನಾದ ಅಧಿಕೃತ ಇ-ಸ್ಟೋರ್‌ಗಳು ಮತ್ತು ಆಯ್ದ ಇ-ಕಾಮರ್ಸ್ ವೆಬ್‌ಸೈಟ್‌ಗಳಲ್ಲಿ ದೊರೆಯಲಿದೆ. ಭಾರತದಲ್ಲಿ ಇದರ ಲಭ್ಯತೆ ಮತ್ತು ಬೆಲೆಗಳ ಬಗ್ಗೆ ಇನ್ನಷ್ಟು ಮಾಹಿತಿ ಹೊರಬರಬೇಕಾಗಿದೆ.