ವಿವೋ ಸಂಸ್ಥೆಯಿಂದ ಎರಡು ಹೊಸ ಫೋನ್‌ ಲಾಂಚ್‌! ಕ್ಯಾಮೆರಾ ವರ್ಷನ್‌ ಸೂಪರ್‌!

ಸ್ಮಾರ್ಟ್‌ಫೋನ್‌‌ ಕ್ಯಾಮೆರಾ ಪ್ರಿಯರಿಗೆ ವಿವೋ ಬ್ರ್ಯಾಂಡ್‌ ಫೋನ್‌ಗಳೆಂದರೆ ಅಚ್ಚುಮೆಚ್ಚು. ಅಷ್ಟರ ಮಟ್ಟಿಗೆ ವಿವೋ ಸ್ಮಾರ್ಟ್‌ಫೋನ್‌ ಕ್ಯಾಮೆರಾಗಳು ಗ್ರಾಹಕರ ಗಮನಸೆಳೆದಿವೆ. ಇದೀಗ ವಿವೋ ಕಂಪೆನಿ ಹೊಸ ವಿವೋ Y35+ 5G ಮತ್ತು ವಿವೋ Y35m+ 5G ಸ್ಮಾರ್ಟ್‌ಫೋನ್‌ಗಳನ್ನು ಪರಿಚಯಿಸಿದೆ. ಈ ಫೋನ್‌ಗಳು ಆಕರ್ಷಕ ಕ್ಯಾಮೆರಾ ಫೀಚರ್ಸ್‌ಗಳನ್ನು ಒಳಗೊಂಡಿವೆ.

ಹೌದು, ವಿವೋ Y35+ 5G ಮತ್ತು ವಿವೋ Y35m+ 5G ಸ್ಮಾರ್ಟ್‌ಫೋನ್‌ ಮಾರುಕಟ್ಟೆಗೆ ಎಂಟ್ರಿ ನೀಡಿದೆ. ಈ ಸ್ಮಾರ್ಟ್‌ಫೋನ್‌ಗಳು ಒಂದೇ ಮಾದರಿಯ ವಿಶೇಷತೆಯನ್ನು ಹೊಂದಿದ್ದು, ಡ್ಯುಯಲ್‌ ರಿಯರ್‌ ಕ್ಯಾಮೆರಾ ಸೆಟ್‌ಅಪ್‌ ಪಡೆದುಕೊಂಡಿವೆ. ಜೊತೆಗೆ 5,000mAh ಸಾಮರ್ಥ್ಯದ ಬ್ಯಾಟರಿ ಬ್ಯಾಕ್‌ಅಪ್‌ ಒಳಗೊಂಡಿವೆ. ಇನ್ನುಳಿದಂತೆ ಈ ಎರಡೂ ಸ್ಮಾರ್ಟ್‌ಫೋನ್‌ಗಳು ಯಾವೆಲ್ಲಾ ವಿಶೇಷತೆ ಒಳಗೊಂಡಿವೆ ಅನ್ನೊದನ್ನ ಈ ಲೇಖನದಲ್ಲಿ ತಿಳಿಸಿಕೊಡ್ತೀವಿ ಓದಿರಿ.

ವಿವೋ Y35+ 5G ಮತ್ತು ವಿವೋ Y35m+ 5G ಫೀಚರ್ಸ್‌ ಹೇಗಿದೆ: ವಿವೋ Y35+ 5G ಮತ್ತು ವಿವೋ Y35m+ 5G ಸ್ಮಾರ್ಟ್‌ಫೋನ್‌ಗಳು 6.44 ಇಂಚಿನ ಫುಲ್‌ ಹೆಚ್‌ಡಿ ಪ್ಲಸ್‌ ಡಿಸ್‌ಪ್ಲೇ ಪಡೆದಿವೆ. ಡಿಸ್‌ಪ್ಲೇ 2388×1080 ಪಿಕ್ಸೆಲ್ ಸ್ಕ್ರೀನ್‌ ರೆಸಲ್ಯೂಶನ್ ಸಾಮರ್ಥ್ಯವನ್ನು ಹೊಂದಿದ್ದು, 19:9 ರಚನೆಯ ಅನುಪಾತವನ್ನು ಒಳಗೊಂಡಿದೆ. ಇನ್ನು ಡಿಸ್‌ಪ್ಲೇ 60Hz ರಿಫ್ರೆಶ್ ರೇಟ್‌ ಬೆಂಬಲದೊಂದಿಗೆ ಬರಲಿವೆ.

ವಿವೋ Y35+ 5G ಮತ್ತು ವಿವೋ Y35m+ 5G ಪ್ರೊಸೆಸರ್‌ ಯಾವುದು: ಈ ಎರಡೂ ಫೋನ್‌ಗಳು ಆಕ್ಟಾ-ಕೋರ್ ಡೈಮೆನ್ಸಿಟಿ 6020SoC ಪ್ರೊಸೆಸರ್‌ನಲ್ಲಿ ಕಾರ್ಯನಿರ್ವಹಿಸಲಿವೆ. ಜೊತೆಗೆ Mali-G57 GPU ಸರ್ಪೋರ್ಟ್‌ ಪಡೆದುಕೊಂಡಿದೆ. ಹಾಗೆಯೇ 8GB RAM ಮತ್ತು 256GB ಇಂಟರ್‌ ಸ್ಟೋರೇಜ್‌ ಸಾಮರ್ಥ್ಯವನ್ನು ಹೊಂದಿವೆ.

ವಿವೋ Y35+ 5G ಮತ್ತು ವಿವೋ Y35m+ 5G ಕ್ಯಾಮೆರಾ: ವಿವೋ Y35+ 5G ಮತ್ತು ವಿವೋ Y35m+ 5G ಸ್ಮಾರ್ಟ್‌ಫೋನ್‌ಗಳು 50MP ಸಾಮರ್ಥ್ಯದ ಡ್ಯುಯಲ್-ಕ್ಯಾಮೆರಾ ಸೆಟಪ್ ಅನ್ನು ಹೊಂದಿದ್ದು, LED ಫ್ಲ್ಯಾಷ್‌ನೊಂದಿಗೆ ಬರಲಿದೆ. ಇನ್ನು ಸ್ಮಾರ್ಟ್‌ಫೋನ್‌ಗಳು 8MP ಸೆಲ್ಫಿ ಕ್ಯಾಮೆರಾ ಒಳಗೊಂಡಿದೆ.

ವಿವೋ Y35+ 5G ಮತ್ತು ವಿವೋ Y35m+ ಬ್ಯಾಟರಿ ಬ್ಯಾಕ್‌ಅಪ್‌: ಈ ಸ್ಮಾರ್ಟ್‌ಫೋನ್‌ಗಳು 5,000mAh ಸಾಮರ್ಥ್ಯದ ಬ್ಯಾಟರಿಯನ್ನು ಹೊಂದಿದ್ದು, 15W ವೇಗದ ಚಾರ್ಜಿಂಗ್ ಅನ್ನು ಬೆಂಬಲಿಸಲಿದೆ. ಇನ್ನು ಕನೆಕ್ಟಿವಿಟಿ ಆಯ್ಕೆಗಳಲ್ಲಿ 5G SA/NSA, 4G LTE, ಡ್ಯುಯಲ್ ನ್ಯಾನೊ SIM ಕಾರ್ಡ್, Wi-Fi 802.11 b/g/n/ac, ಬ್ಲೂಟೂತ್ 5.1, OTG, GPS, Beidou, GLONASS, ಗೆಲಿಲಿಯೊ, 3.5mm ಆಡಿಯೋ ಜ್ಯಾಕ್, USB ಟೈಪ್-C ಪೋರ್ಟ್ ಅನ್ನು ಬೆಂಬಲಿಸಲಿದೆ.

ವಿವೋ Y35+ 5G ಮತ್ತು ವಿವೋ Y35m+ ಬೆಲೆ ಮತ್ತು ಲಭ್ಯತೆ: ಪ್ರಸ್ತುತ ಈ ಸ್ಮಾರ್ಟ್‌ಫೋನ್‌ಗಳು ಚೀನಾದಲ್ಲಿ ಮಾತ್ರ ಬಿಡುಗಡೆಯಾಗಿವೆ. ಆದರಿಂದ ವಿವೋ Y35+ 5G 6GB RAM ಮತ್ತು 128GB ಆಯ್ಕೆಯ ಬೆಲೆ CNY 1,399 (ಅಂದಾಜು 16,400ರೂ)ಆಗಿದೆ. ಇದು ಸ್ಟಾರ್ ರಿಂಗ್ ಬ್ಲಾಕ್, ಸಾಲ್ಟ್ ಲೇಕ್ ಬ್ಲೂ ಮತ್ತು ನೆಬ್ಯುಲಾ ಪರ್ಪಲ್ ಬಣ್ಣದ ಆಯ್ಕೆಗಳಲ್ಲಿ ಬರುತ್ತದೆ.

ಇನ್ನು ವಿವೋ Y35m + 5G ಸ್ಮಾರ್ಟ್‌ಫೋನ್‌ 8GB RAM ಮತ್ತು 128G ಸ್ಟೋರೇಜ್‌ ಆಯ್ಕೆಯು CNY 1,599 ಯುವಾನ್ (ಅಂದಾಜು 18,700ರೂ)ಬೆಲೆಯಲ್ಲಿ ಬರಲಿದೆ. ಇದು ಸ್ಟಾರ್ ರಿಂಗ್ ಬ್ಲಾಕ್ ಮತ್ತು ರಿಪ್ಪಲ್ ಗ್ರೀನ್ ಬಣ್ಣ ಆಯ್ಕೆಗಳಲ್ಲಿ ದೊರೆಯಲಿದೆ. ಈ ಸ್ಮಾರ್ಟ್‌ಫೋನ್‌ಗಳು ಭಾರತಕ್ಕೆ ಎಂಟ್ರಿ ನೀಡುವ ಬಗ್ಗೆ ಯಾವುದೇ ಮಾಹಿತಿ ಲಭ್ಯವಾಗಿಲ್ಲ.