4G, 3G ಮತ್ತು 2G ಬಳಕೆದಾರರಿಗೆ ವೊಡಾಫೋನ್ ನಿಂದ ಹೊಸ ಆಫರ್

ಭಾರತದ ಎರಡನೇ ಅತೀ ದೊಡ್ಡ ಟೆಲಿಕಾಂ ಆಪರೇಟರ್ ಎಂಬ ಖ್ಯಾತಿಗೆ ಪಾತ್ರವಾಗಿರುವ ವೋಡಾಪೋನ್ ತನ್ನ ಪ್ರೀಪೆಯ್ಡ್ ಗ್ರಾಹಕರಿಗೆ ಹೊಸ ಆಫರ್ ಲಾಂಚ್ ಮಾಡಿದೆ.

ವೊಡಾಫೋನ್ 348 ಪ್ರೀಪೆಯ್ಡ್ ರಿಜಾರ್ಜ್ ಆಫರ್ ಅನ್ನು ಘೋಷಣೆ ಮಾಡಿದ್ದು, ಈ ಆಫರ್ ನಲ್ಲಿ ಪ್ರತಿ ದಿನ 1GB ಡೇಟಾ ಮತ್ತು ಉಚಿತ ಸ್ಥಳೀಯ-ರಾಷ್ಟ್ರಿಯಾ ಕರೆಗಳನ್ನು ಮಾಡಬಹುದಾಗಿದೆ. ಈ ಪ್ಲಾನ್ 28 ದಿನಗಳ ವ್ಯಾಲಿಡಿಟಿಯನ್ನು ಹೊಂದಿದೆ ಎನ್ನಲಾಗಿದೆ.

ಈ ಆಫರ್ ವೊಡಾಫೋನ್ ಸ್ಟೋರ್, ಮಿನಿ ಸ್ಟೋರ್ ನಲ್ಲಿ ಲಭ್ಯವಿದ್ದು, ಅಲ್ಲದೇ ಮೈ ವೊಡಾಫೋನ್ ಆಪ್ ನಿಂದಲೂ ಈ ಪ್ಲಾನ್ ಆಕ್ಟಿವೇಟ್ ಮಾಡಿಕೊಳ್ಳಬಹುದು.

ವೊಡಾಫೋನ್ ನೂತನವಾಗಿ ನೀಡಿರುವ ಆಫರ್ ನಲ್ಲಿ ಗ್ರಾಹಕರು ಹೆಚ್ಚಿನ ಪ್ರಮಾಣದ ಇಂಟರ್ ನೆಟ್ ಅನ್ನು ಬಳಕೆ ಮಾಡಿಕೊಳ್ಳಬಹುದಾಗಿದೆ. ಅಲ್ಲದೇ ಇದು 4G, 3G ಮತ್ತು 2G ಗ್ರಾಹಕರು ಈ ಸೇವೆಯನ್ನು ಪಡೆಯಬಹುದಾಗಿದೆ.

ಇದಲ್ಲದೇ ವೊಡಾಫೋನ್ ಇತ್ತೀಚೆಗೆ 445 ಆಫರ್ ಸಹ ಘೋಷಣೆ ಮಾಡಿತ್ತು. ಇದರಲ್ಲಿ 84GB ಡೇಟಾವನ್ನು 84 ದಿನಗಳ ಅವಧಿಗೆ ಬಳಕೆಗೆ ನೀಡಲಾಗಿತ್ತು. ಇದರಲ್ಲಿಯೂ ಉಚಿತ ಕರೆ ಮಾಡುವ ಅವಕಾಶವನ್ನು ಕಲ್ಪಿಸಲಾಗಿತ್ತು.