ಮಹಿಳೆಯರಿಗಾಗಿ ವೊಡಾಫೋನ್‌ ಸಖಿ ಜಾರಿಗೆ ತಂದ ವೊಡಾಫೋನ್ ಐಡಿಯಾ..!

ಇಂಟರ್ನೆಟ್, ಬ್ಯಾಲೆನ್ಸ್ ಇಲ್ಲದಿರುವಾಗಲೂ ಕಾರ್ಯ:

ಈ ಸುರಕ್ಷತಾ ವೈಶಿಷ್ಟ್ಯವು ದೇಶದಾದ್ಯಂತ ವಡಾಫೋನ್ ಪ್ರಿಪೇಯ್ಡ್ ಸೇವೆಯನ್ನು ಬಳಸುವ ಮಹಿಳಾ ಗ್ರಾಹಕರಿಗಾಗಿ ಲಭ್ಯಗೊಳಿಸಲಾಗಿದೆ. ಈ ಸೇವೆಯು ಎಲ್ಲಾ ಸ್ಮಾರ್ಟ್ ಫೋನ್ ಗಳಲ್ಲಿ ಕೆಲಸ ಮಾಡುತ್ತದೆ ಮತ್ತು ಮಬೈಲ್ ಇಂಟರ್ನೆಟ್ ಮತ್ತು ಬ್ಯಾಲೆನ್ಸ್ ಇಲ್ಲದ ಮೊಬೈಲ್ ಗಳಲ್ಲೂ ಕೂಡ ಈ ಸೇವೆಯು ಕಾರ್ಯನಿರ್ವಹಿಸುತ್ತದೆ.

ಮಹಿಳೆಯರ ಸುರಕ್ಷತೆ ಒಲವು ತೋರಿಸಿದ ವಡಾಫೋನ್:

ಭಾರತದಲ್ಲಿ ಸುಮಾರು ಬಿಲಿಯನ್ ಮೊಬೈಲ್ ಕನೆಕ್ಷನ್ ಇದೆ ಮತ್ತು ಅದರಲ್ಲಿ ಅರ್ಧದಷ್ಟು ಮಹಿಳೆಯರೇ ಆಗಿದ್ದಾರೆ.18 ಶೇಕಡಾ ಮೊಬೈಲ್ ಚಂದಾದಾರರು ಮಹಿಳೆಯರಾಗಿದ್ದಾರೆ.ಅದರಲ್ಲಿ ಹೆಚ್ಚಿನ ಮಹಿಳೆಯರಿಗೆ ಕೆಲವು ಫೀಚರ್ ಫೋನ್ ಗಳು ಮತ್ತು ಬೇಸಿಕ್ ಫೋನ್ ಗಳಿಗೆ ಮಾತ್ರವೇ ಆಕ್ಸಿಸ್ ಇದೆ. ಈ ದೊಡ್ಡ ಮಟ್ಟದ ಮಹಿಳಾ ಬಳಕೆದಾರರು ಸಬಲರಾಗಿ ಸಮಾಜದಲ್ಲಿ ಅಭಿವೃದ್ಧಿ ಕಾಣಲು ಮತ್ತು ಗುರುತಿಸಿಕೊಳ್ಳಲು ನೆರವಾಗುತ್ತಿದೆ ಎಂದು ವಡಾಫೋನ್ ಅಸೋಸಿಯೇಟ್ ಡೈರೆಕ್ಟರ್ ಆಗಿರುವ ಅವನೀಶ್ ಖೋಶ್ಲಾ ತಿಳಿಸಿದ್ದಾರೆ.

ಸಾಮಾಜಿಕ ಸಮಸ್ಯೆಗೆ ಪರಿಹಾರ:

ವಡಾಫೋನ್ ಸಖಿ ಮೂಲಕ ಕೆಲವು ಸಾಮಾಜಿಕ ಸಮಸ್ಯೆಗಳನ್ನು ಪರಿಹರಿಸಿಕೊಳ್ಳಲು ಮಹಿಳೆಯರಿಗೆ ನೆರವಾಗುತ್ತದೆ ಎಂದು ತಿಳಿಸುತ್ತಾರೆ ಖೋಶ್ಲಾ. ಈ ನಿಟ್ಟಿನಲ್ಲಿ ರಾಷ್ಟ್ರೀಯ ಕ್ಯಾಂಪೇನ್ ಒಂದನ್ನು ಕೂಡ ವಡಾಫೋನ್ ಆಯೋಜಿಸಿದೆ. ಈ ಯೋಜನೆಯಲ್ಲಿ ವಡಾಫೋನ್ ನ ಮಹಿಳಾ ಗ್ರಾಹಕರೆಲ್ಲರೂ ಭಾಗವಹಿಸಬೇಕು ಎಂದು ವಡಾಫೋನ್ ಇಚ್ಛಿಸುತ್ತಿದೆ.

ಒಟ್ಟಾರೆ ಮಹಿಳಾ ಸುರಕ್ಷತೆ ಬಗ್ಗೆ ಭಾರತದಲ್ಲಿ ವಡಾಫೋನ್ ಇಟ್ಟಿರುವ ದಿಟ್ಟ ಹೆಜ್ಜೆಯೊಂದು ಇದಾಗಿದ್ದು ನಿಜಕ್ಕೂ ಮಹಿಳೆಯರ ಸುರಕ್ಷತೆಗೆ ಇದು ಹೇಗೆ ಕಾರ್ಯ ನಿರ್ವಹಿಸುತ್ತದೆ ಎಂಬ ಬಗೆಗಿನ ವಿವರ ಇನ್ನಷ್ಟೇ ತಿಳಿಯಬೇಕು.