ಜಿಯೋ-ಏರ್‌ಟೆಲ್‌ಗೆ ಸಾಧ್ಯವಾಗಿಲ್ಲ: ವೊಡಾದಿಂದ ನಿತ್ಯ 2.8 GB ಡೇಟಾ ಕೇವಲ ರೂ.199ಕ್ಕೆ...!

ಬದಲಾದ ರೂ.199 ಪ್ಲಾನ್:

28 ದಿನಗಳ ವ್ಯಾಲಿಡಿಟಿಯನ್ನು ಹೊಂದಿದ್ದ ರೂ.199 ಪ್ಲಾನ್ ಅನ್ನ ವೊಡಾಫೋನ್ ಬದಲಾಯಿಸಿದೆ. ಈ ಹಿಂದೆ ಬಳಕೆದಾರರಿಗೆ ನಿತ್ಯ 1.4 GB ಡೇಟಾವನ್ನು ನೀಡುತಿತ್ತು. ಆದರೆ ಏರ್‌ಟೆಲ್ ಇದೇ ಮಾದರಿಯ ಪ್ಲಾನ್ ಬದಲಾಯಿಸಿದ ಹಿನ್ನಲೆಯಲ್ಲಿ ವೊಡಾಫೋನ್ ಸಹ ತನ್ನ ಪ್ಲಾನ್ ಅನ್ನು ಬದಲಾಯಿಸಿ, ನಿತ್ಯ ಅತೀ ಹೆಚ್ಚು ಅನ್ನುವ 2.8GB ಡೇಟಾವನ್ನು ನೀಡಲು ಮುಂದಾಗಿದೆ.

ಒಟ್ಟು 78.4GB ಡೇಟಾ:

ಸದ್ಯ ಟೆಲಿಕಾಂ ಮಾರುಕಟ್ಟೆಯಲ್ಲಿ ಲಭ್ಯವಿರುವ 28 ದಿನಗಳ ಪ್ಲಾನ್‌ನಲ್ಲಿ ಬಳಕೆದಾರರಿಗೆ ನೀಡುತ್ತಿರುವ ಅತೀ ಹೆಚ್ಚಿನ ಡೇಟಾವನ್ನು ನೀಡುತ್ತಿರುವ ಪ್ಲಾನ್ ಇದಾಗಿದೆ. ಇದು ಬಳಕೆದಾರರಿಗೆ ಒಟ್ಟು 78.4GB ಡೇಟಾವನ್ನು ನೀಡಲಿದೆ. ಬೇರೆ ಯಾವುದೇ ಪ್ಲಾನ್‌ಗಳು ಇಷ್ಟು ದೊಡ್ಡ ಪ್ರಮಾಣದ ಡೇಟಾವನ್ನು ನೀಡುತ್ತಿಲ್ಲ ಎನ್ನಲಾಗಿದೆ. ಇದು ಬೆಸ್ಟ್ ಆಫರ್ ಎಂದರೆ ತಪ್ಪಾಗುವುದಿಲ್ಲ.

ಎಲ್ಲಾರಿಗೂ ಲಭ್ಯವಿಲ್ಲ ಎನ್ನಲಾಗಿದೆ:

ವೊಡಾಫೋನ್ ಹೊಸದಾಗಿ ನೀಡಿರುವ 2.8GB ಡೇಟಾ ಪ್ಲಾನ್ ಎಲ್ಲರಿಗೂ ಲಭ್ಯವಿಲ್ಲ ಎನ್ನಲಾಗಿದೆ. ವೊಡಾಫೋನ್ ಕೇವಲ ಆಯ್ದ ಬಳಕೆದಾರರಿಗೆ ನೀಡಲಿದೆ ಎನ್ನಲಾಗಿದೆ. ಅದೃಷ್ಠವಂತರಿಗೆ ಮಾತ್ರವೇ ದೊರೆಯುತ್ತಿದೆ. ಆದರಲ್ಲಿಯೂ ವೊಡಾಫೋನ್ ಆಪ್ ನಲ್ಲಿ ರಿಚಾರ್ಜ್ ಮಾಡಿಕೊಳ್ಳುವವರಿಗೆ ಮಾತ್ರವೇ ದೊರೆಯುತ್ತಿದೆ ಎನ್ನಲಾಗಿದೆ.

ಕರೆ ಮಾಡುವ ಅವಕಾಶ ಹಾಗೇ ಇದೆ:

ಇದಲ್ಲದೇ ರೂ.199 ಪ್ಲಾನ್ ಅನ್ನು ಬದಲಾಯಿಸಿರುವ ವೊಡಾಫೋನ್ ಡೇಟಾವನ್ನು ಮಾತ್ರವೇ ಹೆಚ್ಚು ಮಾಡಿದೆ. ಅಲ್ಲದೇ ಕರೆ ಮಾಡುವ ಅವಕಾಶವನ್ನು ಹಾಗೇ ಇಟ್ಟಿದೆ. ಇದಲ್ಲದೇ ಉಚಿತವಾಗಿ SMS ಅನ್ನು ಕಳುಹಿಸುವ ಆಯ್ಕೆಯನ್ನು ನೀಡಲಾಗಿದೆ.

ರೂ.2.53ಕ್ಕೆ ಒಂದು GB ಡೇಟಾ:

ವೊಡಾಫೋನ್ ಮಾರುಕಟ್ಟೆಯಲ್ಲಿ ಅತೀ ಕಡಿಮೆ ಬೆಲೆಗೆ ಡೇಟಾವನ್ನು ನೀಡಲಿದೆ ಎನ್ನಲಾಗಿದ್ದು, ಈ ಪ್ಲಾನ್ ನಲ್ಲ ಬಳಕೆದಾರರು ಕಡಿಮೆ ಎಂದರೆ ರೂ.2.53ಕ್ಕೆ ನೀಡುತ್ತಿದೆ. ಇದರಿಂದಾಗಿ ಮಾರುಕಟ್ಟೆಯಲ್ಲಿ ದೊಡ್ಡ ಪ್ರಮಾಣದ ಸ್ಪರ್ಧೆಯನ್ನು ಸೃಷ್ಟಿ ಮಾಡಲಿದೆ.