ಗುರುಗ್ರಾಮ್ ಬಸ್ ನಿಲ್ದಾಣದಲ್ಲಿ ಮೊದಲ ವೊಡಫೋನ್ ವೈ-ಫೈ ಸೇವೆ ಆರಂಭ

Posted By: Prathap T

    ಭಾರತದ ಎರಡನೆಯ ಅತಿದೊಡ್ಡ ಟೆಲಿಕಾಂ ಆಪರೇಟರ್ ವೊಡಾಫೋನ್ ಕಳೆದ ಮಂಗಳವಾರ ಗುರಗ್ರಾಮ್ ನಲ್ಲಿರುವ ಹುದಾ ಸಿಟಿ ಸೆಂಟರ್ನಲ್ಲಿರುವ ಬಸ್ ನಿಲ್ದಾಣದಲ್ಲಿ ಮೊದಲ ವೈ-ಫೈ ಸೇವೆಯನ್ನು ಪ್ರಾರಂಭಿಸಿದೆ. ಗ್ರಾಹಕರು ದಿನಕ್ಕೆ 20 ನಿಮಿಷಗಳ ಕಾಲ ವೈ-ಫೈ ಅನ್ನು ಆನಂದಿಸಲು ಅನುವು ಮಾಡಿಕೊಟ್ಟಿದೆ.

    ಗುರುಗ್ರಾಮ್ ಬಸ್ ನಿಲ್ದಾಣದಲ್ಲಿ ಮೊದಲ ವೊಡಫೋನ್ ವೈ-ಫೈ ಸೇವೆ ಆರಂಭ

    ಯಾವುದೇ ಭಾರತೀಯ ಟೆಲಿಕಾಂ ಆಪರೇಟರ್ ಬಳಕೆದಾರರು ಈ ವೈ-ಫೈ ಸೇವೆಯನ್ನು ಪಡೆದುಕೊಳ್ಳಬಹುದಾಗಿದೆ. ಈ ನವೀನ ಆಫರಿಂಗ್ ಮೂಲಕ ವೊಡಾಫೋನ್ ಈ ಪ್ರದೇಶದಲ್ಲಿ ಸ್ಮಾರ್ಟ್ಫೋನ್ ಬಳಕೆದಾರರಲ್ಲಿ ಡೇಟಾ ಬಳಕೆಯನ್ನು ಹೆಚ್ಚಿಸಲು ಸಹಾಯವಾಗುವ ನಿಟ್ಟಿನಲ್ಲಿ ತಡೆರಹಿತ, ತಾಂತ್ರಿಕವಾಗಿ ವೈ-ಫೈ ನೆಟ್ವರ್ಕ್ಗಳನ್ನು ಅಭಿವೃದ್ಧಿಪಡಿಸುವ ಉದ್ದೇಶ ಹೊಂದಿದೆ.

    ಹುದಾ ನಗರ ಕೇಂದ್ರವು ಇಡೀ ದಿನದಲ್ಲಿ ಜನದಟ್ಟನೆ ಹೊಂದಿರುವ ಪ್ರದೇಶವಾಗಿದೆ. ಈ ಕಾರಣಕ್ಕಾಗಿಯೇ ಇಂತಹ ಸೇವೆ ಕಲ್ಪಿಸಲು ಸೂಕ್ತವಾದ ನಗರವನ್ನಾಗಿ ವೊಡಫೋನ್ ಆಯ್ಕೆ ಮಾಡಿಕೊಂಡಿದೆ. ಮುಂದಿನ ದಿನಗಳಲ್ಲಿ, ವೊಡಾಫೋನ್ ತನ್ನ ನೆಟ್ವರ್ಕ್ ಸೇವೆ ವಿಸ್ತರಿಸುವ ನಿಟ್ಟಿನಲ್ಲಿ ಇನ್ನಷ್ಟಉ ಬಸ್ ನಿಲ್ದಾಣಗಳಲ್ಲಿ ಈ ವೈ-ಫೈ ಸೇವೆ ಒದಗಿಸಲು ಮುಂದಾಗಿದೆ.

    ಗುರುಗ್ರಾಮ್ ಬಸ್ ನಿಲ್ದಾಣದಲ್ಲಿ ಮೊದಲ ವೊಡಫೋನ್ ವೈ-ಫೈ ಸೇವೆ ಆರಂಭ

    ಈಗಾಗಲೇ ವೊಡಾಫೋನ್ ವೈಫೈ ಹಾಟ್-ಸ್ಪಾಟ್ ನೆಟ್ವರ್ಕ್ ದೆಹಲಿಯ ಎನ್ಸಿಆರ್ ಭಾಗದಲ್ಲಿ 115 ಪ್ರಮುಖ ಸ್ಥಳಗಳಲ್ಲಿ ಲಭ್ಯವಿದೆ. ಜನಪ್ರಿಯ ಮಾರುಕಟ್ಟೆ ಸ್ಥಳಗಳು, ಮಾಲ್ಗಳು, ಆಸ್ಪತ್ರೆಗಳು, ಕಾಲೇಜುಗಳು ಇತ್ಯಾದಿ ಪ್ರದೇಶಗಳಲ್ಲಿ ಈ ಸೇವೆಯನ್ನು ಕಲ್ಪಿಸಿದೆ. ವೊಡಾಫೋನ್ ಪ್ರಿಪೇಡ್ ಚಂದಾದಾರರಿಗೆ ವೈಫೈ ಆಫರ್ಗಳನ್ನು ರಿಯಾಯಿತಿ ದರದಲ್ಲಿ ನೀಡುತ್ತಿದ್ದರೆ, ಪೋಸ್ಟ್ಪೇಯ್ಡ್ ರೆಡ್ ಗ್ರಾಹಕರು ಈ ವೈ-ಫೈ ಸ್ಥಳಗಳಲ್ಲಿ ಇದರ ಪ್ರಯೋಜನಗಳನ್ನು ಪಡೆಯಬಹುದು.

    ಇದಲ್ಲದೆ, ಉಚಿತ ವೈ-ಫೈ ಸೇವೆಯ 20 ನಿಮಿಷಗಳು(ಆಯೋಜಕರು ಆಗ್ನೋಸ್ಟಿಕ್) ಡಿಲ್ಲಿ ಹಾಟ್ (ಐಎನ್ಎ ಮಾರುಕಟ್ಟೆ), ಖಾನ್ ಮಾರ್ಕೆಟ್, ಫೋರ್ಟಿಸ್ ಹಾಸ್ಪಿಟಲ್ (ಗುರುಗ್ರಾಮ್) ಮತ್ತು ದೆಹಲಿ ಎನ್ಸಿಆರ್ ನಲ್ಲಿರುವ ಎಲ್ಲಾ ವೊಡಾಫೋನ್ ಸ್ಟೋರ್ಗಳಲ್ಲಿ ಲಭ್ಯವಿದೆ. ಇಡೀ ಗುರುಗ್ರಾಮ ಪ್ರದೇಶವನ್ನು ಸ್ಮಾರ್ಟ್ ಸಿಟಿ ಮಾಡುವ ಉದ್ದೇಶದಿಂದ ವೊಡಾಫೋನ್ ಕೊಡುಗೆ ನೀಡುತ್ತಿದೆ.

    ನಗರದಾದ್ಯಂತದ ನಾಗರಿಕರು ಪ್ರಯಾಣದಲ್ಲಿರುವಾಗ ವಿಶ್ವದರ್ಜೆಯ ಇಂಟರ್ನೆಟ್ ಸೇವೆಗಳನ್ನು ಅನುಭವಿಸಲು ನಾವು ತುಂಬಾ ಸಂತೋಷಪಡುತ್ತೇವೆ. ವೈ-ಫೈ ಇನಿಶಿಯೇಟಿವ್ "ಡಿಜಿಟಲ್ ಇಂಡಿಯಾ" ಕಡೆಗೆ ಒಂದು ಹೆಜ್ಜೆಯಾಗಿದೆ. ನೆಟ್ವರ್ಕ್ ಮತ್ತು ಸಂಪರ್ಕಿತ ಸಮಾಜವನ್ನು ಸೃಷ್ಟಿಸುತ್ತದೆ. ಇದು ನಾಗರಿಕರಿಗೆ ಡಿಜಿಟಲ್ ಹೆದ್ದಾರಿಗಳಲ್ಲಿ ಸಹಾಯ ಮಾಡಲು ಮತ್ತು ಉತ್ತಮ ಸಂಪರ್ಕಕ್ಕಾಗಿ ಉಳಿಯಲು ನೆರವಾಗಲಿದೆ" ಎಂದು ವೊಡಾಫೋನ್ ದೆಹಲಿ- ಎನ್ಸಿಆರ್ನ ಬಿಸಿನೆಸ್ ಹೆಡ್ ಅಲೋಕ್ ವರ್ಮಾ ಹೇಳಿಕೊಂಡಿದ್ದಾರೆ.

    ಗ್ರಾಹಕರ ಅಗತ್ಯಗಳೀಗೆ ಧ್ವನಿಯಾಗಿ ಡೇಟಾ ಸೇವೆಯನ್ನು ವಿಸ್ತರಿಸುವ ಮೂಲಕ ವಿಶಾಲವಾದ ಗ್ರಾಹಕರನ್ನು ಒಂದು ನಿರ್ದಿಷ್ಟ ಸ್ಥಳದಲ್ಲಿ ತಡೆರಹಿತ ಸಂಪರ್ಕವನ್ನು ಒದಗಿಸಲು ವೈ-ಫೈ ಒಂದು ಪರಿಣಾಮಕಾರಿ ತಂತ್ರಜ್ಞಾನವಾಗಿದೆ. ಮೊಬೈಲ್ ಬಳಕೆದಾರರಿಗೆ ಇದೀಗ ಹೆಚ್ಚಿನ ವೇಗದ ವೈ-ಫೈ ಅನ್ನು ಹೆಚ್ಚು ವಿನೋದದಿಂದ ಅನುಭವಿಸಲು ಸಾಧ್ಯವಾಗುತ್ತದೆ ಎಂದಿದ್ದಾರೆ.

    "ಬಸ್ ಆಶ್ರಯದಲ್ಲಿರುವ ವೈಫೈ ಸೇವೆಯನ್ನು ತಮ್ಮ ನೆಟ್ವರ್ಕ್ ಒದಗಿಸುವವರು ಲೆಕ್ಕಿಸದೆ ಎಲ್ಲಾ ಮೊಬೈಲ್ ಬಳಕೆದಾರರಿಂದ ಪಡೆಯಬಹುದು. ನಾವು ಉಚಿತ ವೈಫೈ ಬಸ್ ಆಶ್ರಯ ಸೌಕರ್ಯವನ್ನು ಬಳಸಲು ಮತ್ತು ವೊಡಾಫೋನ್ 4ಜಿ ಅನುಭವವನ್ನು ಆನಂದಿಸಲು ಪ್ರತಿಯೊಬ್ಬರನ್ನು ಕೇಳಿಕೊಳ್ಳುತ್ತೇವೆ" ಎಂದು ವರ್ಮಾ ತಿಳಿಸಿದ್ದಾರೆ.

    Read more about:
    English summary
    HUDA city center witnesses a heavy influx of people during the entire day
    Opinion Poll

    ಇಡೀ ದಿನದ ತಾಜಾ ಸುದ್ದಿಗಳನ್ನು ಒಂದೇ ಕ್ಲಿಕ್ ನಲ್ಲಿ ಪಡೆಯಿರಿಿ- Kannada Gizbot

    X
    We use cookies to ensure that we give you the best experience on our website. This includes cookies from third party social media websites and ad networks. Such third party cookies may track your use on Gizbot sites for better rendering. Our partners use cookies to ensure we show you advertising that is relevant to you. If you continue without changing your settings, we'll assume that you are happy to receive all cookies on Gizbot website. However, you can change your cookie settings at any time. Learn more