ಜಿಯೋ 149 ಪ್ಲಾನ್ ಗೆ ಸ್ಪರ್ಧೆ- ವಡಾಫೋನ್ ನಿಂದ 129 ರುಪಾಯಿ ಪ್ಲಾನ್ ಬಿಡುಗಡೆ

129 ಪ್ಲಾನ್ ನ ಬೆನಿಫಿಟ್ ಗಳು:

ಈ 129 ಪ್ಲಾನ್ ನ ಅಡಿಯಲ್ಲಿ ವಡಾಫೋನ್ ಅನಿಯಮಿತ ಕರೆಗಳ ಬೆನಿಫಿಟ್ ಜೊತೆಗೆ ಪ್ರತಿ ದಿನ 100ಎಸ್ಎಂಎಸ್ ಗಳನ್ನು ಉಚಿತವಾಗಿ ಕಳುಹಿಸುವುದಕ್ಕೆ ಅವಕಾಶ ನೀಡುತ್ತದೆ. ಯಾವುದೇ ರೀತಿಯ ಕರೆಗಳ ಎಫ್ ಯುಪಿ ಲಿಮಿಟ್ ಇದರಲ್ಲಿ ಇರುವುದಿಲ್ಲ. 250 ನಿಮಿಷದ ಪ್ರತಿದಿನದ ಕರೆಗಳ ಲಿಮಿಟ್ ಬಗ್ಗೆ ಈ ಬಾರಿ ಗ್ರಾಹಕರು ತಲೆಕೆಡಿಸಿಕೊಳ್ಳುವ ಅಗತ್ಯವಿಲ್ಲಯ 1.5ಜಿಬಿ ಡಾಟಾವನ್ನು ಕೂಡ ಪ್ರತಿದಿನ ನೀಡಲಿರುವ ಈ ಪ್ಲಾನ್ 28 ದಿನಗಳ ಅವಧಿಯನ್ನು ಹೊಂದಿರುತ್ತದೆ.

ತನ್ನದೇ ಕಂಪೆನಿಯ 119 ಪ್ಲಾನ್ ನೊಂದಿಗೆ ಸ್ಪರ್ಧೆ:

ವಡಾಫೋನಿನ ಈ ಹೊಸ ಪ್ಲಾನ್ ತನ್ನದೇ ಕಂಪೆನಿಯ 119 ರುಪಾಯಿ ಪ್ಲಾನ್ ನೊಂದಿಗೂ ಸ್ಪರ್ಧಿಸುತ್ತದೆ. 119 ಪ್ಲಾನ್ ನ ಅಡಿಯಲ್ಲಿ ಗ್ರಾಹಕರು ಅನಿಯಮಿತ ಕರೆಗಳ ಬೆನಿಫಿಟ್ ಮತ್ತು ಎಸ್ಎಂಎಸ್ ಸೌಲಭ್ಯವನ್ನು ಪಡೆಯುತ್ತಾರೆ. ಜೊತೆಗೆ ಅವರಿಗೆ ಪ್ರತಿದಿನ 1.5ಜಿಬಿ ಡಾಟಾ ಕೂಡ ಉಚಿತವಾಗಿ ಸಿಗುತ್ತದೆ. ಈ ಪ್ಲಾನ್ ಕೂಡ 28 ದಿನಗಳ ಅವಧಿಯನ್ನು ಹೊಂದಿರುತ್ತದೆ. ಹಾಗಾಗಿ ಇದೀಗ ಪ್ರಶ್ನೆಯಾಗಿರುವುದು ಕೇವಲ 500ಎಂಬಿ ಡಾಟಾ ಹೆಚ್ಚು ಪಡೆಯುವುದಕ್ಕಾಗಿ ಗ್ರಾಹಕರು 10 ರುಪಾಯಿ ಹೆಚ್ಚು ಪಾವತಿಸುತ್ತಾರೆಯೇ ಅಥವಾ 119 ಪ್ಲಾನ್ ಗೆ ಮೊರೆ ಹೋಗುತ್ತಾರೆಯೇ ಎಂಬುದಾಗಿದೆ.

ಜಿಯೋ 149 ಪ್ಲಾನ್ ಜೊತೆಗೆ ಸ್ಪರ್ಧೆ

ಈ ಹೊಸ 129 ರುಪಾಯಿಯ ವಡಾಫೋನ್ ಪ್ಲಾನ್ ರಿಲಯನ್ಸ್ ಜಿಯೋ ಸಂಸ್ಥೆಯ 149 ರುಪಾಯಿ ಪ್ಲಾನ್ ನೊಂದಿಗೆ ಕೂಡ ಸ್ಪರ್ಧೆ ನಡೆಸುತ್ತದೆ, ಮುಖೇಶ್ ಅಂಬಾನಿ ಮಾಲೀಕತ್ವದ ಟೆಲಿಕಾಂ ಆಪರೇಟರ್ ಅನಿಯಮಿತ ಕರೆಗಳು ಮತ್ತು ಡಾಟಾ ಬೆನಿಫಿಟ್ ಜೊತೆಗೆ 100ಎಸ್ಎಂಎಸ್ ಪ್ರತಿದಿನ ಉಚಿತವಾಗಿ ಈ ಪ್ಲಾನಿನ ಅಡಿಯಲ್ಲಿ ನೀಡುತ್ತಿದ್ದಾರೆ. ಜಿಯೋ ಪ್ಲಾನ್ ಕೂಡ 28 ದಿನಗಳ ಅವಧಿಯನ್ನು ಹೊಂದಿರುತ್ತದೆ ಮತ್ತು ಪ್ರತಿದಿನ 1.5ಜಿಬಿ ಡಾಟಾ ಸಿಗುತ್ತದೆ. ಇದೆಲ್ಲದರ ಜೊತೆಗೆ ಜಿಯೋ ಸ್ಯೂಟ್ ಆಪ್ ಗಳಿಗೆ ಅಂದರೆ ಜಿಯೋ ಟಿವಿ, ಜಿಯೋ ಸಿನಿಮಾ ಮತ್ತು ಇತರೆ ಆಪ್ ಗಳಿಗೆ ಉಚಿತ ಆಕ್ಸಿಸ್ ಈ ಪ್ಲಾನ್ ನ ಅಡಿಯಲ್ಲಿ ಲಭ್ಯವಾಗುತ್ತದೆ.