ವಿಯು ಸಂಸ್ಥೆಯಿಂದ 32 ಮತ್ತು 43 ಇಂಚಿನ ಸಿನೆಮಾ ಸ್ಮಾರ್ಟ್‌ಟಿವಿ ಬಿಡುಗಡೆ!

ಹೌದು, ವಿಯು ಸಿನೆಮಾ ಸ್ಮಾರ್ಟ್ ಟಿವಿ ಸರಣಿಯ ಎರಡು ಹೊಸ ರೂಪಾಂತರ ಸ್ಮಾರ್ಟ್‌ಟಿವಿಗಳನ್ನು ಬಿಡುಗಡೆ ಮಾಡಿದೆ. ಇನ್ನು ಈ ಹೊಸ ಸ್ಮಾರ್ಟ್‌ಟಿವಿಗಳಲ್ಲಿ 32 ಇಂಚಿನ ಎಚ್‌ಡಿ-ರೆಸಲ್ಯೂಶನ್ ಆಯ್ಕೆ ಮತ್ತು 43 ಇಂಚಿನ ಪೂರ್ಣ-ಎಚ್‌ಡಿ ಆಯ್ಕೆಯ ಸ್ಮಾರ್ಟ್‌ಟಿವಿಗಳನ್ನ ಪರಿಚಯಿಸಿದೆ. ಸದ್ಯ ಭಾರತೀಯ ಟೆಲಿವಿಷನ್ ತಯಾರಕ ವಿಯು ಅವರ ಸಿನೆಮಾ ಟಿವಿ ಶ್ರೇಣಿಯನ್ನು ಈ ವರ್ಷದ ಆರಂಭದಲ್ಲಿ ಅಲ್ಟ್ರಾ-ಎಚ್ಡಿ ರೆಸಲ್ಯೂಶನ್‌ನಲ್ಲಿ ಮೂರು ಗಾತ್ರಗಳಲ್ಲಿ ಬಿಡುಗಡೆ ಮಾಡಲಾಗಿತ್ತು. ಆದರೆ ಇದೀಗ ವಿಯು ತನ್ನ ಸಿನೆಮಾ ಶ್ರೇಣಿಯ ಸ್ಮಾರ್ಟ್‌ಟಿವಿಗಳಲ್ಲಿ ಹೊಸ ಮಾದರಿಯ ಫೀಚರ್ಸ್‌ ಹಾಗೂ ಸಣ್ಣ ಮತ್ತು ಹೆಚ್ಚು ಕೈಗೆಟುಕುವ ಗಾತ್ರಗಳಲ್ಲಿ ಪರಿಚಯಿಸುತ್ತಿದೆ. ಇನ್ನು ಈ ಹೊಸ ಸ್ಮಾರ್ಟ್‌ಟಿವಿ ಜೂನ್ 23 ರಂದು ಫ್ಲಿಪ್‌ಕಾರ್ಟ್‌ನಲ್ಲಿ ಮಾರಾಟವಾಗಲಿವೆ.

ಸದ್ಯ ವಿಯು ಬಿಡುಗಡೆ ಮಾಡಿರುವ 32 ಇಂಚಿನ ವಿಯು ಸಿನೆಮಾ ಟಿವಿಯು 1366x768- ಪಿಕ್ಸೆಲ್ ರೆಸಲ್ಯೂಶನ್‌ ಸಾಮರ್ಥ್ಯದ ಎಚ್‌ಡಿ ಎಲ್ಇಡಿ ಸ್ಕ್ರೀನ್‌ ಅನ್ನು ಒಳಗೊಂಡಿದೆ. ಇದಲ್ಲದೆ 43 ಇಂಚಿನ ಸ್ಮಾರ್ಟ್‌ಟಿವಿಯು 1920x1080-ಪಿಕ್ಸೆಲ್ ಸ್ಕ್ರೀನ್‌ ರೆಸಲ್ಯೂಶನ್‌ ಸಾಮರ್ಥ್ಯದ ಫುಲ್‌-ಎಚ್‌ಡಿ ಸ್ಕ್ರೀನ್‌ ಅನ್ನು ಹೊಂದಿದೆ ಎನ್ನಲಾಗ್ತಿದೆ. ಇನ್ನು ಈ ಎರಡೂ ಟಿವಿಗಳು ಅಂತರ್ನಿರ್ಮಿತ ಕ್ರೋಮ್‌ಕಾಸ್ಟ್ ಮತ್ತು ಆಪಲ್ ಏರ್‌ಪ್ಲೇಗೆ ಬೆಂಬಲವನ್ನು ನೀಡುತ್ತವೆ ಎಂದು ಕಂಪೆನಿ ಹೇಳಿಕೊಂಡಿದ.

ಇನ್ನು ವಿಯು ಸಿನೆಮಾ ಸರಣಿಯ ಹೊಸ ಸ್ಮಾರ್ಟ್‌ಟಿವಿಗಳು 40W ಸೌಂಡ್‌ಬಾರ್-ಶೈಲಿಯ ಸ್ಪೀಕರ್ ಸಿಸ್ಟಮ್‌ಗಾಗಿ ಡಾಲ್ಬಿ ಆಡಿಯೊ ಟ್ಯೂನಿಂಗ್ ಅನ್ನು ಹೊಂದಿದ್ದು, ವಾಯ್ಸ್‌ ರಿಮೋಟ್ ಮೂಲಕ ಗೂಗಲ್ ಅಸಿಸ್ಟೆಂಟ್‌ಗೆ ಪ್ರವೇಶ ಹೊಂದಿರುವ ಟಿವಿ ಇದಾಗಿದೆ. ಅಲ್ಲದೆ ಈ ಸ್ಮಾರ್ಟ್‌ಟಿವಿ ಆಂಡ್ರಾಯ್ಡ್ ಟಿವಿ 9 ಪೈ ಅನ್ನು ಹೊಂದಿದೆ. ಇನ್ನು ವಿಯು ತನ್ನ ದುಬಾರಿ 4K ಸಿನೆಮಾ ಟಿವಿ ಶ್ರೇಣಿಯಿಂದ ಕೆಲವು ಹೊಸ ಫೀಚರ್ಸ್‌ಗಳನ್ನ ಬಜೆಟ್‌ಬೆಲೆಯ ಸ್ಮಾರ್ಟ್‌ಟಿವಿಗಳಲ್ಲೂ ಪರಿಚಯಿಸಲು ಮುಂದಾಗಿದೆ.

ಇದಲ್ಲದೆ ವಿಯು ಸಿನೆಮಾ ಪರಿಚಯಿಸಿರುವ 32 ಇಂಚಿನ ಸ್ಮಾರ್ಟ್‌ಟಿವಿ ಬೆಲೆ ರೂ. 12,999 ಹೊಂದಿದೆ. ಹಾಗೇಯೇ 43-ಇಂಚಿನ ಸ್ಮಾರ್ಟ್‌ಟಿವಿಗೆ 21,999,ರೂ ಬೆಲೆಯನ್ನ ನಿಗಧಿಪಡಿಸಲಾಗಿದೆ.ಇನ್ನು ವಿಯು ಸಿನೆಮಾ ಟಿವಿ 50-ಇಂಚಿನ 4K ರೂಪಾಂತರದಲ್ಲಿಯೂ ಉತ್ತಮ ಗುಣಮಟ್ಟದ ಧ್ವನಿಯನ್ನ ನಾವು ಕೇಳಬಹುದಾಗಿದೆ. ಸದ್ಯ ಜುಲೈ ತಿಂಗಳಿನಲ್ಲಿ ಈ ಸ್ಮಾರ್ಟ್‌ಟಿವಿಗಳು ಲಭ್ಯವಾಗುವ ಸಾಧ್ಯತೆ ಇದ್ದು, ಭಾರತದಲ್ಲಿ ಇನ್ನು ಹೊಸ ಮಾದರಿಯ ಕೈಗೆಟುಕುವ ಟಿವಿಗಳನ್ನು ಬಿಡುಗಡೆ ಮಾಡುವ ನಿರೀಕ್ಷೆಯಿದೆ.