'ವಿಯು' ಕಂಪೆನಿಯಿಂದ ಮೂರು ಹೊಸ ಸ್ಮಾರ್ಟ್‌ಟಿವಿ ಬಿಡುಗಡೆ!

ಹೌದು, ವಿಯು ಟೆಲಿವಿಷನ್‌ ಸಂಸ್ಥೆಯು ವಿವಿಧ ಗ್ರಾತ್ರಗಳ ಒಟ್ಟು ಮೂರು 4K ಮಾದರಿಯ ಸ್ಮಾರ್ಟ್‌ಟಿವಿಗಳನ್ನು ರಿಲೀಸ್ ಮಾಡಿದ್ದು, 43, 50, 55 ಮತ್ತು ಇಂಚಿನ ಆಯ್ಕೆಗಳಲ್ಲಿ ದೊರೆಯಲಿವೆ. ಈ ಸ್ಮಾರ್ಟ್‌ಟಿವಿಗಳಲ್ಲಿ ಆಂಡ್ರಾಯ್ಡ್‌ 9 ಫೈ ಅಪರೇಟಿಂಗ್ ಸಿಸ್ಟಮ್ ಕಾರ್ಯನಿರ್ವಹಿಸಲಿದ್ದು, ಜೊತೆಗೆ ಡಾಲ್ಬಿ ವಿಷನ್‌ ಹಾಗೂ ಆಕ್ಟಿವೈಯಸ್‌ ರಿಮೋಟ್‌, ಎಚ್‌ಡಿಆರ್ ಅನ್ನು ಒಳಗೊಂಡಿವೆ.

ಈಗಾಗಲೇ ಭಾರತೀಯ ಸ್ಮಾರ್ಟ್‌ಟಿವಿ ಮಾರುಕಟ್ಟೆಯಲ್ಲಿ ಒನ್‌ ಫ್ಲಸ್‌, ಶಿಯೋಮಿ, ಸ್ಯಾಮ್‌ಸಂಗ್‌, ಎಲ್‌ಜಿ ಕಂಪೆನಿಗಳ ಸ್ಮಾರ್ಟ್‌ಟಿವಿಗಳ ಭರಾಎ ಜೋರಾಗಿಯೇ ನಡೆಯುತ್ತಿದೆ. ಈ ನಡುವೆ ಅಗ್ಗದ ಬೆಲೆಯಲ್ಲಿ ಸ್ಮಾರ್ಟ್‌ಟಿವಿಗಳನ್ನ ಬಿಡುಗಡೆ ಮಾಡಿದ ಖ್ಯಾತಿ ಪಡೆದಿರೋ 'ವಿಯು' ಕೂಡ ಇತರೆ ಕಂಪೆನಿಗಳ ಜೊತೆ ಪೈಪೋಟಿ ನಡೆಸುತ್ತಿದೆ. ಈ ಪೈಪೋಟಿಯನ್ನ ಇನ್ನಷ್ಟು ಸ್ಪರ್ಧಾತ್ಮಕ ಗೊಳಿಸಲು ಹೊಸ ಮಾದರಿಯ 4k ರೆಸಲ್ಯೂಶನ್‌ ಹೊಂದಿರುವ ಸ್ಮಾರ್ಟ್‌ಟಿವಿಗಳನ್ನ ಬಿಡುಗಡೆ ಮಾಡಲಿದೆ ಎಂದೇ ಹೇಳಲಾಗ್ತಿದೆ.

'ವಿಯು' ಕಂಪೆನಿ ಇದೀಗ ಬಿಡುಗಡೆ ಮಾಡಿರುವ ವಿಯು ಸಿನಿಮಾ ಸ್ಮಾರ್ಟ್‌ಟಿವಿ ಸರಣಿಯಲ್ಲಿ ಎಲ್ಲಾ ಮಾದರಿಗಳು 3840x2160 ಪಿಕ್ಸೆಲ್‌ ಸೆನ್ಸಾರ್‌ ಹೊಂದಿರುವ 4 ಕೆ ರೆಸಲ್ಯೂಶನ್ ಸ್ಕ್ರೀನ್‌ ಅನ್ನು ಒಳಗೊಂಡಿರುತ್ತವೆ. ಜೊತೆಗೆ ಡಾಲ್ಬಿ ವಿಷನ್ ಎಚ್‌ಡಿಆರ್ ಮತ್ತು ಸ್ಟಾಕ್ ಆಂಡ್ರಾಯ್ಡ್ ಟಿವಿ 9ಪೈ ಮೂಲಕ ಕಾರ್ಯನಿರ್ವಹಿಸಲಿವೆ. ಅಲ್ಲದೆ ಬಳಕೆದಾರರ ಜನಪ್ರಿಯ ಆಯ್ಕೆಗಳಾದ ಯೂಟ್ಯೂಬ್, ನೆಟ್‌ಫ್ಲಿಕ್ಸ್, ಅಮೆಜಾನ್ ಪ್ರೈಮ್ ವಿಡಿಯೋ ಮತ್ತು ಹಾಟ್‌ಸ್ಟಾರ್ ಸೇರಿದಂತೆ ಹಲವಾರು ಅಪ್ಲಿಕೇಶನ್‌ಗಳು ಮತ್ತು ಸ್ಟ್ರೀಮಿಂಗ್ ಸೇವೆಗಳನ್ನು ಈ ಸ್ಮಾರ್ಟ್‌ಟಿವಿಗಳು ಬೆಂಬಲಿಸಲಿವೆ.

ಇನ್ನು ವಿಯು ಸಿನಿಮಾ ಸ್ಮಾರ್ಟ್‌ಟಿವಿಗಳು 43, 50, 55 ಇಂಚಿನ ಎಲ್‌ಇಡಿ ಡಿಸ್‌ಪ್ಲೇ ಯನ್ನು ಹೊಂದಿದ್ದು, ಪಿಕ್ಸೆಲಿಯಮ್ ಗ್ಲಾಸ್ ಟೆಕ್ನಾಲಜಿಯನ್ನು ಹೊಂದಿವೆ. ಇದು 500 ನಿಟ್‌ಗಳ ಕ್ಲೈಮ್ ಬ್ರೈಟ್‌ನೆಶ್‌ ಅನ್ನು ಹೆಚ್ಚಿಸಲಿದೆ ಎಂದು ಹೇಳಲಾಗಿದೆ. ಅಲ್ಲದೆ ಈ ಶ್ರೇಣಿಯ ಸ್ಮಾರ್ಟ್‌ಟಿವಿಗಳು ಟ್ವೀಟರ್‌ ಮತ್ತು ಫುಲ್‌ ರೇಂಜ್‌ ಸ್ಪೀಕರ್‌ಗಳ ಜೊತೆ ಸಂಯೋಜಿಸ ಬಹುದಾಗಿದೆ. ಅಲ್ಲದೆ ಟಿವಿಯ ಮುಂಭಾಗದಲ್ಲಿ ಫೈರಿಂಗ್ ಸೌಂಡ್‌ಬಾರ್ ತರಹದ ಸ್ಪೀಕರ್ ವ್ಯವಸ್ಥೆಯನ್ನ ನೀಡಲಾಗಿದ್ದು, ಇದು 40W ಸೌಂಡ್‌ ಔಟ್‌ಪುಟ್‌ ಅನ್ನ ನೀಡುತ್ತದೆ.

ವಿಯು ಕಂಪೆನಿಯ ಈ ಹೊಸ ಸ್ಮಾರ್ಟ್‌ಟಿವಿಗಳಲ್ಲಿ 43 ಇಂಚಿನ 'ವಿಯು' ಸಿನೆಮಾ ಟಿವಿಯ ಬೆಲೆ 26,999,ರೂ ಆಗಿದೆ. 50 ಇಂಚಿನ ಆಯ್ಕೆಗೆ ರೂ. 29,999, ಇದ್ದರೆ 55 ಇಂಚಿನ 'ವಿಯು' ಸಿನೆಮಾ ಟಿವಿಯ ಬೆಲೆ 33,999 ರೂ.ಆಗಿದೆ. ಈ ಸ್ಮಾರ್ಟ್‌ ಟಿವಿಗಳ ಸರಣಿಯು ಜನವರಿ 18 ರಂದು ಅಮೆಜಾನ್ ಇಂಡಿಯಾದಲ್ಲಿ ಮಾರಾಟವಾಗುತ್ತಿದೆ, ಮತ್ತು 'ವಿಯು' ವಿತರಕರು ಮತ್ತು ಮಳಿಗೆಗಳ ಮೂಲಕ ಆಫ್‌ಲೈನ್‌ನಲ್ಲಿ ಸಹ ಲಭ್ಯವಿರುತ್ತದೆ.