ದೇಶಿ ಮಾರುಕಟ್ಟೆಗೆ ಲಗ್ಗೆ ಇಟ್ಟ 'ವಿಯು ಮಾಸ್ಟರ್‌ಪೀಸ್‌' ಸ್ಮಾರ್ಟ್‌ಟಿವಿ!

ಹೌದು, ವಿಯು ಸಂಸ್ಥೆ ತನ್ನ ವಿಯು ಮಾಸ್ಟರ್‌ಪೀಸ್ ಟಿವಿಯನ್ನು ಭಾರತದ ಮಾರುಕಟ್ಟೆಯಲ್ಲಿ ಪರಿಚಯಿಸಿದೆ. ಇದು 85-ಇಂಚಿನ ಗಾತ್ರದ ಆಯ್ಕೆಯಲ್ಲಿ ಲಭ್ಯವಿದ್ದು, 4K HDR QLED ಸ್ಕ್ರೀನ್‌ ಅನ್ನು ಹೊಂದಿದೆ. ಡಾಲ್ಬಿ ವಿಷನ್ ಎಚ್‌ಡಿಆರ್ ಸ್ಟ್ಯಾಂಡರ್ಡ್ ಮತ್ತು 50W ಇಂಟರ್‌ಬಿಲ್ಟ್‌ ಸೌಂಡ್‌ಬಾರ್‌ಗೆ ಬೆಂಬಲವನ್ನು ಹೊಂದಿದೆ. ಇನ್ನು ಈ ಸ್ಮಾರ್ಟ್‌ಟಿವಿ 3,50,000. ರೂ ಬೆಲೆಯನ್ನು ಹೊಂದಿದೆ. ಇನ್ನುಳಿದಂತೆ ಈ ಸ್ಮಾರ್ಟ್‌ಟಿವಿ ಯಾವೆಲ್ಲಾ ಫೀಚರ್ಸ್‌ ಹೊಂದಿದೆ ಅನ್ನೊದನ್ನ ಈ ಲೇಖನದಲ್ಲಿ ತಿಳಿಸಿಕೊಡ್ತಿವಿ ಓದಿರಿ.

ವಿಯು ಮಾಸ್ಟರ್‌ ಪೀಸ್‌ ಟೆಲಿವಿಷನ್ 85 ಇಂಚಿನ ಅಲ್ಟ್ರಾ-ಎಚ್ಡಿ QLED ಸ್ಕ್ರೀನ್‌ನ್ನು ಒಳಗೊಂಡಿದೆ. ಇದು ಎಚ್‌ಡಿಆರ್ ಅನ್ನು ಡಾಲ್ಬಿ ವಿಷನ್ ಸ್ವರೂಪಕ್ಕೆ ಬೆಂಬಲಿಸುತ್ತದೆ. ಅಲ್ಲದೆ ಈ ಟಿವಿ ಗರಿಷ್ಠ ರಿಫ್ರೆಶ್ ರೇಟ್‌ 120Hz ಹೊಂದಿದೆ ಮತ್ತು 1,000 ನಿಟ್ಸ್‌ ಗರಿಷ್ಠ ಬ್ರೈಟ್‌ನೆಶ್‌ ಅನ್ನು ಸಹ ಹೊಂದಿದೆ. ಇನ್ನು ವಿಯು ಮಾಸ್ಟರ್‌ಪೀಸ್ ಟಿವಿಯಲ್ಲಿ local dimming ಇದೆ. ಇದನ್ನು ಎಲ್‌ಇಡಿ ಬ್ಯಾಕ್‌ಲೈಟ್‌ನಲ್ಲಿ 256 ವಲಯಗಳನ್ನು ನಿರ್ಮಿಸಲಾಗಿದೆ. ಜೊತೆಗೆ ಈ ಸ್ಮಾರ್ಟ್‌ಟಿವಿ ಇಂಟರ್‌ಬಿಲ್ಟ್‌ ವಿಂಡೋಸ್ 10 ಪಿಸಿಯನ್ನು ಆಪ್ಸನಲ್‌ ಅಪ್‌ಗ್ರೇಡ್ ಆಗಿದೆ.

ಇನ್ನು ಈ ಸ್ಮಾರ್ಟ್‌ಟಿವಿ ಇಂಟೆಲ್ ಕೋರ್ ಐ 5 ಪ್ರೊಸೆಸರ್ ಹೊಂದಿದ್ದು,ಇದು ಆಂಡ್ರಾಯ್ಡ್ ಟಿವಿ 9 ಪೈ-ಚಾಲಿತ ಸ್ಮಾರ್ಟ್ ಟೆಲಿವಿಷನ್ ಆಗಿದೆ. ಕ್ಯಾಮೆರಾ, ಇಂಟರ್‌ಬಿಲ್ಟ್‌ ಟ್ರ್ಯಾಕ್‌ಪ್ಯಾಡ್‌ನೊಂದಿಗೆ ವಾಯರ್‌ಲೆಸ್ ಕೀಬೋರ್ಡ್ ಮತ್ತು ವಾಯರ್‌ಲೆಸ್ ಮೈಕ್ರೊಫೋನ್ ಸಹ ಟಿವಿಯನ್ನು ಉತ್ಪಾದಕತೆ ಮತ್ತು ಕೆಲಸ-ಸಂಬಂಧಿತ ಕಾರ್ಯಗಳಿಗೆ ಸೂಕ್ತವಾಗಿಸುತ್ತದೆ. ಆಂಡ್ರಾಯ್ಡ್ ಟಿವಿ ಕಾರ್ಯವು ಪ್ರತ್ಯೇಕ ಕ್ವಾಡ್-ಕೋರ್ ಪ್ರೊಸೆಸರ್‌ನಲ್ಲಿ ಕಾರ್ಯನಿರ್ವಹಿಸುತ್ತದೆ. ಅಲ್ಲದೆ ಅಪ್ಲಿಕೇಶನ್‌ಗಳು ಮತ್ತು ಅಪ್ಲಿಕೇಶನ್ ಡೇಟಾಗಾಗಿ 2GB RAM ಮತ್ತು 16GB ಇಂಟರ್‌ ಸ್ಟೋರೇಜ್‌ ಅನ್ನು ಹೊಂದಿದೆ.

ಈ ಸ್ಮಾರ್ಟ್‌ಟಿವಿಯ ಮುಂಭಾಗದಲ್ಲಿ ನಿರ್ಮಿಸಲಾದ ಸೌಂಡ್‌ಬಾರ್ ಸ್ಪೀಕರ್ ಆಗಿದೆ. ಆರು-ಸ್ಪೀಕರ್ ವ್ಯವಸ್ಥೆಯು 50W ನ ರೇಟ್ ಮಾಡಲಾದ ಧ್ವನಿ ಉತ್ಪಾದನೆಯನ್ನು ಹೊಂದಿದೆ. ಅಲ್ಲದೆ ಡಾಲ್ಬಿ MS12 ಮತ್ತು DTS: X ಸ್ವರೂಪಗಳಿಗೆ ಬೆಂಬಲ ನೀಡುತ್ತದೆ. ಆಂಡ್ರಾಯ್ಡ್ ಟಿವಿ 9 ಪೈನಲ್ಲಿ ವಿಯು ಮಾಸ್ಟರ್‌ಪೀಸ್ ಟಿವಿ ಚಾಲನೆಯಲ್ಲಿರುವಾಗ, ನೆಟ್‌ಫ್ಲಿಕ್ಸ್, ಅಮೆಜಾನ್ ಪ್ರೈಮ್ ವಿಡಿಯೋ ಮತ್ತು ಹಾಟ್‌ಸ್ಟಾರ್ ಸೇರಿದಂತೆ ಎಲ್ಲಾ ಪ್ರಮುಖ ಅಪ್ಲಿಕೇಶನ್‌ಗಳು ಮತ್ತು ಸ್ಟ್ರೀಮಿಂಗ್ ಸೇವೆಗಳಿಗೆ ಬೆಂಬಲಿಸಲಿದೆ.ಇನ್ನು ಈ ಸ್ಮಾರ್ಟ್‌ಟಿವಿ ಕಪ್ಪು ಮತ್ತು ‘ಅರ್ಮಾನಿ ಗೋಲ್ಡ್' ಬಣ್ಣದ ಆಯ್ಕೆಯಲ್ಲಿ ಲಭ್ಯವಾಗಲಿದೆ.