ಬ್ರೇಕಿಂಗ್: ಭೂಮಿಯಂತಹುದೇ ಜೀವಿಗಳು ಇರಬಹುದಾದ ಮತ್ತೊಂದು ಗ್ರಹ ಪತ್ತೆ!

|

ಭೂಮಿಯಂತಹ ತಾಪಮಾನವನ್ನು ಮತ್ತು ದ್ರವರೂಪದಲ್ಲಿ ನೀರನ್ನು ಹೊಂದಿರುವ ನೂತನ ಗ್ರಹವೊಂದನ್ನು ವಿಜ್ಞಾನಿಗಳು ಪತ್ತೆಹಚ್ಚಿದ್ದಾರೆ. ಸೌರಮಂಡಲದ ಹೊರಗೆ ನಕ್ಷತ್ರವನ್ನು ಸುತ್ತುವ ''ಕೆ 2-18 ಬಿ (K2-18b)'' ಗ್ರಹದ ವಾತಾವರಣದಲ್ಲಿ ಇದೇ ಮೊದಲ ಬಾರಿಗೆ ದ್ರವರೂಪದಲ್ಲಿ ನೀರು ಇರುವುದು ಪತ್ತೆಯಾಗಿದೆ ಎಂದು ವಿಜ್ಞಾನಿಗಳು ಹೇಳಿದ್ದಾರೆ. ಭೂಮಿಯ ಮೇಲಿರುವಂತೆಯೇ ಅಲ್ಲಿ ಕೂಡ ಉಷ್ಣಾಂಶವಿದ್ದು ಅದು ಜೀವಿಗಳಿಗೆ ಬದುಕಲು ಸಹಾಯವಾಗುವ ರೀತಿಯಲ್ಲಿದೆ ಎಂದು ವಿಜ್ಞಾನಿಗಳು ತಿಳಿಸಿದ್ದಾರೆ.

ವಾಸಯೋಗ್ಯ ವಲಯ

ಹೌದು, ಭೂಮಿಯ ದ್ರವ್ಯರಾಶಿಯ ಎಂಟು ಪಟ್ಟು ದೊಡ್ಡದಾಗಿದ್ದು, ಕೆ 2-18 ಬಿ ಗ್ರಹ ತನ್ನ ನಕ್ಷತ್ರದ "ವಾಸಯೋಗ್ಯ ವಲಯ" ದಲ್ಲಿ ಕಾಣಿಸಿಕೊಂಡಿದೆ. ಇಲ್ಲಿ ನೀರು ದ್ರವರೂಪದಲ್ಲಿದೆ ಎಂದು ವಿಜ್ಞಾನಿಗಳು ಹೇಳಿರುವುದಾಗಿ ನೇಚರ್ ಅಸ್ಟ್ರೊನೊಮಿ ವರದಿ ಮಾಡಿದೆ. ಆ ನಕ್ಷತ್ರದಿಂದ ಹೆಚ್ಚು ದೂರವೂ ಅಲ್ಲದೆ ಮತ್ತು ಹೆಚ್ಚು ಹತ್ತಿರವೂ ಅಲ್ಲದೆ ಪರಿಭ್ರಮಿಸುತ್ತಿದೆ. ಇದನ್ನು ಸೌರಮಂಡಲದ ಹೊರಗೆ ಇರುವ ಉತ್ತಮ ಗ್ರಹ ಎಂದು ವಿಜ್ಞಾನಿಗಳು ಬಣ್ಣಿಸಿದ್ದು ಇಲ್ಲಿ ಜೀವಿಗಳು ವಾಸಿಸುತ್ತಿದ್ದಾರೆಯೇ ಎಂಬ ಹುಡುಕಾಟದಲ್ಲಿ ವಿಜ್ಞಾನಿಗಳು ತೊಡಗಿದ್ದಾರೆ.

110 ಬೆಳಕಿನ ವರ್ಷಗಳ ದೂರದಲ್ಲಿ

ಲಿಯೋ ನಕ್ಷತ್ರಪುಂಜದಲ್ಲಿ ಭೂಮಿಯಿಂದ ಸುಮಾರು 110 ಬೆಳಕಿನ ವರ್ಷಗಳ ದೂರದಲ್ಲಿರುವ ತಂಪಾದ ಕುಬ್ಜ ನಕ್ಷತ್ರ ಕೆ 2-18 ಅನ್ನು ಈ ಗ್ರಹವು ಪರಿಭ್ರಮಿಸುತ್ತದೆ ಎಂದು ಸಂಶೋಧಕರು ತಿಳಿಸಿದ್ದಾರೆ. ಈ ಗ್ರಹದ ಮೇಲ್ಮೈಯಲ್ಲಿ ಸಾಗರ ಇರಬಹುದು ಎಂದು ಭಾವಿಸಲು ಸಾಧ್ಯವಿಲ್ಲ, ಆದರೆ ಸಾಧ್ಯತೆಯಿದೆ. ಇಂದಿನವರೆಗೆ ಪತ್ತೆಹಚ್ಚಿರುವ 4 ಸಾವಿರಕ್ಕೂ ಅಧಿಕ ಸೌರಮಂಡಲದ ಹೊರಗೆ ನಕ್ಷತ್ರಗಳನ್ನು ಸುತ್ತುವ ಗ್ರಹಗಳಲ್ಲಿ ಕಲ್ಲಿನ ಮೇಲ್ಮೈ ಮತ್ತು ವಾತಾವರಣವನ್ನು ನೀರಿನೊಂದಿಗೆ ಸಂಯೋಜಿಸುವ ಗ್ರಹ ಇದೇ ಮೊದಲಾಗಿದೆ.

ರಾತ್ರೋರಾತ್ರಿ ಇಂಟರ್‌ನೆಟ್‌ನಲ್ಲಿ ಜಗತ್ಪ್ರಸಿದ್ದರಾದವರು ಈ 7 ಜನರು!!

ಫಲಿತಾಂಶಗಳು ಬಹಿರಂಗಪಡಿಸಿದವು

''2-18 ಬಿ'' ಗ್ರಹದಲ್ಲಿ ನೀರಿನ ಆವಿಯು ಇರುವುದನ್ನು ಫಲಿತಾಂಶಗಳು ಬಹಿರಂಗಪಡಿಸಿದವು. ಇದು ಗ್ರಹದ ವಾತಾವರಣದಲ್ಲಿ ಹೈಡ್ರೋಜನ್ ಮತ್ತು ಹೀಲಿಯಂ ಇರುವಿಕೆಯನ್ನು ಸೂಚಿಸುತ್ತದೆ. ಮೋಡದ ವ್ಯಾಪ್ತಿ ಮತ್ತು ವಾತಾವರಣದ ನೀರಿನ ಶೇಕಡಾವಾರು ಪ್ರಮಾಣವನ್ನು ಅಂದಾಜು ಮಾಡಲು ಹೆಚ್ಚಿನ ಅಧ್ಯಯನಗಳು ಅಗತ್ಯವಾಗಿವೆ ಎಂದು ಸಂಶೋಧಕರು ತಿಳಿಸಿದ್ದಾರೆ. ಇನ್ನು ಅಲ್ಲಿ ಸಾರಜನಕ ಮತ್ತು ಮೀಥೇನ್ ಸೇರಿದಂತೆ ಇತರ ಅಣುಗಳು ಸಹ ಇರಬಹುದು ಎಂದು ಅವರು ನಂಬಿದ್ದಾರೆ.

ಸೂಪರ್ ಅರ್ಥ್ಸ್ ಪ್ಲಾನೆಟ್

ಕೆ2-18ಬಿ ಪತ್ತೆಯಾಗಿದ್ದು 2015ರಲ್ಲಿ. ಸೂಪರ್ ಅರ್ಥ್ಸ್ ಪ್ಲಾನೆಟ್ ಎಂದು ಕರೆಯಲ್ಪಡುವ ನೂರಾರು ಗ್ರಹಗಳಲ್ಲಿ ಇದು ಕೂಡ ಒಂದು. ಮುಂದಿನ ದಶಕಗಳಲ್ಲಿ ಇಂತಹ ನೂರಾರು ಗ್ರಹಗಳನ್ನು ಬಾಹ್ಯಾಕಾಶ ಯೋಜನೆಯಲ್ಲಿ ವಿಜ್ಞಾನಿಗಳು ಕಂಡುಹಿಡಿಯುವ ಸಾಧ್ಯತೆಯಿದೆ "ಭೂಮಿಯ ಹೊರತಾಗಿ ವಾಸಯೋಗ್ಯ ಜಗತ್ತಿನಲ್ಲಿ ನೀರನ್ನು ಹುಡುಕುವುದು ನಂಬಲಾಗದಷ್ಟು ರೋಮಾಂಚನಕಾರಿಯಾಗಿದೆ" ಎಂದು ಯುಕೆ ಯ ಯೂನಿವರ್ಸಿಟಿ ಕಾಲೇಜ್ ಲಂಡನ್ (ಯುಸಿಎಲ್) ನ ಏಂಜೆಲೋಸ್ ಸಿಯಾರಾಸ್ ಅವರು ಹೇಳಿದ್ದಾರೆ.

Most Read Articles
Best Mobiles in India

English summary
K2-18b is now the only planet orbiting a star outside the Solar System known to have both water and temperatures that could be potentially habitable. to know more visit to kannada.gizbot.com

ಉತ್ತಮ ಫೋನ್‌ಗಳು

ತಾಜಾ ಸುದ್ದಿ ತಕ್ಷಣ ಪಡೆಯಿರಿ
Enable
x
Notification Settings X
Time Settings
Done
Clear Notification X
Do you want to clear all the notifications from your inbox?
Settings X
We use cookies to ensure that we give you the best experience on our website. This includes cookies from third party social media websites and ad networks. Such third party cookies may track your use on Gizbot sites for better rendering. Our partners use cookies to ensure we show you advertising that is relevant to you. If you continue without changing your settings, we'll assume that you are happy to receive all cookies on Gizbot website. However, you can change your cookie settings at any time. Learn more