ನಿಮ್ಮ ಮೊಬೈಲ್‌ನಿಂದ ನಿಮ್ಮ ಮಕ್ಕಳ ಮೊಬೈಲ್ ಅನ್ನು ನಿಯಂತ್ರಿಸಿ!!

By Bhaskar N J

    ಮಕ್ಕಳು ಇಂಟರ್‌ನೆಟ್ ಅನ್ನು ಒಳ್ಳೆಯ ವಿಷಯಗಳಿಗೆ ಬಳಕೆ ಮಾಡಿದರೆ ಅದು ಅವರ ಭವಿಷ್ಯದ ಬೆಳವಣಿಗೆಗೆ ಸಹಕಾರಿ. ಹಾಗೆಯೇ, ಅವರು ಅದನ್ನು ಕೆಟ್ಟದಕ್ಕೆ ಬಳಕೆ ಮಾಡಿದರೆ ಅವರ ಭವಿಷ್ಯಕ್ಕೆ ಮಾರಕ. ಇದು ಮಕ್ಕಳು ಇಂಟರ್‌ನೆಟ್‌ ಬಳಕೆ ಮಾಡಬೇಕೆ ಅಥವಾ ಮಾಡಬಾರದೇ ಎಂಬ ಬಹುತೇಕ ಪೋಷಕರ ಯಕ್ಷ ಪ್ರಶ್ನೆಗೆ ಉತ್ತರ ಎಂದರೆ ತಪ್ಪಾಗಲಾರದು.

    ಹಾಗಾಗಿ, ನಾವು ಮಕ್ಕಳು ಒಳ್ಳೆಯದಕ್ಕೆ ಇಂಟರ್‌ನೆಟ್ ಬಳಕೆ ಮಾಡುವಂತೆ ನಾವು ನೋಡಿಕೊಳ್ಳಬೇಕು. ಆದರೆ, ಮಕ್ಕಳು ಇಂಟರ್‌ನೆಟ್‌ ಅನ್ನು ಒಳ್ಳೆಯದಕ್ಕೆ ಅಥವಾ ಕೆಟ್ಟದಕ್ಕೆ ಬಳಸುತ್ತಿದ್ದಾರೆ ಎಂಬುದನ್ನು ತಿಳಿಯುವುದು ಹೇಗೆ ಎಂಬ ಪ್ರಶ್ನೆ ನಿಮಗೆ ಮೂಡಿರಬಹುದು. ಆದರೆ, ಚಿಂತಿಸಬೇಡಿ. ಈ ಪ್ರಶ್ನೆಗೆ ಖಂಡಿತವಾಗಿ ಸ್ಪಷ್ಟ ಉತ್ತರ ನಿಮಗೆ ದೊರೆಯುತ್ತದೆ.

    ನಿಮ್ಮ ಮೊಬೈಲ್‌ನಿಂದ ನಿಮ್ಮ ಮಕ್ಕಳ ಮೊಬೈಲ್ ಅನ್ನು ನಿಯಂತ್ರಿಸಿ!!

    ಏಕೆಂದರೆ, ಮಕ್ಕಳು ಅವರ ಮೊಬೈಲ್‌ನಲ್ಲಿ ಹೇಗೆಲ್ಲಾ ಇಂಟರ್‌ನೆಟ್ ಬಳಕೆ ಮಾಡುತ್ತಾರೆ ಎಂಬುದನ್ನು ನಿಮ್ಮ ಮೊಬೈಲ್‌ನಲ್ಲಿ ನೋಡಬಹುದಾಗಿದೆ. ನಿಮ್ಮ ಮಕ್ಕಳು ಹೇಗೆಲ್ಲಾ ಇಂಟರ್‌ನೆಟ್ ಬಳಕೆ ಮಾಡುತ್ತಾರೆ ಎಂಬುದನ್ನು ನೋಡುವುದಕ್ಕಾಗಿಯೇ ಆಪ್‌ ಒಂದು ಇದೆ. ಹಾಗಾದರೆ, ಆ ಆಪ್ ಯಾವುದು? ಆಪ್ ಹೇಗೆ ಕೆಲಸ ಮಾಡುತ್ತದೆ ಎಂಬುದನ್ನು ಮುಂದೆ ತಿಳಿಯಿರಿ.

    ತಂತ್ರಜ್ಞಾನ ಮಾಹಿತಿಗಾಗಿ ಕನ್ನಡ ಗಿಜ್‌ಬಾಟ್ ಫೇಸ್‌ಬುಕ್ ಪೇಜ್ ಲೈಕ್ ಮಾಡಿ

    ಫ್ಯಾಮಿಲಿ ಲಿಂಕ್‌ ಆಪ್! (familylink)

    ಮಕ್ಕಳು ಅವರ ಮೊಬೈಲ್‌ನಲ್ಲಿ ಹೇಗೆಲ್ಲಾ ಇಂಟರ್‌ನೆಟ್ ಬಳಕೆ ಮಾಡುತ್ತಾರೆ ಎಂಬುದನ್ನು ಪೋಷಕರು ತಿಳಿಯುದಕ್ಕಾಗಿ 'ಫ್ಯಾಮಿಲಿ ಲಿಂಕ್‌' ಎನ್ನುವ ಆಪ್ ಅಭಿವೃದ್ದಿಯಾಗಿದೆ. ಈ ಆಪ್‌ನಲ್ಲಿ ಮಕ್ಕಳ ಮೇಲೆ ನಿಗಾವಹಿಸಲು ಹಲವು ಸೌಲಭ್ಯಗಳನ್ನು ಕಲ್ಪಿಸಲಾಗಿದೆ. ಈ ಆಪ್ ಇದ್ದರೆ, ನಿಮ್ಮ ಮೊಬೈಲ್‌ನಿಂದಲೇ ನಿಮ್ಮ ಮಕ್ಕಳ ಮೊಬೈಲ್ ಅನ್ನು ನಿಯಂತ್ರಿಸಬಹುದಾಗಿದೆ.

    ಹೇಗೆ ಕಾರ್ಯನಿರ್ವಹಿಸುತ್ತದೆ ಆಪ್?

    ಮಕ್ಕಳು ಮೊಬೈಲ್‌ನಲ್ಲಿ ಯಾವುದಾದರೂ ವಿಡಿಯೋ ನೋಡುತ್ತಿದ್ದರೆ ಅಥವಾ ಗೇಮ್‌ಗಳಲ್ಲಿಯೇ ಕಾಲ ಕಳೆಯುತ್ತಿದ್ದರೆ ನೀವೇ ಅವುಗಳನ್ನು ನಿಮ್ಮ ಮೊಬೈಲ್‌ನಿಂದಲೇ ಸ್ಥಗಿತ ಗೊಳಿಸಬಹುದಾಗಿದೆ. ಮಕ್ಕಳು ಮಲಗುವ ಮತ್ತು ಓದುವ ವೇಳೆಯಲ್ಲಿ ಅವರು ಫೋನ್‌ ಬಳಸುತ್ತಿದ್ದರೆ, ನಿಮ್ಮ ಮೊಬೈಲ್‌ನಿಂದ ಅವರ ಮೊಬೈಲ್ ಅನ್ನು ಸ್ವಿಚ್‌ಆಫ್‌ ಮಾಡಬಹುದು.

    ಆಪ್ ಬಳಕೆ ಹೇಗೆ?

    ಫ್ಯಾಮಿಲಿ ಲಿಂಕ್‌ ಆಪ್ ಅನ್ನು ತೆರೆದು ಮಕ್ಕಳಿಗಾಗಿ ಗೂಗಲ್‌ ಅಕೌಂಟ್ ರಚಿಸಿಕೊಳ್ಳಬೇಕು. ಅಂದರೆ, ಅವರ ಹೆಸರು ಮತ್ತು ಜನ್ಮದಿನಾಂಕ ದಾಖಲಿಸಿ ಖಾತೆ ತೆರೆಯಬೇಕು. ನಂತರ ಮಕ್ಕಳು ಆಂಡ್ರಾಯ್ಡ್ ಡಿವೈಸ್‌ನಲ್ಲಿ ಲಾಗಿನ್ ಆದ ಕೂಡಲೇ, ಅದರ ಮಾಹಿತಿ ಪೋಷಕರ ಇ-ಮೇಲ್‌ಗೆ ಬರುತ್ತದೆ. ಇದು ಅವರ ಮೊಬೈಲ್‌ನಲ್ಲಿ ನಿಮ್ಮ ಖಾತೆಯನ್ನು ಸಪೋರ್ಟ್ ಮಾಡಲಿದೆ.

    ಸಂಪೂರ್ಣ ಮಾಹಿತಿ ಲಭಿಸುತ್ತದೆ.

    ಆಪ್‌ಗೆ ಲಾಗಿನ್ ಆದ ನಂತರ ನಿಮ್ಮ ಮಗುವಿನ ಪ್ರೊಪೈಲ್ ಮೇಲೆ ಕ್ಲಿಕ್‌ ಮಾಡಿದರೆ, ನಿಮ್ಮ ಮಕ್ಕಳು ಇಂಟರ್‌ನೆಟ್‌ನಲ್ಲಿ ಏನು ಮಾಡುತ್ತಿದ್ದಾರೆ ಎನ್ನುವ ಸಂಪೂರ್ಣ ಮಾಹಿತಿ ನಿಮಗೆ ದೊರೆಯುತ್ತದೆ. ಯಾವ ಚಿತ್ರ, ವಿಡಿಯೊ ಡೌನ್‌ಲೋಡ್‌ ಮಾಡುತ್ತಿದ್ದಾರೆ ಮತ್ತು ಅವರು ಪ್ರಸ್ತುತ ಎಲ್ಲಿದ್ದಾರೆ ಎಂಬುದನ್ನು ಸಹ ನೋಡಬಹುದು.

    ಕನಿಷ್ಠ 13 ವರ್ಷ ಆಗಿರಬೇಕು.

    ನೀವು ಫ್ಯಾಮಿಲಿ ಲಿಂಕ್‌ಗೆ ನಿಮ್ಮ ಮಕ್ಕಳನ್ನು ಸೇರ್ಪಡೆ ಮಾಡಬೇಕಾದರೆ ಮಕ್ಕಳಿಗೆ ಕನಿಷ್ಠ 13 ವರ್ಷ ಆಗಿರಬೇಕು ಎಂಬ ನಿಯಮವಿದೆ. ಮಕ್ಕಳ ಆನ್‌ಲೈನ್‌ ಖಾಸಗೀತನ ರಕ್ಷಣೆ ಕಾಯ್ದೆ ಅನುಸಾರ 13 ವರ್ಷದೊಳಗಿನ ಮಕ್ಕಳ ಮಾಹಿತಿಯನ್ನು ಅಥವಾ ದತ್ತಾಂಶವನ್ನು ಒಪ್ಪಿಗೆ ಇಲ್ಲದೆಯೇ ಸಂಗ್ರಹಿಸುವಂತಿಲ್ಲ. ಇದು ಕಾನೂನಿಗೆ ವಿರುದ್ದವಾದುದು.

    ಡೌನ್‌ಲೋಡ್ ಮಾಡುವುದು ಹೇಗೆ?

    ಈ ಆಪ್‌ ಅನ್ನು ನೀವು ಇನ್‌ಸ್ಟಾಲ್ ಮಾಡಿಕೊಳ್ಳುವುದು ಸ್ವಲ್ಪ ಕಿರಿಕಿರಿ ಕೆಲಸ ಎನ್ನಬಹುದು. https://families.google.com/familylink ಲಿಂಕ್‌ನಿಂದ ಗೂಗಲ್‌ ವೆಬ್‌ಪೇಜ್‌ನಿಂದ ಇದಕ್ಕೆ ಸಂಬಂಧಿಸಿದ ಇ-ಮೇಲ್‌ ಲಿಂಕ್‌ ಬಳಕೆದಾರನಿಗೆ ಬರಬೇಕು. ನಂತರವೇ ಈ ಆಪ್‌ ಅನ್ನು ನೀವು ಡೌನ್‌ಲೋಡ್ ಮಾಡಿಕೊಳ್ಳಬಹುದು.

    ತಂತ್ರಜ್ಞಾನ ಮಾಹಿತಿಗಾಗಿ ಕನ್ನಡ ಗಿಜ್‌ಬಾಟ್ ಫೇಸ್‌ಬುಕ್ ಪೇಜ್ ಲೈಕ್ ಮಾಡಿ

    English summary
    If you have kids, you probably care about they do on a mobile device.to know more visit to kannada.gizbot.com
    Opinion Poll

    ಇಡೀ ದಿನದ ತಾಜಾ ಸುದ್ದಿಗಳನ್ನು ಒಂದೇ ಕ್ಲಿಕ್ ನಲ್ಲಿ ಪಡೆಯಿರಿಿ- Kannada Gizbot

    X
    We use cookies to ensure that we give you the best experience on our website. This includes cookies from third party social media websites and ad networks. Such third party cookies may track your use on Gizbot sites for better rendering. Our partners use cookies to ensure we show you advertising that is relevant to you. If you continue without changing your settings, we'll assume that you are happy to receive all cookies on Gizbot website. However, you can change your cookie settings at any time. Learn more