GST ಇಳಿಕೆಯಾದರು ಹೋಟೆಲ್ ದರ ಇಳಿಕೆಯಾಗಿಲ್ಲವೇ..? ತಕ್ಷಣ ಮೊಬೈಲ್‌ನಲ್ಲೇ ಕಂಪ್ಲೇಂಟ್ ಮಾಡಿ.!

ವಾದ ಮಾಡಕ್ಕೆ ಹೋಗಬೇಡಿ:

ಕೆಲವೊಮ್ಮೆ ರೆಸ್ಟೊರೆಂಟ್‌ಗಳಲ್ಲಿ ಬೆಲೆ ಇಳಿಕೆ ಮಾಡದ ಸಂದರ್ಭದಲ್ಲಿ ಗ್ರಾಹಕರು ವಾದಕ್ಕೆ ನಿಂತರೆ ಸುಮ್ಮನೆ ಟೈಮ್ ವೆಸ್ಟ್. ಜಿಎಸ್‌ಟಿ ಹೆಸರಿನಲ್ಲಿ ನಿಮಗೆ ವಂಚನೆಯಾಗುತ್ತಿದ್ದರೆ ನೀವು ನೇರವಾಗಿ ಕಂಪ್ಲೆಂಟ್ ಮಾಡಬಹುದು. ಅದು ಹೇಗೆ ಮುಂದಿದೇ ನೋಡಿ.

ದೂರು ಸಲ್ಲಿಸುವುದೇಲ್ಲಿ..?

ರೆಸ್ಟೊರೆಂಟ್‌ಗಳು, ಹೋಟೆಲ್‌ಗಳಲ್ಲಿ ಜಿಎಸ್‌ಟಿ ನೆಪದಲ್ಲಿ ವಂಚನೆ ಮಡುತ್ತಿದ್ದರೇ ನಾನಾ ವಿಧಗಳಲ್ಲಿ ದೂರು ನೀಡಬಹುದು. ಗ್ರಾಹಕ ವ್ಯವಹಾರ ಇಲಾಖೆಗೆ ತಮ್ಮ ದೂರು ಸಲ್ಲಿಸಬಹುದು.

CBEC GST ವೆಬ್‌ ಪೋರ್ಟಲ್:

ನೀವು https://cbec-gst.gov.in ವೆಬ್‌ ತಾಣಕ್ಕೆ ಭೇಟಿ ನೀಡುವ ಮೂಲಕ ಹೋಟೆಲ್‌ಗಳ ಮೇಲೆ ದೂರು ದಾಖಲಿಸಬಹುದು. ಅಲ್ಲಿ ದೂರು ಸಲ್ಲಿಸಬಹುದು ರೆಸ್ಟೊರೆಂಟ್‌, ಹೋಟೆಲ್‌ ಹೆಸರು, ವಿಳಾಸ, ಇತ್ಯಾದಿ ವಿವರಗಳನ್ನೂ ತಿಳಿಸಿ. ಇದರ ಆಧಾರದ ಮೇಲೆ ಸಂಬಂಧಪಟ್ಟವರು ಕ್ರಮ ತೆಗೆದುಕೊಳ್ಳುತ್ತಾರೆ. ಈ ಬಗ್ಗೆ ನಿಮಗೆ ಇ-ಮೇಲ್‌ ಮೂಲಕ ಮಾಹಿತಿಯನ್ನು ನೀಡಲಿದೆ.

ಇ-ಮೇಲ್‌ ಮಾಡಬಹುದಾಗಿದೆ:

ನೀವು [email protected] ಮೂಲಕ ಕೂಡ ನಿಮ್ಮ ದೂರುಗಳನ್ನು ದಾಖಲಿಸಬಹುದು. cbecಯ ಉಚಿತ ಕರೆ ಸಂಖ್ಯೆ 18001200232ಕ್ಕೆ ಕೂಡ ಕರೆ ಮಾಡಿ ದೂರು ಸಲ್ಲಿಸಬಹುದು.

ಟ್ವಿಟರ್‌ ಮೂಲಕವೂ ದೂರು ದಾಖಲಿಸಿ:

ರೆಸ್ಟೊರೆಂಟ್‌ಗಳು, ಹೋಟೆಲ್‌ಗಳಲ್ಲಿ ಜಿಎಸ್‌ಟಿ ನೆಪದಲ್ಲಿ ವಂಚನೆ ಮಾಡುವ ಸಂದರ್ಭದಲ್ಲಿ ಟ್ವಿಟರ್ ಮೂಲಕವೂ ದೂರು ದಾಖಲಿಸಬಹುದು. (askGST_Goi) ಹಾಗೂ (@FinMinIndia) ಎಂಬ ಟ್ವಿಟರ್‌ ಖಾತೆಗೆ ದೂರು ಸಲ್ಲಿಸಬಹುದು ಎನ್ನಲಾಗಿದೆ.