ಒಂದು ಕಡೆ ಕಚ್ಚಿರುವ ರೀತಿಯಲ್ಲಿ ಆಪಲ್ ಲೋಗೊ ತಯಾರಾಗಿದ್ದು ಏಕೆ? ಇಲ್ಲಿದೆ ಉತ್ತರ!!

ಸ್ಟೀವ್ ಜಾಬ್ಸ್ ಶುರು ಮಾಡಿದ್ದು.!!

ಜೂನ್ 29 ನೇ ತಾರೀಖು 2007 ರಲ್ಲಿ ಹುಟ್ಟಿಕೊಂಡ ಆಪಲ್ ಕಂಪೆನಿ ಕೇವಲ ಹತ್ತು ವರ್ಷದಲ್ಲಿ ಪ್ರಪಂಚದ ನಂಬರ್ ಒನ್ ಮೊಬೈಲ್ ಕಂಪೆನಿ ಎಂದು ಹೆಸರಾಯಿತು.!! ಅತ್ಯುತ್ತಮ ತಂತ್ರಜ್ಞಾನದ ಮೂಲಕ ಇಂದು ಹೆಸರಾಗಿರುವ ಆಪಲ್ ಕಂಪೆನಿಯನ್ನು ಸ್ಟೀವ್ ಜಾಬ್ಸ್ ಸ್ಥಾಪಿಸಿದರು. ಮತ್ತು ಪ್ರಸ್ತುತ ಟಿಮ್ ಕುಕ್ ಈ ಕಂಪೆನಿಗೆ ಸಿಇಓ ಆಗಿದ್ದಾರೆ.!!

ಲೋಗೊ ಕ್ರಿಯೇಟ್ ಆದ ಅಸಲಿ ಕಥೆ?

ಸ್ಟೀವ್ ಜಾಬ್ಸ್ ಆಪೆಲ್ ಕಂಪ್ಯೂಟರ್ಸ್ ಕಂಪೆನಿಯನ್ನು ಶುರುಮಾಡಿದ ನಂತರ ಕಂಪೆನಿಗೆ ಲೋಗೋ ಕ್ರಿಯೇಟ್ ಮಾಡಲು ರೊನಾಲ್ಡ್ ವಾಯೆನ್ ಎಂಬ ಗ್ರಾಫಿಕ್ ಡಿಸೈನರ್‌ ಅನ್ನು ಸಂಪರ್ಕಿಸಿದರು. ರೊನಾಲ್ಡ್ ವಾಯೆನ್ ಐಸಾಕ್ ನ್ಯೂಟನ್ ಆಪಲ್ ಮರದ ಕೆಳಗೆ ಕುಳಿತಿದ್ದಾಗ ಆತನ ತಲೆ ಮೇಲೆ ಆಪೆಲ್ ಒಂದು ಬೀಳುತ್ತದೆ. ಇದನ್ನೇ ಆತ ಲೋಗೋ ಆಗಿ ಬರೆದ.!! ಆದರೆ ಅದು ಸ್ಟೀವ್‌ಗೆ ಇಷ್ಟವಾಗಲಿಲ್ಲ.!!

ಫೈನಲ್ ಲೋಗೊ ಕ್ರಿಯೇಟ್ ಆಗಿದ್ದು ಇವನಿಂದ!!

ರೊನಾಲ್ಡ್ ವಾಯೆನ್ ಆಪಲ್ ಲೋಗೋ ಸ್ಟೀವ್‌ಗೆ ಇಷ್ಟವಾಗಲಿಲ್ಲ. ಹಾಗಾಗಿ, ಸ್ಟೀವ್ ಜಾಬ್ಸ್ ಮತ್ತೊರ್ವ ಗ್ರಾಫಿಕ್ ಡಿಸೈನರ್ 'ರಾಬ್ ಜನೋಫ್' ಎಂಬುವವನನ್ನು ಸಂಪರ್ಕಿಸಿದ. ರಾಬ್ ಜನೋಫ್ ಅದೇ ಆಪಲ್ ಕಾನ್ಸೆಪ್ಟ್ ಹಿಡಿದು ಹಸಿರು ಬಣ್ಣದ ಆಪೆಲ್‌ನ್ನು ಸ್ವಲ್ಪ ಕಚ್ಚಿದಂತೆ ಬರೆದರು. ಈ ಡಿಸೈನ್ ಸ್ಟೀವ್‌‍ಗೆ ಇಷ್ಟವಾಯಿತು. ನಂತರ ಲೋಗೋದಲ್ಲಿ ಕಾಮನಬಿಲ್ಲು ಬಣ್ಣಗಳನ್ನು ಸೇರಿಸಿದರು. ಆ ಬಳಿಕ ಬಣ್ಣಗಳು ಹೋಗಿ ಪ್ಲೆಯಿನ್ ಬಣ್ಣಕ್ಕೆ ಆಪೆಲ್ ಲೋಗೋ ಬದಲಾಯಿತು.!!

ಸ್ವಲ್ಪ ಕಚ್ಚಿದಂತೆ ಯಾಕಿದೆ ಆಪಲ್ ಲೋಗೊ?

ರಾಬ್ ಜನೋಫ್ ಆಪೆಲ್ ಲೋಗೊವನ್ನು ಕಚ್ಚಿದಹಾಗೆ ಯಾಕೆ ಡಿಸೈನ್ ಮಾಡಿದರು ಎಂಬುದಕ್ಕೆ ಅವರೇ ಉತ್ತರ ನೀಡಿದರು. ಆಪಲ್ ಲೋಗೋವನ್ನು ಸಾಮಾನ್ಯವಾಗಿ ನೋಡಿದರೆ ಅದು ಕೇವಲ ಒಂದು ಟ್ಯೋಮ್ಯಾಟೊ ತರಹ ಕಾಣಿಸುತ್ತಿತ್ತು. ಹಾಗಾಗಿ, ನೋಡುವವರು ಅದನ್ನು ಟೊಮ್ಯಾಟೋ ಅಂದುಕೊಳ್ಳುತ್ತಾರೆ. ಹಾಗಾಗಿ ಆಪೆಲನ್ನು ಸ್ವಲ್ಪ ಕಚ್ಚಿದಂಗೆ ವಿನ್ಯಾಸ ಮಾಡಿದೆ ಎಂದು ರಾಬ್ ಹೇಳಿದರು.! ಹೇಗಿದೆ ಅಲ್ವಾ ಕಾನ್ಸೆಪ್ಟ್!!