ವಾಟ್ಸಾಪ್‌ನ ಬಹುನಿರೀಕ್ಷಿತ ಕುತೂಹಲಕಾರಿ ಫೀಚರ್ಸ್‌ ಅಧಿಕೃತವಾಗಿ ಬಿಡುಗಡೆ !

ಹೌದು, ವಾಟ್ಸಾಪ್‌ ಬಳಕೆದಾರರು ನಿರೀಕ್ಷಿಸುತ್ತಿದ್ದ ಮೆಸೇಜ್ ಡಿಸ್‌ಅಪಿಯರ್ ಫೀಚರ್ಸ್‌ ಅನ್ನು ಅಧಿಕೃತವಾಗಿ ಪರಿಚಯಸಿದೆ. ವಾಟ್ಸಾಪ್ ಕಳೆದ ಕೆಲವು ತಿಂಗಳುಗಳಿಂದ ಮೆಸೇಜ್ ಡಿಸ್‌ಅಪಿಯರ್ ಫೀಚರ್ಸ್ ಬಗ್ಗೆ ಕಾರ್ಯನಿರ್ವಹಿಸುತ್ತಿದೆ, ಇದೀಗ ಆದರ ಪರೀಕ್ಷೆ ಪೂರ್ಣಗೊಂಡಿದ್ದು, ಶೀಘ್ರದಲ್ಲೇ ಎಲ್ಲಾ ಬಳಕೆದಾರರಿಗೆ ಲಭ್ಯವಾಗಲಿದೆ. ಈ ಫೀಚರ್ಸ್‌ಗೆ ಸಂಬಂಧಿಸಿದಂತೆ ಕಂಪನಿಯು FAQ ಪುಟವನ್ನು ನವೀಕರಿಸಿದೆ. ಇನ್ನು ಈ ಫೀಚರ್ಸ್‌ನಲ್ಲಿ ವೈಯಕ್ತಿಕ ಮೆಸೇಜ್‌ನಲ್ಲಿ ಈ ಆಯ್ಕೆಯನ್ನು ಆನ್‌- ಆಫ್‌ ಮಾಡುವ ಅವಕಾಶವನ್ನು ಹೊಂದಿರುತ್ತಾರೆ. ಹಾಗಾದ್ರೆ ಈ ಫೀಚರ್ಸ್‌ನ ವಿಶೇಷತೆ ಏನು? ಇದನ್ನು ಬಳಸುವುದು ಹೇಗೆ ಅನ್ನೊದನ್ನ ತಿಳಿಯಲು ಮುಂದೆ ಓದಿರಿ.

ವಾಟ್ಸಾಪ್ ಮೆಸೇಜ್ ಡಿಸ್‌ಅಪಿಯರ್ ಫೀಚರ್ಸ್ ಹೊಸ ಮೆಸೇಜ್‌ಗಳನ್ನು ಕಣ್ಮರೆಯಾಗುವಂತೆ ಮಾಡಲು 7 ದಿನಗಳ ಸಮಯವನ್ನು ನಿಗದಿಪಡಿಸಲಾಗಿದೆ. ಬಳಕೆದಾರರು ಅದನ್ನು ಕಸ್ಟಮೈಸ್ ಮಾಡುವ ಆಯ್ಕೆಯನ್ನು ಪಡೆಯುವುದಿಲ್ಲ, ಅಂದರೆ, ಬಳಕೆದಾರರಿಗೆ ತಮಗಿಷ್ಟದ ಸಮಯವನ್ನು ಸೆಟ್‌ ಮಾಡಲು ಸಾಧ್ಯವಾಗುವುದಿಲ್ಲ. ಈ ಫೀಚರ್ಸ್‌ ಅನ್ನು ಸೆಟ್‌ ಮಾಡಿದ ನಂತರ, ಎಲ್ಲಾ ಹೊಸ ಸಂದೇಶಗಳು 7 ದಿನಗಳ ನಂತರ ಸ್ವಯಂಚಾಲಿತವಾಗಿ ಕಣ್ಮರೆಯಾಗುತ್ತವೆ. ಆದರೆ ಸಂದೇಶಗಳನ್ನು ಫಾರ್ವರ್ಡ್ ಮಾಡುವಲ್ಲಿ ಈ ಫೀಚರ್ಸ್‌ ಕಾರ್ಯನಿರ್ವಹಿಸುವುದಿಲ್ಲ ಎಂಬುದು ಗಮನಿಸಬೇಕಾದ ಸಂಗತಿ.

ಇದಲ್ಲದೆ, ಮೆಸೇಜ್ ಡಿಸ್‌ಅಪಿಯರ್ ಫೀಚರ್ಸ್ ಅನ್ನು ಕಾಪಿ-ಪೇಸ್ಟ್ ಮೂಲಕ ಬಳಸಲು ಬಯಸಿದರೆ ಅದು ಕಾರ್ಯನಿರ್ವಹಿಸುವುದಿಲ್ಲ. ಏಳು ದಿನಗಳ ಅವಧಿಯಲ್ಲಿ ಬಳಕೆದಾರರು ವಾಟ್ಸಾಪ್ ತೆರೆಯದಿದ್ದರೆ, ಸಂದೇಶವು ಕಣ್ಮರೆಯಾಗುತ್ತದೆ. ಇನ್ನು ಮೆಸೇಜ್ ಡಿಸ್‌ಅಪಿಯರ್ ಫೀಚರ್ಸ್ ಐಒಎಸ್, ಆಂಡ್ರಾಯ್ಡ್, ಕೈಯೋಸ್ ಮತ್ತು ವೆಬ್ / ಡೆಸ್ಕ್‌ಟಾಪ್ ಬಳಕೆದಾರರಿಗೆ ಲಭ್ಯವಿರುತ್ತದೆ. ಅಲ್ಲದೆ ಈ ಫೀಚರ್ಸ್‌ ತಾನಾಗೆ ಆಕ್ಟಿವ್‌ ಆಗುವುದಿಲ್ಲ ವಾಟ್ಸಪ್‌ನಲ್ಲಿ ಬಳಕೆದಾರರು ತಮ್ಮ ಕೈಯಾರೆ ತಾವೇ ಸಕ್ರಿಯಗೊಳಿಸಬೇಕಾಗುತ್ತದೆ.

ಮೆಸೇಜ್ ಡಿಸ್‌ಅಪಿಯರ್ ಅನ್ನು ಸಕ್ರಿಯಗೊಳಿಸುವುದು ಹೇಗೆ?

ಹಂತ:1 ವಾಟ್ಸಾಪ್ ಚಾಟ್ ತೆರೆಯಿರಿ
ಹಂತ:2 ಸಂಪರ್ಕದ ಹೆಸರನ್ನು ಟ್ಯಾಪ್ ಮಾಡಿ
ಹಂತ:3 ಮೆಸೇಜ್ ಡಿಸ್‌ಅಪಿಯರ್ ಟ್ಯಾಪ್ ಮಾಡಿ
ಹಂತ:4 ನಂತರ ಕಂಟಿನ್ಯೂ ಟ್ಯಾಪ್ ಮಾಡಿ
ಹಂತ:5 ಆನ್ ಆಯ್ಕೆಮಾಡಿ