ಜನಪ್ರಿಯ ವಾಟ್ಸ್​ಆಪ್‌ನಲ್ಲಿ ಕಾಣಿಸಿಕೊಂಡಿತು ಜಾಹಿರಾತು!

ಮೊದಲೇ ಹೇಳಲಾಗಿತ್ತು

ವಾಟ್ಸ್ಆಪ್​ನಲ್ಲಿ ಜಾಹೀರಾತುಗಳು 2019ರಿಂದ ಆರಂಭವಾಗಲಿವೆ ಎಂದು ಈ ವರ್ಷದ ಆರಂಭದಲ್ಲೇ ವಾಲ್​ ಸ್ಟ್ರೀಟ್​ ಜರ್ನಲ್​ ಪ್ರಕಟಿಸಿದ್ದ ವರದಿಯಲ್ಲಿಯೇ ಹೇಳಲಾಗಿತ್ತು. ಇನ್ನು ಕಳೆದ ತಿಂಗಳಷ್ಟೇ WaBetaInfo ಪ್ರಕಟಿಸಿರುವ ವರದಿ ಅನ್ವಯ ವಾಟ್ಸ್‌ಆಪ್ ತನ್ನ​ ಬಳಕೆದಾರರ ಸ್ಟೇಟಸ್​ನಲ್ಲಿ ಜಾಹೀರಾತುಗಳನ್ನು ತೋರಿಸಲಿದೆ ಎಂದು ಹೇಳಿದ್ದನ್ನು ಸಹ ನೀವು ನೋಡಬಹುದು.

ಜಾಹಿರಾತು ಟೆಸ್ಟಿಂಗ್ ಆರಂಭ!

ಫೇಸ್​ಬುಕ್​ ಇದೇ ವರ್ಷ ಜೂನ್​ನಲ್ಲಿ ಇನ್ಸ್ಟಾಗ್ರಾಂ ಸ್ಟೋರೀಸ್​ನಲ್ಲಿ ಜಾಹೀರಾತನ್ನು ಆರಂಭಿಸಿತ್ತು. ಇದೇ ರೀತಿ ಈಗ ವಾಟ್ಸ್ಆಪ್ ಮೂಲಕವೂ ಜಾಹಿರಾತು ಟೆಸ್ಟಿಂಗ್​ನ್ನೂ ಅನ್ನು ಈಗಾಗಲೇ ಆರಂಭಿಸಿದೆ. ಲಭ್ಯವಾದ ಮಾಹಿತಿ ಅನ್ವಯ ಇನ್ಸ್ಟಾಗ್ರಾಂ ಸ್ಟೋರೀಸ್​ನಲ್ಲಿ ಕಾಣಿಸುವ ಜಾಹಿರಾತುಗಂತೆ ವಾಟ್ಸ್ಆಪ್‌ನಲ್ಲಿಯೂ ಜಾಹಿರಾತುಗಳು ಕಾಣಿಸಿಕೊಳ್ಳುತ್ತಿವೆ ಎಂದು ತಿಳಿದುಬಂದಿದೆ.

ಸ್ಟೇಟಸ್‌ನಲ್ಲಿ ಜಾಹಿರಾತು!

ಇನ್ಸ್ಟಾಗ್ರಾಂ ಸ್ಟೋರೀಸ್​ನಲ್ಲಿ ಕಾಣಿಸುವಂತೆ ವಾಟ್ಸ್ಆಪ್‌ನ ಸ್ಟೇಟಸ್ ಮೂಲಕ ಮಾತ್ರ ಜಾಹಿರಾತುಗಳನ್ನು ಪ್ರಕಟಿಸಲು ಸಂಸ್ಥೆ ನಿರ್ಧರಿಸಿದೆ ಎಂದು ತಿಳಿದುಬಂದಿದೆ. ಈ ಜಾಹೀರಾತುಗಳು ವಿಡಿಯೋ ಹಾಗೂ ಚಿತ್ರದ ರೂಪದಲ್ಲಿ ಇರಲಿವೆ. ಬಳಕೆದಾರರು ಆ ಜಾಹಿರಾತುಗಳನ್ನು ಕ್ಲಿಕ್ ಮಾಡಿದಾಗ ನೇರವಾಗಿ ಜಾಹಿರಾತು ನೀಡಿದ ಕಂಪೆನಿಗಳ ವೆಬ್‌ಸೈಟ್ ತೆರೆದುಕೊಳ್ಳಲಿದೆ.

ಗ್ರಾಹಕರಿಗಿಲ್ಲ ಹೆಚ್ಚು ಕಿರಿಕಿರಿ!

ಉಚಿತವಾಗಿ ಸೇವೆಯನ್ನು ನೀಡುತ್ತಿದ್ದ ವಾಟ್ಸಆಪ್‌ನಲ್ಲಿ ಆದಾಯ ಮಾಡಲು ಮುಂದಾಗಿರುವ ಮಾತೃಸಂಸ್ಥೆ ಫೇಸ್‌ಬುಕ್, ವಾಟ್ಸ್ಆಪ್ ಮೂಲಕ ಪ್ರಕಟಿಸು ಜಾಹಿರಾತುಗಳು ಬಳಕೆದಾರರಿಗೆ ಕಿರಿಕಿರಿಯಾಗದಂತೆ ನೋಡಿಕೊಳ್ಳಲು ಪ್ರಯತ್ನಿಸಿದೆ. ವಾಟ್ಸ್ಆಪ್ ಸ್ಟೇಟಸ್ ಬಿಟ್ಟರೆ ಬೇರೆಲ್ಲಿಯೂ ಜಾಹಿರಾತು ನೀಡಿಲ್ಲದಿರುವುದು ಗ್ರಾಹಕರಿಗಿಲ್ಲ ಹೆಚ್ಚು ಕಿರಿಕಿರಿಯಾಗಿಲ್ಲ ಎಂದು ಹೇಳಲಾಗಿದೆ.

ಜನವರಿ 1 ರಿಂದಲೇ ಆರಂಭ?

ವಾಟ್ಸ್ಆಪ್ ಬಳಕೆದಾರರ ಸ್ಟೇಟಸ್​ ವಿಭಾಗದಲ್ಲಿ ಜಾಹೀರಾತುಗಳು ಕಾಣಿಸಿಕೊಂಡಿರುವುದು ಖಚಿತವಾದರೂ, ಸದ್ಯ ಜಾಹೀರಾತುಗಳು ಎಲ್ಲಾ ಬಳಕೆದಾರರಿಗೂ ಯಾವಾಗ ಕಾಣಿಸಿಕೊಳ್ಳಲಿವೆ ಎನ್ನುವ ಕುರಿತು ಸ್ಪಷ್ಟಪಡಿಸಿಲ್ಲ. ಆದರೆ, ವಾಟ್ಸ್ಆಪ್ ಮೂಲಗಳು ಬಿಟ್ಟುಕೊಟ್ಟಿರುವ ವದಂತಿಗಳಂತೆ, ಇದೇ ಜನವರಿ ತಿಂಗಳಿನಲ್ಲೇ ಎಲ್ಲಾ ಬಳಕೆದಾರರಿಗೂ ಜಾಹಿರಾತು ಕಾಣಿಸಿಕೊಳ್ಳಲಿವೆ.