ವಾಟ್ಸಾಪ್‌ನಿಂದ ಹೊಸ ವಾಲ್‌ಪೇಪರ್ ಮತ್ತು ಸ್ಟಿಕ್ಕರ್‌ ಫೀಚರ್ಸ್‌ ಬಿಡುಗಡೆ!

ಹೌದು, ವಾಟ್ಸಾಪ್‌ ತನ್ನ ಬಳಕೆದಾರರಿಗೆ ಹೊಸ ಫೀಚರ್ಸ್‌ ಅನ್ನು ಪರಿಚಯಿಸಿದೆ. ಕಸ್ಟಮ್ ಚಾಟ್ ವಾಲ್‌ಪೇಪರ್‌ಗಳು, ಹೆಚ್ಚುವರಿ ಡೂಡಲ್ ವಾಲ್‌ಪೇಪರ್‌ಗಳು, ನವೀಕರಿಸಿದ ಸ್ಟಾಕ್ ವಾಲ್‌ಪೇಪರ್ ಗ್ಯಾಲರಿ ಮತ್ತು ಲೈಟ್‌ ಮತ್ತು ಡಾರ್ಕ್ ಮೋಡ್ ಸೆಟ್ಟಿಂಗ್‌ಗಳಿಗಾಗಿ ಪ್ರತ್ಯೇಕ ವಾಲ್‌ಪೇಪರ್‌ಗಳನ್ನು ಹೊಂದಿಸುವ ಸಾಮರ್ಥ್ಯ ಸೇರಿದಂತೆ ಮೆಸೇಜಿಂಗ್ ಪ್ಲಾಟ್‌ಫಾರ್ಮ್ ವಾಲ್‌ಪೇಪರ್‌ಗೆ ನಾಲ್ಕು ಪ್ರಮುಖ ನವೀಕರಣಗಳನ್ನು ಬಿಡುಗಡೆ ಮಾಡಿದೆ. ಇನ್ನುಳಿದಂತೆ ಈ ಹೊಸ ಫೀಚರ್ಸ್‌ಗಳ ವಿಶೇಷತೆ ಏನು ಅನ್ನೊದನ್ನ ಈ ಲೇಖನದಲ್ಲಿ ತಿಳಿಸಿಕೊಡ್ತಿವಿ ಓದಿರಿ.

ಹೆಸರೇ ಸೂಚಿಸುವಂತೆ, ಕಸ್ಟಮ್ ಚಾಟ್ ವಾಲ್‌ಪೇಪರ್‌ಗಳು ಬಳಕೆದಾರರಿಗೆ ಪ್ರಮುಖ ಚಾಟ್‌ಗಳು ಅಥವಾ ನೆಚ್ಚಿನ ಸಂಪರ್ಕಗಳಿಗಾಗಿ ಕಸ್ಟಮ್ ವಾಲ್‌ಪೇಪರ್ ಬಳಸುವ ಮೂಲಕ ಚಾಟ್‌ಗಳನ್ನು ವೈಯಕ್ತಿಕ ಮತ್ತು ಪ್ರತ್ಯೇಕಿಸಲು ಅನುಮತಿಸುತ್ತದೆ. ಮೆಸೇಜಿಂಗ್ ಪ್ಲಾಟ್‌ಫಾರ್ಮ್ ವಾಲ್‌ಪೇಪರ್ ಲೈಬ್ರರಿಯಲ್ಲಿ ಪ್ರಪಂಚದಾದ್ಯಂತದ ಪ್ರಕೃತಿ ಮತ್ತು ವಾಸ್ತುಶಿಲ್ಪದ ಹೊಸ ಚಿತ್ರಗಳನ್ನು ಸೇರಿಸಿದೆ. ಬಳಕೆದಾರರಿಗೆ ಡಾರ್ಕ್ ಮತ್ತು ಲೈಟ್ ಮೋಡ್‌ನಲ್ಲಿ ಪ್ರತ್ಯೇಕ ವಾಲ್‌ಪೇಪರ್ ಹೊಂದಿಸಲು ವಾಟ್ಸಾಪ್ ಸುಲಭವಾದ ಮಾರ್ಗವನ್ನು ಸಹ ಸಕ್ರಿಯಗೊಳಿಸಿದೆ. ಫೋನ್ ಸಾಧನ ಸೆಟ್ಟಿಂಗ್ ಬೆಳಕಿನಿಂದ ಡಾರ್ಕ್ ಮೋಡ್‌ಗೆ ಬದಲಾದಂತೆ ಚಾಟ್ ವಾಲ್‌ಪೇಪರ್ ಸ್ವಯಂಚಾಲಿತವಾಗಿ ಪರಿವರ್ತನೆಗೊಳ್ಳುತ್ತದೆ.

ವಾಲ್‌ಪೇಪರ್‌ಗೆ ಸುಧಾರಣೆಗಳನ್ನು ಸೇರಿಸುವುದರ ಜೊತೆಗೆ, ವಾಟ್ಸಾಪ್ ಸ್ಟಿಕರ್ ಸರ್ಚಿಂಗ್‌ ಅನುಭವವನ್ನು ಇನ್ನಷ್ಟು ಸುಧಾರಿಸಿದೆ. ಪಠ್ಯ ಅಥವಾ ಎಮೋಜಿಗಳೊಂದಿಗೆ ಸ್ಟಿಕ್ಕರ್‌ಗಳನ್ನು ಸುಲಭವಾಗಿ ಹುಡುಕಲು ಮತ್ತು ಸಾಮಾನ್ಯ ಸ್ಟಿಕ್ಕರ್ ವಿಭಾಗಗಳ ಮೂಲಕ ಬ್ರೌಸ್ ಮಾಡಲು ಬಳಕೆದಾರರಿಗೆ ಸುಲಭ ಅವಕಾಶವನ್ನು ನೀಡಿದೆ. ಇನ್ನು ಇದನ್ನು ಹೊರತರಲು ಪ್ರಾರಂಭಿಸಿದಾಗ, ಸ್ಟಿಕ್ಕರ್ ಅಪ್ಲಿಕೇಶನ್ ರಚನೆಕಾರರು ತಮ್ಮ ಸ್ಟಿಕ್ಕರ್‌ಗಳನ್ನು ಎಮೋಜಿಗಳು ಮತ್ತು ಪಠ್ಯವನ್ನು ಮುಂದಕ್ಕೆ ಚಲಿಸುವಂತೆ ಟ್ಯಾಗ್ ಮಾಡಲು ನಾವು ಪ್ರೋತ್ಸಾಹಿಸುತ್ತೇವೆ, ಆದ್ದರಿಂದ ಅವರ ಸ್ಟಿಕ್ಕರ್‌ಗಳು ವಾಟ್ಸಾಪ್ ಬಳಕೆದಾರರಿಗಾಗಿ ಲಭ್ಯವಾಗಲಿದೆ ಎಂದು ವಾಟ್ಸಾಪ್‌ ಹೇಳಿದೆ.

ಇನ್ನು ಈ ವರ್ಷದ ಆರಂಭದಲ್ಲಿ ಪ್ರಾರಂಭಿಸಲಾದ ವಿಶ್ವ ಆರೋಗ್ಯ ಸಂಸ್ಥೆಯ "ಟುಗೆದರ್ ಅಟ್ ಹೋಮ್" ಸ್ಟಿಕ್ಕರ್ ಪ್ಯಾಕ್ ಈಗ ಅನಿಮೇಟೆಡ್ ಸ್ಟಿಕ್ಕರ್‌ಗಳಾಗಿ ಲಭ್ಯವಿದೆ. "ಟುಗೆದರ್ ಅಟ್ ಹೋಮ್" ವಾಟ್ಸಾಪ್‌ನಾದ್ಯಂತ ಅತ್ಯಂತ ಜನಪ್ರಿಯ ಸ್ಟಿಕ್ಕರ್ ಪ್ಯಾಕ್‌ಗಳಲ್ಲಿ ಒಂದಾಗಿದೆ. ಈಗ ಅದರ ಅನಿಮೇಟೆಡ್ ರೂಪದಲ್ಲಿ ಇನ್ನಷ್ಟು ಅಭಿವ್ಯಕ್ತಿಶೀಲ ಮತ್ತು ಉಪಯುಕ್ತವಾಗಲಿದೆ ಎಂದು ಕಂಪನಿ ಹೇಳಿಕೊಂಡಿದೆ. ಸದ್ಯ, ಈ ಸ್ಟಿಕ್ಕರ್ ಪ್ಯಾಕ್ ವಾಟ್ಸಾಪ್‌ನಲ್ಲಿ ಲಭ್ಯವಿದೆ, ಇದರಲ್ಲಿ 9 ಭಾಷೆಗಳಿಗೆ ಸ್ಥಳೀಕರಿಸಲಾಗಿದೆ. ಅರೇಬಿಕ್, ಫ್ರೆಂಚ್, ಜರ್ಮನ್, ಇಂಡೋನೇಷಿಯನ್, ಇಟಾಲಿಯನ್, ಪೋರ್ಚುಗೀಸ್, ರಷ್ಯನ್, ಸ್ಪ್ಯಾನಿಷ್ ಮತ್ತು ಟರ್ಕಿಶ್ ಭಾಷೆಗಳಲ್ಲಿ ಲಭ್ಯವಾಗಲಿದೆ.